ຄວນເບິ່ງຄືນການເກັບຄ່າຈອດລົດແຄມທາງ

       ປັດຈຸບັນຜູ້ໃຊ້ລົດໃຊ້ຖະໜົນ ຫຼາຍຄົນເກີດອາການໝຸດໝັດ ກັບການເກັບເງິນຄ່າຝາກລົດຢູ່ຕາມແຄມທາງ ແລະ ສະ ຖານ ທີ່ຕ່າງໆໃນນະຄອນຫຼວງວຽງຈັນນັບທັງສະຖານທີ່ສະທາລະນະ, ໂຮງໝໍ, ໂຮງຮຽນ, ບໍລິເວນຂອບເຂດຕະຫຼາດເຫັນວ່າ ຍັງບໍ່ທັນ ເປັນສະບຽບ,ສ້າງຄວາມສັບສົນ ແລະມີລັກສະນະຊະຊາຍບໍ່ຮິ໙ວ່າ ຮ່ວງເງິນດັ່ງກ່າວເຂົ້າຖົງໃຜ, ສ້າງຄວາມເຂົ້າໃຈ ຜິດລະແວງ ສົງໄສລະຫວ່າງຜູ້ເກັບປີ້ກັບຜູ້ຂັບຂີ່ຢ່າງຕໍ່ເນື່ອງຕະຫຼອດມາ, ແຕ່ເຖິງຢ່າງໃດກໍພໍຮູ້ວ່າ: ການບໍລິການຝາກລົດຢູ່ຕາມ ສະຖານທີ່ ດັ່ງກ່າວສ່ວນໃຫຍ່ແມ່ນຜູ້ຮັບເໝົາຈາກອົງການບໍລິຫານ ແລະ ພັດທະນາຕົວເມືອງ ( ອພບ) ຫຼື ຈາກຂະແໜງການ ກ່ຽວຂ້ອງ ເຊັ່ນ:ໂຮງໝໍຕ່າງໆໃນນະຄອນຫຼວງວຽງຈັນເບິ່ງແລ້ວ ບໍ່ຈະແຈ້ງປານໃດວ່າຜູ້ບໍລິການເຮັດຝາກລົດນັ້ນມາຈາກພາກ ສ່ວນ ໃດ?, ໃຜເປັນຜູ້ຮັບຜິດຊອບ? ໃນເວລາທີ່ຜູ້ຖືກເກັບເງິນຄ່າຝາກ ລົດຖາມກໍໄດ້ຮັບຄຳຕອບວ່າ ເມືອງ ເປັນຄົນສັ່ງໃຫ້ ເກັບ, ບາງຄັ້ງໃນກໍລະນີມີສະພາບສຸກເສີມໃນການປິ່ນປົວຄົນເຈັບແພດໝໍ ນຳລົດສ່ວນຕົວມາຈອດຢູ່ເສັ້ນທາງຕໍ່ໜ້າໂຮງໝໍຂອງ ຕົນກໍຖື ເກັບເງິນຄ່າຝາກລົດຄືກັບລົດທົ່ວ ໄປ,ບາງກໍລະນີກໍມີຫາງສຽງຈົ່ມ ວ່າຈົນເຖິງຂັ້ນຜິດຖຽງກັນລະຫວ່າງແພດໝໍ ແລະ ຜູ້ເກັບປີ້ ໂດຍ ທາງໂຮງໝໍບໍ່ຮູ້ກົກປາຍສາ ເຫດ,ແຕ່ຜູ້ເກັບເງິນຄ່າຝາກລົດ ຍັງຢືນຢັນກັບຄຳເວົ້າເດີມວ່າ ເປັນສະຖານທີ່ຂອງ ເມືອງ ແລະ ອີກບັນ ຫາໜຶ່ງການເກັບປີ້ຢູ່ເສັ້ນ ທາງອ້ອມໂຮງໝໍແຫ່ງດຽວກັນ ຊ້ຳພັດເກັບເງິນຄ່າຝາກລົດໃນລາຄາຕ່າງກັນ,

ບາງຈຸດ 3 ພັນ ກີບ ແລະ ບາງຈຸດເກັບເຖິງ 5 ພັນ ກີບ.ຍິ່ງໄປກວ່ານັ້ນການຈອດລົດຢູ່ບໍລິເວນເສັ້ນທາງອ້ອມຕະຫຼາດໃຫຍ່ ບາງບ່ອນມີປີ້ເກັບເງິນຄ່າ ຝາກ ລົດ, ແຕ່ບາງບ່ອນບໍ່ມີປີ້. ບໍ່ພຽງແຕ່ເທົ່ານັ້ນ, ຜູ້ປະກອບການຍັງບໍ່ຫົວຊາກັບການຈັດ ສັນຄວາມເປັນລະບຽບຂອງການ ຈອດລົດອັນໄດ້ສ້າງຄວາມແອ ອັດໃຫ້ແກ່ການສັນຈອນຕໍ່ຜູ້ໃຊ້ລົດໃຊ້ຖະໜົນ, ເປັນຕົ້ນເສັ້ນ ທາງເຂດຕະຫຼາດທົ່ງຂັນຄຳ, ເສັ້ນທາງຊອຍຕໍ່ໜ້າກົມ ຕມ ແລະ ບ່ອນ ອື່ນໆ.ຕໍ່ບັນຫາດັ່ງກ່າວ, ຜູ້ໃຊ້ລົດໃຊ້ຖະໜົນມີຄວາມ ເປັນຫ່ວງ ແລະ ຮຽກຮ້ອງໃຫ້ພາກສ່ວນກ່ຽວຂ້ອງຄວນເບິ່ງຄືນ ແລະ ວາງມາດຕະການແກ້ໄຂ້ໃຫ້ມີຄວາມເໝາະສົມ ແລະ  ເດັດຂາດກວ່າເກົ່າເພື່ອບໍ່ໃຫ້ເກີດຊ່ອງຫວ່າງໃນການສວຍໂອກາດຂອງຄົນບໍ່ດີທີ່ກ່າວອ້າງເພື່ອຫາຜົນປະໂຫຍດຕໍ່ຕົນເອງດັ່ງທີ່ ເຄີຍເປັນມາແລ້ວ.