ສປປ ລາວ, ໄດ້ຮັບການຍ້ອງຍໍຈາກບັນດາອົງການການເງິນສາກົນວ່າເປັນປະເທດໜຶ່ງທີ່ມີການອະນຸມັດການລົງທຶນໄວ
ໃນ ປີ 2013, ເຊິ່ງເປັນຜົນມາຈາກການປັບປຸງບັນດາລະບຽບການ ແລະ ກົດໝາຍທີ່ກ່ຽວຂ້ອງໃນການສົ່ງເສີມການລົງທຶນ
ພາຍໃນປະເທດໂດຍສະເພາະແມ່ນໄດ້ດຳເນີນງານຜ່ານລະບົບປະຕູ ດຽວໃນໄລຍະ2-3ປີຜ່ານມານີ້.
ກະຊວງອຸດສະຫະກຳ ແລະ ການຄ້າໃຫ້ຮູ້ວ່າ:
ເພື່ອເພີ່ມຄວາມ ອາດສາມາດໃນການດຶງດູດການລົງທຶນ ແລະ ກຽມ ຄວາມພ້ອມໃນການເຊື່ອມໂຍງເສດຖະກິດກັບສາກົນ.
ນັບແຕ່ກະຊວງອຸດສະຫະກຳ ແລະ ການຄ້າໄດ້ຮັບມອບວຽກສ່ວນໜຶ່ງມາຈາກກະຊວງແຜນການ
ແລະ ການລົງ ທຶນໃນປີ 2011 ແມ່ນໄດ້ເອົາໃຈໃສ່ຢ່າງຈິງຈັງໃນການປັບປຸງກົດໝາຍກ່ຽວກັບການສົ່ງເສີມການລົງທຶນ
ແລະ ກົດໝາຍວ່າດ້ວຍວິສາຫະກິດໃຫ້ສອດຄ່ອງດີຂຶ້ນກັບສະພາບຕົວຈິງຂອງປະເທດ
ແລະ ສາກົນ ແລະ ເປີດໃຫ້ການບໍລິການຜ່ານປະຕູດຽວຢູ່ສູນກາງ ແລະ ທ້ອງຖິ່ນ.
ຜົນສຳເລັດດັ່ງກ່າວໄດ້ເຮັດໃຫ້ຂັ້ນຕອນໃນການຂຶ້ນທະ ບຽນວິສາຫະກິດຕ່າງໆສະດວກສະບາຍ
ແລະ ວ່ອງໄວຂື້ນຢ່າງຈະແຈ້ງຊຶ່ງໄດ້ຮັບການຕອບຮັບດີຈາກສັງຄົມ ໂດຍສະເພາະແມ່ນນັກລົງທຶນພາຍໃນ
ແລະ ຕ່າງປະເທດ ແລະ ທັງໝົດນີ້ ໄດ້ເຮັດໃຫ້ ສ ປປ ລາວ ຖືກບັນດາອົງການການເງິນສາ
ກົນ ເປັນ
ຕົ້ນ:ທະນາຄານໂລກ (WB) ຈັດເປັນປະເທດທີ່ມີຄວາມສະດວກໃນການສ້າງຕັ້ງວິສາຫະກິດ
ແລະ ໄດ້ປະກາດຜົນສຳຫລວດກ່ຽວກັບຄວາມສະດວກໃນການດຳເນີນທຸລະກິດຂອງບັນດາປະເທດປະຈຳປີ
2013 ເຫັນວ່າ,ສ ປປ ລາວ ຈັດຢູ່ໃນອັນດັບທີ 163 ໃນ 185 ປະເທດ ດີຂຶ້ນສອງອັນດັບເມື່ອທຽບໃສ່ປີ
2012 ແລະ ເປັນອັນດັບ 2 ຂອງບັນປະເທດອາຊຽນ ຖັດຈາກປະເທດສິງກະໂປ. ມາຮອດປັດຈຸບັນ
ບັນດາຫົວໜ່ວຍທຸລະກິດເພີ່ມຂຶ້ນຫລາຍສົມຄວນ ເຊັ່ນ:ໃນປີ 2011-2012 ເພີ່ມຂຶ້ນເຖິງ
45% ແລະ ມາຮອດທ້າຍເດືອນເມສາ 2013 ທົ່ວປະເທດມີວິສາຫະກິດ ຫລາຍກວ່າ 92 ພັນຫົວໜ່ວຍ,ມີທຶນຈົດທະບຽນຫລາຍກວ່າ
6 ແສນຕື້ກີບ.
No comments:
Post a Comment