ບໍລິສັດ ອີຊູຊຸລາວ ຈຳກັດໄດ້ຈັດພິທີຈັບລາງວັນມອບໂຊກໃຫ້ລູກຄ້າປະຈຳເດືອນສິງຫາ
ຂຶ້ນໃນວັນທີ 6 ກັນຍາ ນີ້ ຢູ່ ບໍລິສັດດັ່ງກ່າວ, ບ້ານ ນາເລົ່າ ເມືອງ ສີໂຄດຕະບອງ
ນະຄອນຫຼວງວຽງຈັນ ໂດຍການເຂົ້າຮ່ວມຂອງທາງ ຫົວໜ້າຜູ້ຈັດ ການຝ່າຍການຕະຫຼາດພ້ອມດ້ວຍບັນດາສື່ມວນຊົນ
ແລະ ລູກຄ້າເປັນຈຳນວນຫຼາຍ.
ທ່ານນາງ ພອນສະຫວັນ ເພັດລຳພັນ ຜູ້ຈັດການຝ່າຍບໍລິ
ຫານ ບໍລິສັດ ອີຊູຊຸລາວ ກ່າວວ່າ: ບໍລິສັດ ໄດ້ເລີ່ມມີການຈັບລາງວັນຂື້ນໃນເດືອນ
ກໍລະກົດຜ່ານມາ ຊຶ່ງເປັນກິດຈະກຳມອບໂຊກໃຫ້ ບັນດາລູກຄ້າທີ່ຊື້ລົດນຳບໍລິສັດ
ແລະ ຕົວແທນຈຳໜ່າຍຕ່າງໆ ຊຶ່ງລາງວັນລວມມີມູນຄ່າ 300 ກວ່າລ້ານ, ໃນນັ້ນມີລາງວັນໃຫຍ່ຄື
ລົດກະບະ ອີຊູຊຸດີແມັກ 1 ຄັນ ຊຶ່ງຈະມີການຈັບລາງວັນມອບໂຊກໃນທ້າຍປີນີ້, ຂະນະທີ່ການຈັບລາງວັນມອບໂຊກປະຈຳເດືອນ
ສິງຫາ ເປັນລົດຈັກ ຢາມາຮາ ຟີໂນ ໜຶ່ງຄັນ ຊຶ່ງຜູ້ໂຊກດີໄດ້ແກ່ ທ່ານ ສົມຈັນ
ຢູ່ບ້ານ ດົງປ່າລານທ່າ ເມືອງ ສີສັດຕະນາກ ນະຄອນ ຫຼວງວຽງຈັນ.
ຜູ້ຈັດການຝ່າຍບໍລິຫານ ບໍລິສັດ ອີຊູຊຸລາວ
ກ່າວວ່າ: ບໍລິ ສັດ ອິຊູຊຸລາວ ໄດ້ເປັນຕົວແທນຈຳໜ່າຍລົດຫຍີ່ຫໍ້ອີຊູຊຸທຸກຮຸ່ນ
ຊຶ່ງນັບແຕ່ລົດກະບະຈົນເຖິງປະເພດກົນຈັກໜັກ ເພື່ອມາຈຳໜ່າຍຢູ່ລາວ ແລະ ຫວັງຈະບຸກຕະຫຼາດ
ຊຶ່ງໃນຕົ້ນປີມາ ນີ້, ບໍລິສັດ ກໍໄດ້ນຳເຂົ້າລົດກະບະອີຊູຊຸຮຸ່ນໃໝ່ ທີ່ພວມເປັນທີ່ນິຍົມໃນສັງຄົມ
ແລະ ກໍໄດ້ຮັບຄວາມສົນໃຈຈາກບັນດາລູກຄ້າ ເປັນຈຳນວນຫຼາຍຊຶ່ງເຮັດໃຫ້ຍອດຈຳໜ່າຍລົດອີຊູຊຸ
ນັບແຕ່ຕົ້ນປີມານີ້ ບັນລຸຫລາຍເຖິງ 400 ກວ່າຄັນ ເພີ່ມຂຶ້ນຈາກທຸກໆປີ ຜ່ານມາ.
No comments:
Post a Comment