ຫາລືແຜນພັດທະນາແຫລ່ງທ່ອງທ່ຽວອ່າງນ້ຳຕຽນ ເມືອງໄຊຍະບູລີ

     ໃນວັນທີ 2 ກັນຍາ 2013, ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຂວງ ໄຊຍະບູລີ ຮ່ວມກັບ ກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ຈັດກອງປະຊຸມປຶກສາຫາລືແຜນພັດ ທະນາ ແຫລ່ງທ່ອງທ່ຽວອ່າງນໍ້າຕຽນເມືອງໄຊຍະບູລີເພ່ືອສຳຫຼວດເກັບກຳຂໍ້ມູນຈັດສັນແບ່ງເຂດ ແລະ ສ້າງແຜນພັດທະນາ ການທ່ອງທ່ຽວອ່າງນໍ້າຕຽນໃຫ້ເປັນແຫຼ່ງທ່ອງທ່ຽວທີ່ມີຊື່ສຽງ ແລະ ສາມາດດຶງດູດນັກ ທ່ອງທ່ຽວເຂົ້າມາທ່ຽວແຂວງນີ້ ໃຫ້ນັບ ມື້ນັບຫຼາຍຂຶ້ນ, ໂດຍພາຍໃຕ້ການເປັນປະທານຂອງ ທ່ານ ສັງວຽນ ແສງກັນນາລີ ຮອງຫົວໜ້າພະແນກຖວທ, ມີຮອງຫົວ ໜ້າຫ້ອງວ່າການປົກຄອງແຂວງ, ພ້ອມນັກທຸລະກິດ,  ຮ້ານບັນເທີງ, ເຮືອນພັກ ແລະ ໂຮງແຮມເຂົ້າຮ່ວມ.     

       ຮອງຫົວໜ້າພະແນກ ຖວທ  ແຂວງ ກ່າວວ່າ:  ໃນໄລຍະຊຸມປີຜ່ານມາແຂວງຕົນມີຈຳນວນນັກທ່ອງທ່ຽວເຂົ້າມາທ່ຽວ ເພີ່ມຂຶ້ນຢ່າງຕໍ່ເນື່ອງໂດຍບໍ່ນັບນັກທ່ອງທ່ຽວພາຍໃນທີ່ເຂົ້າມາຮ່ວມງານບຸນຊ້າງໃນແຕ່ລະປີທ່ີເຂົ້າອອກ ສະເພາະ 2 ດ່ານສາ ກົນ ຂອງ ແຂວງ ເຊິ່ງໃນປີ 2002 ມີນັກ ທ່ຽວທ່ອງ 9.000 ກວ່າຄົນ, ປີ 2010 ມີ 25.800 ກວ່າຄົນ, ໃນປີ 2012 ມີ 63.100 ກວ່າຄົນ, ໂດຍມີ ອັດຕາສະເລ່ຍການເພີ່ມຂຶ້ນ 9,4% ຕໍ່ປີ, ແຕ່ວ່າຈຳນວນນັກທ່ອງ ທ່ຽວດັ່ງກ່າວ 90% ແມ່ນມີ ຈຸດໜາຍປາຍທາງເຂົ້າໄປທ່ຽວທີ່ເມືອງມໍລະດົກໂລກແຂວງຫຼວງພະບາງ.