ບໍ່ຄຳ-ທອງ ເຊໂປນ ຖືສຳຄັນຕໍ່ສຸຂະພາບຂອງແມ່ ແລະ ເດັກນ້ອຍ

      ບໍລິສັດ ເອັມເອັມຈີ ລ້ານຊ້າງ ມີເນໂຣນ ລິມິເຕັດ ບໍ່ຄຳ-ທອງ ເຊໂປນ (MMG LXML Sepon) ຖືສຳຄັນຕໍ່ບັນຫາ ສຸ ຂະພາບຂອງແມ່ ແລະ ເດັກ ໂດຍໄດ້ປະກ ອບສ່ວນເງິນ 200 ລ້ານກີບໃຫ້ແກ່ ໂຮງໝໍເດັກໃນນະຄອນຫຼວງວຽງຈັນ ແລະ ໂຮງໝໍ ເມືອງສີໂຄດຕະບອງເພື່ອຈັດຊື້ອຸປະກອນການແພດທີ່ສຳຄັນລວມມີຕູ້ອົບ ເດັກເກີດໃໝ່, ຕຽງຄົນເຈັບ, ເຄື່ອງຊັ່ງນ້ຳ ໜັກເດັກ ແລະ ເຄື່ອງຟອກອາກາດ.   

    ບັນດາອຸປະກອນດັ່ງກ່າວຈະ ຊ່ວຍໃຫ້ ສປປ ລາວ ສາມາດບັນ ລຸເປົ້າໝາຍ ສະຫະສະຫວັດດ້ານການພັດທະນາໃນການ ດູແລສຸຂະພາບຂອງແມ່ ແລະ ເດັກນ້ອຍ. ບັນດາແພດໝໍໃນໂຮງໝໍທັງສອງແຫ່ງນີ້ສາມາດນຳໃຊ້ເຄື່ອງມືດັ່ງກ່າວເພື່ອໃຫ້ບໍ ລິການ ແລະ ປິ່ນປົວປະຊາຊົນຢ່າງມີປະສິດ ທິຜົນ.

     ທ່ານ ນາງ ດຣ. ພອນດາວັນ ພອນສະຫວັນ ຮອງອຳນວຍ ການໂຮງໝໍເດັກກ່າວວ່າ. “ພວກ ເຮົາຂໍສະແດງຄວາມຮູ້ບຸນຄຸນ ຢ່າງສູງຕໍ່ການປະກອບສ່ວນທີ່ ສຳຄັນຂອງ ບໍລິສັດ MMG LXML Sepon ໃນຄັ້ງນີ້. ເຄື່ອງມື ດັ່ງກ່າວນີ້ຈະຊ່ວຍກອບ ກູ້ຊີ ວິດ ແລະ ສ້າງຜົນປະໂຫຍດອັນສຳຄັນສຳລັບແມ່ ແລະ ເດັກນ້ອຍທີ່ ຕ້ອງການຄວາມຊ່ວຍເຫຼືອຈາກໂຮງໝໍຂອງພວກ ເຮົາ,”         

              ຂະນະດຽວກັນ, ທ່ານ ຣິກ ວັດສ໌ຟອດ ຜູ້ຈັດການໃຫຍ່ ຂອງ MMG LXML Sepon ກ່າວ “ບໍ່ຄຳ-ທອງເຊ ໂປນມີຄວາມພາກພູມໃຈຫຼາຍທີ່ໄດ້ສືບຕໍ່ໃຫ້ການຊ່ວຍເຫຼືອໃນການເລີ່ມຕົ້ນຊີວິດທີ່ດີທີ່ສຸດສຳລັບເດັກ ນ້ອຍໃນ ສປປ ລາວ ແລະ ຊ່ວຍ ປົກປ້ອງສຸຂະພາບຂອງແມ່,” .  

               ນອກຈາກນີ້, MMG LXML Sepon ຍັງໄດ້ໃຫ້ທຶນຈຳ ນວນ 1,4 ລ້ານໂດລາສະຫະລັດ ເພື່ອສະໜັບສະໜູນ ການດູແລສຸ ຂະພາບຂອງແມ່ ແລະ ເດັກ ນ້ອຍ ໂດຍຜ່ານ “ໂຄງການ 1.000 ມື້ທຳ ອິດຂອງເດັກນ້ອຍ” ໂດຍການ ຮ່ວມມື ກັນສາມຝ່າຍລະຫວ່າງ ອົງການ UNICEF, ກະຊວງສາ ທາລະນະສຸກ ແລະ ບໍລິສັດ MMG ເພື່ອແຈກຢາຍຝຸ່ນວິຕາ ມິນໃຫ້ ແກ່ເດັກນ້ອຍທີ່ຂາດສານ ອາຫານຢູ່ແຂວງຜົ້ງສາລີ, ສະ ຫວັນນະເຂດ ແລະ ສາລະວັນ.    

      ເປົ້າໝາຍຂອງໂຄງການແມ່ນ ເພື່ອຊ່ວຍຫຼຸດຜ່ອນອັດຕາການ ເສຍຊີວິດຂອງເດັກທີ່ກ່ຽວພັນກັບການຂາດສານອາຫານ ເຊິ່ງບັນຫາດັ່ງກ່າວມີຜົນກະທົບອັນຍາວນານຕໍ່ການພັດທະນາຂອງເດັກ.

           ໃນແຕ່ລະປີຢູ່ ສປປ ລາວ ເດັກທີ່ມີ ອາຍຸຕ່ຳກວ່າ 5 ປີ ຈຳນວນຫຼາຍ ກວ່າ 5.000 ຄົນ ແລະ ແມ່ອີກ 50 ຄົນໄດ້ເ ສຍຊີວິດອັນເນື່ອງມາ ຈາກບັນຫາໂພຊະນາການ ແລະ ໂຄງການດັ່ງກ່າວຈະເປັນການປະກອນສ່ວນທີ່ສຳຄັນຕໍ່ການຫຼຸດຜ່ອນ ບັນຫາດັ່ງກ່າວ.    

           ຢູ່ເມືອງວິລະບູລີ ຊຶ່ງເປັນ ທີ່ຕັ້ງຂອງບໍ່ຄຳ-ທອງເຊໂປນ, ທາງບໍລິສັດໄດ້ປຸກສ້າງ ແລະ ສະໜອງອຸປະກອນການແພດ ໃຫ້ແກ່ໂຮງໝໍເມືອງວິລະບູລີ. ນອກ ຈາກນັ້ນບໍລິສັດພວມອອກແບບອີກໜຶ່ງໂຄງການເພື່ອປັບປຸງການບໍລິການສຸຂະພາບຂອງ ຊາວ ເມືອງວິລະບູລີໂດຍການຮ່ວມຈັດຕັ້ງປະຕິບັດໂດຍສະຖາບັນ Mac farlane Burnet Institute ແລະ ຫ້ອງການສາ ທາລະນະສຸກເມືອງ. ໃນປີນີ້ບໍລິສັດຍັງມີແຜນຈະສະ ໜອງອຸປະກອນການແພດຕື່ມອີກໃຫ້ແກ່ໂຮງໝໍແຂວງສະຫວັນນະເຂດ.