ອຸປະກອນການຮຽນບາງຢ່າງລວມໄປເຖິງເຄື່ອງແບບນັກຮຽນມີລາຄາເພີ່ມຂຶ້ນ

           ກໍດັ່ງປີທີ່ຜ່ານມາພໍເຂົ້າສູ່ສົກຮຽນໃໝ່, ພໍ່ແມ່ຜູ້ປົກຄອງນັກຮຽນນັບແຕ່ອະນຸ ບານໄປຈົນຮອດມັດທະຍົມຕ່າງກໍມີ ຄວມເປັນຫ່ວງຕໍ່ອະນາຄົດລູກຫຼານຂອງຕົນເພື່ອ ເຮັດແນວໃດໃຫ້ເຂົາເຈົ້າໄດ້ ເຂົ້າໂຮງຮຽນຕາມລະບຽບການ. ດັ່ງນັ້ນກໍ ຈະຕ້ອງໄດ້ ຊອກຫາເງິນຄຳເພື່ອເປັນຄ່າເລົ່າຮຽນ, ຊື້ອຸປະກອນການຮຽນ, ເຄື່ອງນຸ່ງນັກຮຽນ,ຖ້າ ລາຄາມີການເໜັງຕີງເພີ່ມ ຂຶ້ນຍິ່ງມີຄວາມລຳບາກອັນເປັນຍ້ອນບັນຫາຄວາມຂາດເຂີນ ຂອງຄອບຄົວ, ຜູ້ປົກຄອງ, ແຕ່ກໍນັບວ່າຍັງດີທີ່ລາຄາອຸປະກອນການຮຽນປີນີ້ມີ າຄາ ເພີ່ມຂຶ້ນພຽງບາງຢ່າງ.

          ຜ່ານຈາກການລົງເກັບ ກຳ ຂໍ້ມູນຂອງນັກຂ່າວພວກເຮົາເຫັນວ່າ:ລາຄາອຸປະ ກອນການຮຽນ ເຊັ່ນ ປຶ້ມຂຽນ, ບິກ, ສໍ ແລະ ເຄື່ອງ ນຸງຕ່າງໆຢູ່່ຕາມຕະຫຼາດຫຼາຍ ແຫ່ງຢູ່ນະຄອນຫຼວງວຽງຈັນສ່ວນໃຫຍ່ແມ່ນຍັງຢູ່ລາຄາເດີມ, ແຕ່ກໍມີອຸປະກອນ ບາງຢ່າງ ແລະ ປຶ້ມແບບຮຽນບາງຊັ້ນເຫັນ ວ່າມີ ການຂຶ້ນລາຄາເລັກໜ້ອຍເປັນຕົ້ນ ປຶ້ມແບບຮຽນ ມ 4 ແລະ ມ 7  ເນື່ອງ ຈາກວ່າປຶ້ມດັ່ງກ່າວ ໄດ້ ຜ່ານການປັບປຸງ ເນື້ອໃນໃໝ່ ແລະ ທາງໂຮງພິມກໍມີການຂຶ້ນ ລາ ຄາ,ສຳລັບບັນຍາກາດການຊື້- ຂາຍ ອຸປະກອນການຮຽນປີນີ້ ແມ່ນບໍ່ຄຶກຄື້ນ

ເທົ່າທີ່ຄວນຖ້າທຽບໃສ່ໄລຍະດຽວກັນຂອງສົກ ຮຽນຜ່ານມາ,ຜູ້ຄ້າ-ຂາຍປຶ້ມສ່ວນ ໃຫຍ່ຕ່າງກໍໃຫ້ເຫດຜົນວ່າ: ການຊື້-ຂາຍປີ ນີ້ບໍ່ຟົດຟື້ນເນື່ອງຈາກປັດຈຸບັນມີອົງການຈັດຕັ້ງອື່ນໆທາງສັງຄົມໄດ້ໃຫ້ການຊ່ວຍ ເຫຼືອສະໜັບສະໜູນອຸປະ ກອນການຮຽນ ໃຫ້ໂຮງຮຽນຕ່າງໆເປັນຈຳນວນຫຼາຍລວມໄປເຖິງຮ້ານຈຳໜ່າຍອຸປະກອນການຮຽນຢູ່ແຕ່ລະເຂດກໍມີເພີ່ມຂຶ້ນຫຼາຍ, ພ້ອມທັງໂຮງຮຽນຕ່າງໆກໍອອກແບບອຸປະກອນໃຫ້ເປັນເອກະລັກຂອງຕົນ, ແຕ່ກົງ ກັນຂ້າມບັນຍາກາດການຊື້-ຂາຍ ເຄື່ອງແບບນັກຮຽນປີນີ້ແມ່ນຍັງມີຍາກາດຄຶກຄື້ນສົມຄວນຖ້າທຽບໃສ່ປີຜ່ານມາ, ເນື່ອງ ຈາກໂຮງຮຽນຫຼາຍແຫ່ງ, ໂດຍສະເພາະແມ່ນໂຮງຮຽນເອກະຊົນໄດ້ອອກແບບເຄື່ອງແບບນັກຮຽນເປັນຂອງຕົນເອງ,ແຕ່ລາ ຄາຊ້ຳພັດແພງ, ດັ່ງນັ້ນພໍ່ແມ່ນັກຮຽນຈຳເປັນຕ້ອງຫັນມາຊື້ເຄື່ອງແບບນັກຮຽນຢູ່ຕາມຕະຫຼາດ ເນື່ອງຈາກລາຄາຖືກກວ່າ.ເຖິງ ວ່າລາຄາຈະເພີ່ມຂຶ້ນເລັກໜ້ອຍເມື່ອທຽບໃສ່ຜ່ານມາເສື້ອນັກຮຽນປີຜ່ານມາລາຄາ 30 - 35 ພັນກີບ, ປີນີ້ 35-38 ພັນກີບ.