ການເຝິກອົບຮົມການເຮັດ ສາລະຄະດີຮູບເງົາຊີວິດຂອງ
ພວກເຮົາໄດ້ສຳເລັດລົງໃນວັນທີ 22 ກັນຍານີ້ ພາຍຫລັງດຳເນີນມາ 8 ວັນ ຢູ່ໂຮງແຮມ
Mercure ນະຄອນຫຼວງວຽງຈັນ, ໂດຍການ ສະໜັບສະໜູນຂອງ the Asia foundation.
ທ່ານ Gabriel kuperman ຜູ້ອຳນວຍການບຸນມະໂຫລານຮູບເງົາຫລວງພະບາງ
ມີຄຳເຫັນວ່າ: ຖ້າປະເທດໃດມີ ກຸ່ມອຸດສາຫະກຳຮູບເງົາຈະຊ່ວຍໃຫ້ການ ເຮັດສາລະຄະດີຮູບເງົາຈະມີຫຼາຍເພາະການສ້າງຮູບເງົາດັ່ງກ່າວແມ່ນມີລາຄາຖືກ ກວ່າ
ແລະ ເຂົ້າເຈົ້າກໍມີ ຫຼາຍໆເລື່ອງທີ່ຢາກປະກາດໃຫ້ ໂລກໄດ້ຮູ້, ແຕ່ປັດຈຸບັນຜູ້ຈະສ້າງ
ຮູບເງົາໃນປະເທດລາວແມ່ນມີຈຳກັດ ແລະ ຍັງບໍ່ມີປະສົບການ, ບໍ່ທັນເປີດກວ້າງສູ່ຕ່າງປະເທດໄດ້.
ສະນັ້ນ ເພື່ອສ້າງບຸກຄະລາກອນໃນດ້ານນີ້ຈຶ່ງມີຄວາມຈຳເປັນຫລາຍເພື່ອເຂົາເຈົ້າສາມາດສ້າງຮູບເງົາຂຶ້ນມາໄດ້.
ທ່ານກ່າວອີກວ່າ: ພວກເຮົາ ໄດ້ນຳເອົາສາລະຄະດີຮູບເງົາສັ້ນທີ່ຜ່ານການຄັດເລືອກຫົກເລື່ອງຄືເລື່ອງຊາວໜຸ່ມໃນ
ສປປ ລາວ ທີ່ມີຄວາມຫຼົງໄຫຼລໃນການໃຊ້ມືຖື, ເລື່ອງຊີວິດຂອງເຈົ້າອາວາດອາໄສຢູ່ໃນວັດນອກເມືອງ,
ເລື່ອງຂະບວນການເຮັດ ສິ້ນໄໝພື້ນ ເມືອງຂອງລາວ, ເລື່ອງແມ່ຍິງ ຄົນໜຶ່ງທີ່ອຸທິດຕົນເພື່ອເຮັດບຸນ
ໃນບຸນເຂົ້າຫໍ່ສະຫຼາກ, ເລື່ອງແມ່ເບິ່ງແຍງລູກສາວ ພິການ ແລະ ເລື່ອງຜູ້ຍິງຄົນໜຶ່ງທີເກັບກະຕຸກຂາຍເພື່ອລ້ຽງຄອບຄົວເຊິ່ງຮູບເງົາສາລະຄະດີເຫຼົ່ານີ້ແມ່ນສ້າງໂດຍຄົນລາວ
ແລະ ແມ່ນຊີວິດຈິງ ຂອງຄົນຢູ່ໃນສັງຄົມ, ເພື່ອສ່ອງແສງໃຫ້ເຫັນເຖິງການສູ້ຊີດວິດ ແລະ ທັງເປັນກຳລັງໃຈໃຫ້ຜູ້ທຸກຢາກຂາດເຂີນ
ໃນການສູ້ກັບ ຄວາມລຳບາກຕ່າງໆ. ຮູບເງົາດັ່ງກ່າວຈະໄດ້ນຳເອົາໄປສາຍທີ່ບຸນມະໂຫລາຍຮູບເງົາຫຼວງພະບາງ
ແລະ ລົງ You tube, Fac ebook ເພື່ອເຮັດໃຫ້ໜັງສັ້ນເຫຼົ່ານີ້ສາມາດແບ່ງປັນໃຫ້ຜູ້ຊົມໄດ້ກວ້າງຂວາງ.
ໂຄງການເຝິກອົບຮົມຄັ້ງນີ້ ມີ 15 ກຸ່ມຜູ້ສະໝັກເຂົ້າຮ່ວມ,
ໂດຍໄດ້ຮັບການຊີ້ນຳຈາກກົມຮູບເງົາ ແລະ ບຸບມະໂຫລານ ຮູບເງົາຫຼວງພະບາງເນື່ອງໃນການສະຫຼອງກົມຮູບເງົາອາຊີຕາວັນອອກສຽງໃຕ້ໃນວັນທີ
7 ຫາ 11 ທັນວາ 2013 ນີ້.
No comments:
Post a Comment