ໃນວັນທີ 22 ກັນຍານີ້, ທ່ານ ສົມສະຫວາດ ເລັ່ງສະຫວັດ
ຮອງນາຍົກລັດ ຖະມົນຕີ, ຜູ້ຊີ້ນຳວຽກງານເສດຖະກິດ, ທັງເປັນປະທານຄະນະກຳມະການແຫ່ງ ຊາດລາວ ເພື່ອຄຸ້ມຄອງເສດຖະກິດພິເສດ
ແລະ ເສດຖະກິດສະເພາະ (ຄຂພສ) ພ້ອມ ດ້ວຍຄະນະໄດ້ເດີນທາງໄປຢ້ຽມຢາມ ແລະ ຕິດຕາມຊຸກຍູ້ວຽກງານທີ່ຫ້ອງ ການເຂດເສດຖະກິດສະເພາະທ່າແຂກແຂວງຄຳ
ມ່ວນເຊິ່ງມີທ່ານເຈົ້າແຂວງ, ຄະນະນຳແຂວງແລະຄະນະບໍລິຫານເຂດດັ່ງກ່າວໃຫ້ການຕ້ອນຮັບ.
ໃນການຢ້ຽມຢາມຄັ້ງນີ້, ຄະນະບໍລິຫານເຂດເສດຖະກິດສະເພາະທ່າແຂກ
ແລະ ເຂດເສດຖະກີດສະເພາະພູຂຽວ ກໍໄດ້ລາຍງານໃຫ້ຊາບກ່ຽວກັບການພັດທະນາເຂດໃນໄລຍະຜ່ານມາ ເຊິ່ງມີຄວາມສຳເລັດລາຍດ້ານເປັນຕົ້ນສຳເລັດການສ້າງ
ແຜນຍຸດທະສາດ, ແຜນພັດທະນາເສດຖະກິດ-ສັງຄົມເຂດ, ການສ້າງແຜນຜັງເຂດ, ການອອກແບບພື້ນຖານໂຄງລ່າງ,
ຮ່າງລະ ບຽບການຄຸ້ມຄອງເຂດ ແລະ ອື່ນໆ. ປັດຈຸບັນ, ໄດ້ເຊັນ MOU ກັບ 18 ບໍລິສັດ, ເຊັນສັນຍາ
ແລະ ອອກໃບອະນຸຍາດລົງ
ທຶນແລ້ວ 6 ບໍລິ ສັດ ໃນເນື້ອທີ່ດິນ 700 ກວ່າເຮັກຕາ; ແຕ່ເຂດດັ່ງກ່າວຍັງພົບຂໍ້ຫຍຸ້ງຍາກທັງທາງດ້ານທຶນຮອນເພື່ອການ
ພັດທະນາ ແລະ ນິຕິກຳ ຈຳເປັນຈຳນວນໜຶ່ງເພື່ອການຄຸ້ມຄອງເຂດ; ສຳລັບເຂດເສດຖະກິດສະເພາະພູຂຽວກໍສຳເລັດການສຳ
ຫລວດເນື້ອທີ່ລະອຽດເພື່ອການອອກແບບແຜນຜັງ, ການປະຕິບັດການຊົດເຊີຍ,ຕັດທະລຸແລວທາງ, ກໍ່ສ້າງເສັ້ນທາງເຊື່ອມຕໍ່
ແລະ ອື່ນໆ.
ໂອກາດດັ່ງກ່າວ, ທ່ານຮອງ ນາຍົກລັດຖະມົນຕີ
ສົມສະຫວາດ ເລັ່ງສະຫວັດ ກໍໄດ້ໃຫ້ກຽດໂອ້ລົມເຊິ່ງທ່ານໄດ້ສະ ແດງຄວາມຊົມເຊີຍຕໍ່ຜົນສຳເລັດທີ່ເຂດສາມາດຍາດມາໄດ້ແຕ່ໃຫ້ເອົາໃຈໃສ່ບາງບັນຫາເປັນຕົ້ນເຂດເສດຖະກິດສະເພາະທ່າ
ແຂກຕ້ອງເອົາໃຈໃສ່ຄຸ້ມຄອງບາງຫົວໜ່ວຍທຸລະກິດໃຫ້ມີຄວາມສະຫງົບ, ປອດໄພ ແລະ ເປັນລະບຽບຮຽບຮ້ອຍ,
ກວດກາ ຄືນພື້ນຖານໂຄງລ່າງທີ່ກ່ຽວພັນກັບການພັດທະນາເຂດ, ຮີບດ່ວນຄົ້ນຄວ້າ ແລະ ກຳນົດນິຕິກຳເພື່ອເປັນບ່ອນອີງການຄຸ້ມຄອງ
ເຂດ, ເບິ່ງຄືນການກຳນົດເຂດໃຫ້ມີການພັດທະນາທີ່ແນ່ນອນ, ເອົາໃຈໃສ່ຄຸ້ມຄອງຮ້ານຄ້າປອດພາສີ
ໃຫ້ມີການເຄື່ອນໄຫວ ສອດຄ່ອງກັບຄວາມເປັນຈິງ. ພ້ອມທັງເນັ້ນຕື່ມຕໍ່ທິດທາງການລົງທຶນທີ່ເປັນການຜະລິດເປັນສິນຄ້າເພື່ອສົ່ງອອກ;
ສຳລັບເຂດ ເສດຖະກິດສະເພາະພູຂຽວເຖິງວ່າຈະມີການຈັດຕັ້ງປະຕິບັດທີ່ເປັນຮູບປະທຳຈຳນວນໜຶ່ງແຕ່ກໍໃຫ້ມີການຄົ້ນຄວ້າລະອຽດ
ຄືນໃໝ່ເພື່ອວາງທິດທາງແຜນການພັດທະນາເຂດໃນຕໍ່ໜ້າ.
ໃນເວລາຕໍ່ມາ, ທ່ານ ຮອງນາຍົກລັດຖະມົນຕີ ແລະ
ຄະນະ ກໍໄດ້ໄປຢ້ຽມຢາມໂຮງງານຜະລິດເກືອກາລີຂອງບໍລິສັດ ລາວຄາຍຢວນບໍ່ແຮ່ຈຳກັດຢູ່ແຂວງຄຳມ່ວນ
ເຊິ່ງເປັນບໍລິສັດທີ່ໄດ້ຮັບສຳປະທານຂຸດຄົ້ນເກືອກາລີ ມາແຕ່ປີ 2011 ແລະ ຄາດ ວ່າປີນີ້ ຈະສາມາດຜະລິດໄດ້
1,5 ແສນໂຕນ ແລະ ຈະເພີ່ມເປັນ 5 ແສນ ໂຕນ ໃນປີ 2014 ໂດຍໄດ້ສົ່ງອອກໄປປະເທດ ຫວຽດນາມ, ມາເລເຊຍ,
ອິນໂດເນເຊຍ, ສ.ເກົາຫຼີ, ຍີ່ປຸ່ນ ແລະ ຟີລິປິນ. ປັດຈຸບັນ, ໄດ້ລົງທຶນ ໄປແລ້ວ 200 ລ້ານໂດລາສະ
ຫະລັດໃນຈຳນວນມູນຄ່າການລົງທຶນທັງໝົດ 1.500 ລ້ານໂດລາສະຫະລັດ ແລະ ສາມາດຜະລິດໄດ້ເຖິງ 3
ລ້ານໂຕນຕໍ່ປີ; ພ້ອມນີ້, ທ່ານຮອງນາຍົກລັດຖະມົນຕີ ກໍໄດ້ເນັ້ນຕື່ມໃຫ້ເອົາໃຈໃສ່ປະກອບສ່ວນຊ່ວຍເຫຼືອສັງຄົມທີ່ບໍລິສັດ
ເຮັດໄດ້ດີໃນໄລ ຍະຜ່ານມາ ໂດຍສະເພາະທ້ອງຖິ່ນອ້ອມຂ້າງໂຮງງານ ແລະ ປະສານສົມທົບຢ່າງສະນິດແໜ້ນກັບແຂວງ
ແລະ ພະແນກການ ເພື່ອເຮັດໃຫ້ກາຍເປັນໂຄງການລົງທຶນແບບຢ່າງລາວ- ຈີນ ທີ່ມີປະສິດທິຜົນ ແລະ
ຕ່າງຝ່າຍຕ່າງມີຜົນປະໂຫຍດຮ່ວມກັນ.
No comments:
Post a Comment