ບໍລິສັດປາກຊ່ອງພັດທະນານຳປັບສະພາບດິນເຂົ້າມາຈຳຫນ່າຍ ຢູ່ ສປປ ລາວ

            ບໍລິສັດປາກຊ່ອງ ພັດທະນາຂາອອກ-ຂາເຂົ້າ ຈຳກັດ ໄດ້ຮັບອະນຸຍາດເປັນຕົວແທນຈຳໜ່າຍຜະລິດຕະພັນ ກາດວງແກ້ວ ຜູ້ດຽວຢູ່ ສປປ ລາວ ໂດຍສະ ເພາະອຸປະກອນຜະລິດກະສິກຳ ແລະ ສານປັບສະພາບດິນກາ ດວງແກ້ວ ຈາກປະເທດໄທ.                     

           ພິທີເຊັນສັນຍາຕົກລົງຊື້- ຂາຍອຸ ປະກອນການຜະລິດ ແລະ ສານປັບສະພາບດິນ ກາດວງ ແກ້ວລະຫວ່າງບໍລິສັດ ປາກຊ່ອງ ພັດທະນາຂາອອກ-ຂາເຂົ້າຈຳ ກັດ ສປປ ລາວກັບຮ້ານຮຸ່ງນະພາ ແລະ ບໍລິ ສັດພັດທະວີມະນີຊັບຈຳກັດ ປະເທດ ໄທໄດ້ມີຂຶ້ນໃນວັນທີ 3 ກັນຍາ 2013 ນີ້ຢູ່ໂຮງແຮມຈຳ ປາສັກແກຣນ ເມືອງປາກເຊ ແຂວງຈຳປາສັກໂດຍການໃຫ້ກຽດ ເຂົ້າຮ່ວມເປັນສັກຂີພະຍານ ຂອງທ່ານ ສີທົນ ແກ້ວພູວົງ ເຈົ້າ ເມືອງປາກເຊ,ພະແນກການກົມກອງທີ່ກ່ຽວຂ້ອງຂອງສອງ ພາກສ່ວນ ແລະ ບໍລິສັດເຂົ້າຮ່ວມ.                        

        ທ່ານ ອິນແປງ ຊາມຸນຕີ ອຳນວຍການບໍລິສັດປາກຊ່ອງພັດທະນາຂາອອກ-ຂາເຂົ້າຈຳກັດ ໃຫ້ສຳພາດວ່າ:ອີງຕາມບົດບັນ ທຶກການຮ່ວມມືດ້ານການຄ້າ- ການລົງທຶນລະຫວ່າງຜູ້ປະກອບ ການແຂວງ ຈຳປາສັກກັບຜູ້ປະກອບການຈາກປະເທດ ໄທຄັ້ງ ທີ V, ລະຫວ່າງບໍລິສັດຕໄນກັບຮ້ານ ຮຸ່ງນະພາ ຈາກແຂວງສີສະເກດ ປະເທດໄທ ແລະ ກໍໍໄດ້ດຳເນີນການຮ່ວມກັນຈົນ ກ້າວ ມາເຖິງການເຊັນສັນຍາເຊິ່ງເຫດຜົນທີ່ເລືອກເອົາຜະລິດຕະພັນຈາກບໍລິສັດດວງແກ້ວເຂົ້າມາຈຳໜ່າຍ ຢູ່ ສປປ ລາວນີ້ຍ້ອນ

ເຫັນວ່າສະພາບດິນຢູ່ ປະເທດເຮົາເວົ້າລວມ, ເວົ້າສະເພາະຢູ່ແຂວງຈຳປາສັກເກີດມີ ກົດມີດ່າງ ແລະ ອື່ນໆອັນ ໄດ້ເຮັດໃຫ້ ດິນຂາດຄວາມອຸດົມ ສົມບູນທາງສານອາຫານ, ສະນັ້ນ ສານປັບສະພາບດິນກາດວງ ແກ້ວນີ້ທີ່ປະກອບມີສານອາຫານ ທີ່ມີພືດ ເປັນຢາພື້ນເມືອງຫຼາຍກວ່າ 40 ຊະນິດຈະສາມາດຊ່ວຍປັບສະພາບດິນທີ່ຖືກທຳລາຍຈາກການໃຊ້ຝຸ່ນເຄມີ, ນຳໃຊ້ດົນ ແລະ ອື່ນໆໃຫ້ກັບຄືນມາອຸດົມສົມບູນ, ມີສານອາຫານພຽງພໍ ແລະ ເຮັດໃຫ້ຜົນຜະລິດໄດ້ຮັບຜົນດີຂຶ້ນ.    

        ບໍລິສັດປາກຊ່ອງພັດທະນາ ຂາອອກ-ຂາເຂົ້າຈຳກັດ ສປປ ລາວ ມີສຳນັກງານຕັ້ງຢູ່ເມືອງປາກຊ່ອງ. ສຳລັບລາຄາ 200.000 ກີບຕໍ່ກະສອບ (ສອບລະ 50 ກິໂລເຊິ່ງເປັນລາຄາດຽວກັບປະເທດໄທ ແລະ ຂາຍໃນລາຄາດຽວທົ່ວ ສປປ ລາວ.