ບຸນຊ່ວງເຮືອປະເພນີຢູ່ຫລວງພະບາງເຕັມໄປດ້ວຍບັນຍາກາດຟົດຟື້ນມ່ວນຊື່ນ

              ການແຂ່ງຂັນເຮືອປະເພນີຫໍ່ເຂົ້າປະດັບດິນ ຫລື ຊ່ວງເຮືອ ເດືອນເກົ້າ ຂອງມວນຊົນຫຼວງພະບາງໄດ້ຈັດຂຶ້ນໃນທຸກໆປີພາຍຫລັງພໍ່ແມ່ປະຊາຊົນບັນດາເຜົ່າ ສຳເລັດການຜະລິດກະສິກຳໃນລະດູຝົນ ແລ້ວ ເພື່ອແນໃສ່ການສ້າງເສດຖະກິດ ໃຫ້ ແກ່ຄອບຄົວຮັ່ງມີ ແລະ ເຂັ້ມແຂງ ແລະ ເຮັດໃຫ້ການເປັນຢູ່ຂອງປະຊາຊົນດີຂຶ້ນນັ້ນ. ອີກຢ່າງໜຶ່ງກໍເປັນການສະແດງຄວາມສາມັກຄີເປັນເອກະພາບທັງກຳລັງໃຈ ແລະ ກຳລັງກາຍທັງເປັນການສ້າງຄວາມເບີກມ່ວນຊື່ນເຮັດໃຫ້ພີ່ນ້ອງປະຊາຊົນ ບັນດາ ເຜົ່າພາຍໃນແຂວງ ແລະ ຫລາຍເຂດໄດ້ມີບັນຍາກາດສ້າງຄວາມເບີກບານມ່ວນຊື່ນ ແລະ ຫຼາຍເຂດຫຼາຍທ້ອງຖິ່ນ ໄດ້ມີໂອ ກາດພົບປະສ້າງສັນ, ຮູ້ຈັກຮັກແພງກັນ. ອີກຢ່າງໜຶ່ງກໍເປັນການສ້າງກິດຈະກຳເພື່ອດຶງດູດເອົາແຂກພາຍໃນ ແລະ ຕ່າງປະ ເທດເຂົ້າມາຢ້ຽມຢາມແລະທ່ຽວຊົມເມືອງຫຼວງພະບາງໃຫ້ຫຼາຍຂຶ້ນ. ອີກຢ່າງໜຶ່ງກໍແລກປ່ຽນສິນຄ້າທາງດ້ານກະສິກຳ ແລະ ອຸດສາຫະກຳໃນບຸນປະເພນີວັດທະນະທຳອັນດີງາມຂອງຊາວຫຼວງພະບາງເມືອງມໍລະດົກໂລກ. ພໍຮອດມື້ແຮມ 15 ຄ່ຳ ເດືອນ 9 ພສ 2556 , ອຳນາດການປົກຄອງເມືອງຫຼວງພະບາງໄດ້ຈັດບຸນແຂ່ງຂັນເຮືອຂຶ້ນຢ່າງເປັນທາງການ, ປີນີ້ ມີເຮືອເຂົ້າ

ແຂ່ງຂັນທັງໝົດ 30 ລຳ ເຊິ່ງຫຼາຍກ່ວາປີທີ່ຜ່ານມາຜ່ານ. ການແຂ່ງຂັນເປັນເວລາ 10 ຊົ່ວໂມງກວ່າ ໂດຍພິທີໄຂການແຂ່ງຂັນ ເຮືອແລ່ນເລີ່ມແຕ່ເວລາ 9 ໂມງເຊົ້າ, ການຊ່ວງເຮືອປີນີ້ຜົນປາກົດວ່າອັນດັບທີ 1 ແມ່ນເຮືອຊ່ວງແຂວງໄຊຍະບູລີ, ໄດ້ຮັບຂັນ ເງິນຄອງຊະນະເລີດ 3 ປີຊ້ອນ 1 ໜ່ວຍ ນ້ຳໜັກ 1,5 ກິໂລ ມູນຄ່າ 18 ລ້ານກີບ. ຮັກສາ ໄວ້ 3 ປີ ຊະນະຈຶ່ງໄດ້ເລີຍ, ຂັນເງິນ ສົດຊະນະເລີດປະຈຳປີ 2013 ນ້ຳໜັກ 1 ກິໂລ 1 ໜ່ວຍມູນຄ່າ 11 ລ້ານກີບ, ເງິນສົດ 15 ລ້ານກີບ, ລວມມູນຄ່າທັງໝົດລາງ ວັນທີໝຶ່ງ  44 ລ້ານກີບ, ອັນດັບທີ 2 ໄດ້ແກ່ເຮືອຊ່ວງບ້ານນູນສະຫວາດ 1 ອົງການໄອຍະການປະຊາຊົນໄດ້ຮັບຂັນເງິນ 1 ໜ່ວຍ, ນ້ຳໜັກ 0,8 ກິໂລ 1 ໜ່ວຍ ມູນຄ່າ 9 ລ້ານກີບ, ປະກອບມີເງິນສົດ 14 ລ້ານກີບ. ລວມມູນຄ່າ 23 ລ້ານກີບ, ອັນ ດັບທີ 3 ແມ່ນເຮືອຊ່ວງຮ້ານຂາຍລົດຫົງພ້າ ບ້ານດອນ, ໄດ້ຮັບຂັນເງິນນ້ຳໜັກ 0,5 ໝຶ່ງ ໜ່ວຍ ມູນຄ່າ 6 ລ້ານກີບ, ເງິນສົດ 13 ລ້ານກີບລວມມູນຄ່າທັງ 19 ລ້ານກີບ   ອັນດັບ 4 ແມ່ນເມືອງ ຊຽງເງິນບໍລິສັດໄຟຟ້າລາວ  ໄດ້ ຮັບເງິນສົດ 12 ລ້ານກີບ ອັນດັບ 5 ແມ່ນເຮືອຊ່ວງ ບ້ານຄົກມັນ ໄດ້ຮັບເງິນສົດ 11 ລ້ານກີບ ອັນດັບ 6 ແມ່ນ ເຮືອຊ່ວງໄຊອຸດອນໄຟຟ້າ ບ້ານຫາດຮ່ຽນ ໄດ້ຮັບເງິນສົດ 10 ລ້ານກີບ, ອັນດັບ 7 ແມ່ນ ເຮືອ ຊ່ວງ ບ້ານ ຊຽງລ້ອມ ໄດ້ຮັບ ເງິນສົດ 9 ລ້ານກີບ ສ່ວນອັນດັບ 8  ຮອດ ລາງວັນທີ່ສຸດທ້າຍມີ 23 ລາງວັນ, ໄດ້ຮັບເງິນສົດ ລຳລະ 8 ລ້ານກີບ ລວມມຸນຄ່າລາງວັນທີ 8 ຫາ ທີ 23 ນີ້ມີມູນຄ່າທັງໝົດ 184 ລ້ານກີບໃນນີ້ເຮືອນາງດຳ ນາງ ດ່ອນ 2 ລຳໆລະ 3 ລ້ານກີ, ເຮືອ ມ່ວນຊື່ນ 2 ລຳລຳລະ 1 ລ້ານກີບລວມມູນຄ່າລາງວັນ ປີ 2013 ນີ້ ມີມູນຄ່າ  320 ລ້ານກີບ.ສ່ວນອັນ ດັບ 9 ມີເຮືອຊ່ວງສະເໝີກັນ 4 ລຳ,ອັນດັບທີ 13 ມີເຮືອຊ່ວງສະເໝີກັນ 4 ລຳ, ລາງວັນອັນດັບທີ 17 ມີເຮືອຊ່ວງສະເໝີກັນ 8 ລຳ,ລາງວັນທີ 25 ມີເຮືອຊ່ວງສະ ເໝີກັນ 6 ລຳ.   

               ເຂົ້າຮ່ວມໃນບຸນຊ່ວງເຮືອປີ 2013 ນີ້ມີ ທ່ານ ສົມສະຫວາດ ເລັ່ງສະຫວັດ ຮອງນາບົກລັຖະມົນຕີ ແຫ່ງ ສປປ. ລາວ ມີບັນດາກົມການເມືອງ, ມີການນຳຂອງແຂວງ, ພະແນກການອ້ອມຂ້າງ, ອຳນາດການປົກຄອງເມືອງ ແລະ ພໍ່ແມ່ປະຊາ ຊົນບັນດາເຜົ່າທີ່ມາຈາກບັນດາເມືອງຕ່າງໆອ້ອມຂ້າງແຂວງເຂົ້າຮ່ວມຢ່າງຫຼວງຫຼາຍ.