ຫວຽດນາມຊ່ວຍເຫລືອກໍ່ສ້າງໂຮງຮຽນມັດທະຍົມສົມບູນເມືອງວຽງພູຄາ

      ພິທີວາງສີລາລຶກໂຄງການກໍ່ ສ້າງໂຮງຮຽນມັດທະຍົມສົມບູນ ເມືອງວຽງພູຄາ ແຂວງຫລວງ ນ້ຳທາ ໄດ້ມີຂຶ້ນໃນວັນທີ 30 ສິງ ຫາຜ່ານມານີ້, ຢູ່ເທສະບານເມືອງ ດ່ັງກ່າວ, ໂດຍການເຂົ້າຮ່ວມ ຂອງທ່ານ ດຣ ພິມມະສອນ ເລືອງຄຳມາກຳມະ ການສູນກາງພັກເລຂາພັກເແຂວງ. ເຈົ້າແຂວງຫລວງນ້ຳທາ ທ່ານຮອງສາສະ ດາຈານ ດຣ ກອງສີ ແສງມະນີ ລັດຖະມົນຕີຊ່ວຍວ່າ ການກະຊວງສຶກສາທິການ ແລະ ກິລາ, ຜູ້ຕາງຫນ້າແຂວງວິງຟຸກ ສສ ຫວຽດນາມ.

      ຜູ້ຮັບຜິດຊອບໂຄງການກໍ່ສ້າງດ່ັງກ່າວໃຫ້ຮູ້ວ່າ : ໂຮງຮຽນມັດທະຍົມສົມບູນແຫ່ງນີ້ປະກອບ ມີອາຄານຮຽນສູງ 3 ຊັ້ນ, ສາ ມາດຮັບນັກຮຽນໄດ້ແຕ່ 1.500- 1.800 ຄົນ, ພ້ອມນັ້ນກໍມີສະໂມ ສອນໃຫຍ່ 1 ຫລັງ, ຫ້ອງການຄູ ອາຈານ, ຫ້ອງສະ ມຸດ, ຫ້ອງຮຽນ ຄອມພິວເຕີ, ຫ້ອງຮຽນພາສາຕ່າງປະເທດ,  ຫ້ອງມູນເຊື້ອ ແລະ ຫ້ອງສຳລັບການເຄື່ອນໄຫວກິດຈະກຳຕ່າງໆ

ແລະ ສິ່ງອຳນວຍ ຄວາມສະດວກອື່ນໆຄື : ບ່ອນ ຈອດລົດ, ເດີ່ນບານ, ເສັນທາງ ເຊື່ອມຕໍ່ລະຫວ່າງອາຄານຕ່າງໆໃນໂຮງ ຮຽນ, ການຕິດຕັ້ງໄຟຟ້າ, ນ້ຳປະປາ, ສ້າງກຳແພງ, ປະ ກອບໂຕະຕັ່ງກະດານດຳ ແລະ ເຄື່ອງເຟີນີເຈີຕ່າງໆຢ່າງຄົບຊຸດ. ໂດຍ ທຶນຊ່ວຍເຫລືອຫລ້າຈາກລັດ ຖະບານຫວຽດນາມ.

      ເຈົ້າແຂວງ ຫລວງນ້ຳທາ ໄດ້ມີຄຳເຫັນໃນພິທີວ່າ : ຂ້າ ພະເຈົ້າຕາງຫນ້າຄະນະພັກ, ອຳນາດການປົກຄອງ ແລະ ປະຊາ ຊົນແຂວງຫລວງນ້ຳທາທຸກຖ້ວນ ຫນ້າ ຂໍສະແດງຄວາມຂອບອົກ ຂອບໃຈຢ່າງລົ້ນເຫລືອຕໍ່ພັກ, ລັດ ຖະບານ ແລະ ປະຊາຊົນ ຫວຽດນາມ ອ້າຍນ້ອງ ເຊິ່ງຍາມໃດກໍ ໃຫ້ຄວາມອູ້ມຊູຊ່ວຍເຫລືອແຂວງ ຫລວງນ້ຳທາມາໂດຍຕະຫລອດ, ໂດຍສະເພາະ ແມ່ນແຂວງແຮກສ່ຽວຫວິງຟຸກ ແລະໄດ້ປະກອບ ສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງທ້ອງຖິ່ນ ນັບມື້ ເຕີບໃຫຍ່ເຂັ້ມແຂງປະ ກອບສ່ວນເພີ່ມພູນຄູນສ້າງມູນ ເຊື້ອການພົວພັນຮ່ວມມືແບບພິ ເສດ ແລະ ຮອບດ້ານລະຫວ່າງສອງ ພັກ, ລັດຖະບານ ແລະ ປະຊາຊົນສອງປະເທດລາວ- ຫວຽດນາມ ທີ່ມີມາແຕ່ດົນນານ ແລ້ວນັ້ນໄດ້ຂະຫຍາຍໂຕຍິ່ງຂຶ້ນ.