ສັງເກດເຫັນວ່າ:ປັດຈຸບັນນີ້ ບັນຫາການຖິ້ມຂີ້ເຫຍື້ອຊະຊາຍຢູ່ເຂດນະ ຄອນຫລວງວຽງຈັນນັບມື້ຍິ່ງເພີ່ມທະວີຂຶ້ນເລື້ອຍໆ
ໂດຍສະເພາະຢູ່ເສັ້ນທາງ 450 ປີ, ເສັ້ນທາງອອກສູ່ເຂດຊານເມືອງ, ຄອງລະບາຍນ້ຳ,ສະຖານທີ່ສາ
ທາລະນະ ແລະ ເຂດຕະຫລາດຊາວບ້ານອື່ນໆ ໄດ້ກາຍເປັນບ່ອນຖິ້ມຂີ້ເຫຍື້ອບໍ່ມີເຈົ້າຂອງ
ເຮັດໃຫ້ເກີດກິ່ນເໝັນສ້າງຄວາມບໍ່ຈົບງາມໃຫ້ຕົວເມືອງ ແລະ ສົ່ງຜົນກະທົບຕໍ່ສິ່ງແວດລ້ອມ
ແລະ ພາບພົດການຈັດຕັ້ງປະຕິບັດຄຳຂວັນ 6ສ ໂດຍສະເພາະ ສ.ສະ ອາດ ມີຄວາມຄືບໜ້າໜ້ອຍ
ແລະ ຈະແກ້ໄຂແນວໃດ ? ໃຜຈະເປັນຜູ້ເຮັດ ?.
ຜ່ານມາ,ນະຄອນຫລວງວຽງຈັນກໍໄດ້ຈັດຕັ້ງອົງການໜຶ່ງຂຶ້ນໂດຍເອີ້ນວ່າ: ອົງການພັດທະ
ນາ ແລະ ບໍລິຫານຕົວເມືອງ ຂຽນຫຍໍ້ວ່າ: “ອພບ” ເພື່ອຮັບຜິດຊອບວຽກງານອະນາໄມຕົວເມືອງ,
ກຳຈັດຂີ້ເຫຍື້ອ ແລະ ຈັດສັນຄວາມເປັນລະບຽບຮຽບຮ້ອຍຂອງຕົວເມືອງ ແລະ ເຂົາເຈົ້າກໍໄດ້ເຮັດວຽກງານຕົນເອງດ້ວຍຄວາມຕັ້ງໜ້າ
ໄດ້ແຕ່ງໜ່ວຍງານອະນາໄມ ແລະ ໜ່ວຍງານເກັບມ້ຽນຂີ້ເຫຍື້ອ,ພ້ອມທັງມີໜ່ວຍງານເອກະຊົນເຂົ້າຮ່ວມໃນລັກສະ
ນະແບບມອບເໝົາເກັບຂີ້ເຫຍື້ອ ຂອງຄົວເຮືອນປະຊາຊົນໄປແຕ່ລະສາຍທາງຕະຫລອດຮອດສຳນັກງານອົງການ
ແລະ ເຂດຕະຫລາດຕ່າງໆ,ແຕ່ຜ່ານມາ ເປັນຫຍັງຈຶ່ງມີການຖິ້ມຂີ້ເຫຍື້ອ ຊະຊາຍ ໂດຍຫລາຍຄົນໃຫ້ການຕີລາຄາວ່າ:
ອັນຕົ້ນຕໍແມ່ນມາຈາກລາຄາເກັບຂີ້ເຫຍື້ອ ນັບມື້ມີລາຄາແພງຂຶ້ນ ໂດຍຜູ້ປະກອບການກໍມີເຫດຜົນອ້າງວ່າ:ບ່ອນ
ຖິ້ມຂີ້ເຫຍື້ອໄກ,ລາຄານ້ຳມັນແພງ
ແລະ ການວ່າຈ້າງຜູ້ເກັບກໍມີລາ ຄາແພງເຊັ່ນດຽວກັນ ແລະ ອີກສ່ວນໜຶ່ງແມ່ນການຕອບສະໜອງພາຫະນະຂົນສົ່ງຂີ້ເຫຍື້ອເບື້ອງລັດແມ່ນມີຈຳນວນຈຳກັດ,
ບໍ່ພຽງພໍກັບຄວາມຕ້ອງການ ແລະ ຈຳເປັນຕ້ອງໄດ້ມອບເໝົາໃຫ້ເອກະຊົນມາມີສ່ວນຮ່ວມ.
ຈາກນັ້ນກໍເຮັດໃຫ້ການຄຸ້ມຄອງລາຄາເກັບຂີ້ເຫຍື້ອບໍ່ປົກກະຕິ ຕະ ຫລອດໄປຮອດຄວາມຮັບຜິດ
ຊອບຂອງຜູ້ປະກອບການດ້ານນີ້ກໍຂຶ້ນກັບອາລົມ ມື້ໃດຢາກມາເກັບກໍເກັບ ມື້ໃດບໍ່ມີອາລົມແລ້ວກໍຢຸດ.ຈາກນັ້ນຈຶ່ງເຮັດໃຫ້ການຖິ້ມຂີ້ເຫຍື້ອຊະຊາຍເກີດຂຶ້ນແຜ່ຫລາຍ.
ດັ່ງນັ້ນ ເພື່ອຢາກແກ້ໄຂດ້ານນີ້ໃຫ້ດີທີ່ສຸດແມ່ນຜູ້ປະກອບການເບື້ອງລັດຕ້ອງເປັນເຈົ້າການເຮັດໜ້າທີ່ຕາມພາລະບົດບາດຂອງຕົນໃຫ້ດີທີ່ສຸດ,
ຖ້າພາຫະນະບໍ່ພຽງພໍກໍຕ້ອງນຳສະເໜີລັດຖະ ບານ ເພື່ອມີວິທີການແກ້ໄຂໃຫ້ມີປະສິດທິຜົນ
ເພາະເລື່ອງສະອາດງາມຕາຂອງຕົວເມືອງມັນແມ່ນໃບໜ້າໃບຕາຂອງປະເທດ. ຄຽງຄູ່ກັນນັ້ນ
ກໍຕ້ອງເຮັດວຽກງານໂຄສະນາອົບຮົມປຸກລະດົມໃຫ້ທົ່ວສັງຄົມຈົ່ງເປັນເຈົ້າການຮ່ວມກັນເຮັດວຽກງານອະນາໄມສິ່ງແວດລ້ອມກຳຈັດຂີ້ເຫຍື້ອໃຫ້ມີປະ
ສິດທິຜົນ. ພ້ອມນັ້ນກໍສ້າງໃຫ້ເຂົາເຈົ້າມີຈິດສຳນຶກທີ່ດີບໍ່ຖິ້ມຂີ້ເຫຍື້ອ
ຊະຊາຍ,ຖ້າເຮັດໄດ້ແນວນີ້ບັນຫາ ດັ່ງກ່າວຈຶ່ງຈະຈົບສິ້ນລົງໄດ້.
No comments:
Post a Comment