ຕະຫລາດນັດຫມາກແຕງຫອມຢູ່ທ່າເຮືອທ່າເດື່ອແຂວງໄຊຍະບູລີ ມີບັນຍາກາດຄຶກຄື້ນ

     ຕະຫລາດນັດໝາກແຕງຫອມຫວານ ແລະ ການແຂ່ງຂັນກິລາເຮືອຊ່ວງຢູ່ບ້ານທ່າເດື່ອ ເມືອງ ໄຊຍະບູລີ ໄດ້ຈັດຂຶ້ນເປັນ ປີທຳ ອິດ ໃນວັນທີ 24-25 ສິງຫາຜ່ານມາ ຢູ່ບໍລິເວນທ່າເຮືອບ້ານທ່າເດື່ອ ໂດຍມີຄະນະນຳຂອງ ແຂວງ, ເມືອງໄຊຍະບູລີ ແລະ ອຳນາດການປົກຄອງບ້ານອ້ອມ ຂ້າງເຂົ້າຮ່ວມ ຕະຫລອດເຖິງ ຊາວສວນໝາກແຕງເຂົ້າຮ່ວມນັບເປັນຈຳນວນຫລວງ ຫລາຍ.

     ຕາມການເປີດເຜີຍຂອງນາຍ ບ້ານທ່າເດື່ອ, ຕະຫລາດນັດປີນີ້ ຕົ້ນຕໍເພື່ອສ່ອງແສງໃຫ້ເຫັນຄວາມດຸໝັ່ນຂອງປະຊາຊົ ນເຂດນີ້ໃນການເຮັດສວນໂດຍການປູກໝາກແຕງພ້ອມກັບສວນເຂົ້າ, ເມື່ອໝາກແຕງສຸກແລ້ວກໍໄດ້ໂຮມມາຂາຍຢູ່ຈຸດ ດຽວ ຄື ບ້ານທ່າເດື່ອ ເຊິ່ງເປັນທາງຜ່ານຂອງຄົນທັງພາຍໃນ ແລະ ນັກທ່ອງທ່ຽວ ທັງເປັນການສົ່ງເສີມການທ່ອງທ່ຽວ ພາຍ ໃນບ້ານ ທ່າເດື່ອເຮັດໃຫ້ປະຊາຊົນມີລາຍຮັບເພີ່ມຂຶ້ນ ແລະ ຫລຸດພົ້ນຈາກ ຄວາມທຸກຍາກ. ສ່ວນການແຂ່ງ ຂັນເຮືອຊ່ວງເປັນການສ້າງ ຄວາມສາມັກຄີຂອງປະຊາຊົນບ້ານໃກ້ຄຽງ ທັງເປັນໂອກາດອັນດີໃຫ້ຍາດຕິພີ່ນ້ອງໄດ້ພົບພໍ້ກັນ, ມາຢ້ຽມຢາມກັນ ແລະ ເພື່ອ ຮັກສາສົ່ງເສີມມູນເຊື້ອປະເພນີທີ່ເປັນເອກະລັກນີ້ໄວ້ໃຫ້ຍືນຍົງຕະຫຼອດໄປ. ໃນພິທີດັ່ງກ່າວນີ້ມີການປະກວດໝາກແຕງ ຫອມ ຫວານ, ເຂົ້າຮ່ວມມີ 17ຮ້ານ ຜົນປາກົດ ວ່າທີ 1 ໄດ້ແກ່ບ້ານທ່າເດື່ອ, ທີ 2 ບ້ານປາກໄພ່, ທີ 3 ບ້ານປາງ ຄອມ.  ປະກວດອາ ຫານທີ 1 ແລະ ທີ 2 ແມ່ນບ້ານທ່າເດື່ອ, ທີ 3 ໄດ້ ແກ່ບ້ານປາງຄອມ, ການແຂ່ງ ຂັນເຮືອຊ່ວງປະເພດ 20 ສີພາຍ ມີເຮືອ 5 ລຳ ຈາກ 5 ບ້ານອ້ອມ ຂ້າງເຂົ້າຮ່ວມ.