ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມໃນເຄິ່ງທ້າຍສະໄໝນີ້,
ລັດຖະບານຍັງສືບຕໍ່ຮັກສາສະຖຽນລະພາບທາງດ້ານການເມືອງໃຫ້ໜັກແໜ້ນ, ຕິດພັນກັບການຮັບປະກັນຄວາມສະຫງົບປອດໄພ
ແລະ ຄວາມເປັນລະບຽບຮຽບ ຮ້ອຍໃນສັງຄົມໃຫ້ດີຂຶ້ນຕື່ມອີກເພື່ອເປັນເງື່ອນໄຂອຳນວຍໃຫ້ແກ່ການພັດທະນາ
ຄືສະກັດກັ້ນທຸກກົນອຸບາຍ ແລະ ການເຄື່ອນໄຫວທຳລາຍມ້າງເພຂອງອິດທິກຳລັງປໍລະປັກ,
ຕັ້ງໜ້າແກ້ໄຂໜໍ່ແໜງຂອງຄວາມບໍ່ສະຫງົບ ເປັນຕົ້ນ ປາກົດການຫຍໍ້ທໍ້ໃນສັງຄົມໃຫ້ຫລຸດໜ້ອຍຖອຍລົງເຊັ່ນ:
ອຸປະຕິເຫດຕາມຖະໜົນ, ຂີ້ລັກງັດແງະ, ປຸ້ນຊັບ-ຊີງຊັບພົນລະເມືອງ, ກຸ່ມແກ໊ງມົ້ວ
ສຸມໄພສັງຄົມ, ບັນຫາຢາເສບຕິດ, ການຄ້າຂາຍເຖື່ອນ (ຄ້າໄມ້ເຖື່ອນ) ແຮ່ເຖື່ອນ
ແລະ ການປັ່ນປ່ວນທາງດ້ານເສດຖະກິດ- ການເງິນ-ເງິນຕາ ແລະ ລາຄາສິນຄ້າ. ຮັບປະກັນໃຫ້ການເຕີບໃຫຍ່ຂອງເສດຖະກິດບັນລຸລະດັບຫລາຍກວ່າ
8% ໃນແຕ່ລະປີ ແລະ ເສດຖະກິດມະຫາພາກມີສະຖຽນລະພາບ. ພ້ອມກັນນັ້ນ ກໍດັດສົມການຂະຫຍາຍຕົວໃຫ້ຖືກທິດ
ໂດຍການດຳເນີນນະໂຍບາຍ ແລະ ມາດຕະການຈຳນວນໜຶ່ງດັ່ງນີ້:
1. ແກ້ໄຂໃຫ້ຕົກບັນດາກົນໄກ ແລະລະບອບລະບຽບການຕ່າງໆ
ດ້ານການບໍລິຫານລັດ ແລະ ດ້ານການຄຸ້ມຄອງເສດຖະ ກິດ-ສັງຄົມທີ່ຍັງກົດໜ່ວງອັດຕັນ
ເພື່ອສ້າງສະພາບແວດລ້ອມທີ່ດີໃຫ້ແກ່ການດຳເນີນການຜະລິດ-ທຸລະກິດຂອງຜູ້ປະກອບການ.
2. ສືບຕໍ່ລະດົມການລົງທຶນທົ່ວສັງຄົມໃຫ້ບັນລຸ
32-33% ຂອງ GDP, ໃນນັ້ນ ເອົາໃຈໃສ່ເພີ່ມແຫລ່ງທຶນຂອງລັດ ແລະ ລະດົມບັນດາພາກສ່ວນເສດຖະກິດເຂົ້າໄປພັດທະນາເຂດຊົນນະບົດ
ໂດຍສະເພາະເຂດຫ່າງໄກສອກຫລີກທີ່ທຸກຍາກ ແລະ ເຂດທີ່ໝັ້ນປະ ຕິວັດ ໂດຍມີນະໂຍບາຍສົ່ງເສີມເປັນພິເສດ.
3. ຊຸກຍູ້ສົ່ງເສີມຢ່າງແຂງແຮງການຜະລິດເປັນສິນຄ້າ,
ການຜະລິດກະສິກຳ ຕິດພັນກັບການສົ່ງເສີມອຸດສາຫະກຳປຸງແຕ່ງ ເພື່ອຍົກສູງມູນຄ່າເພີ່ມ,
ສ້າງວຽກເຮັດງານທຳ ແລະ ສ້າງລາຍຮັບໂດຍກົງໃຫ້ແກ່ປະ ຊາຊົນຢູ່ເຂດຊົນນະບົດ
ໂດຍການປະຕິບັດນະໂຍບາຍ ແລະ ມາດຕະການສົ່ງເສີມການເຮັດກະເສດສຸມ, ຍົກສະມັດຖະພາບການຜະ
ລິດກະສິກຳໃຫ້ສູງຂຶ້ນ, ສູ້ຊົນຜະ ລິດເຂົ້າໃຫ້ໄດ້ 4,2 ລ້ານໂຕນ ໃນປີ 2015.
4. ສົ່ງເສີມທຸລະກິດຂະໜາດກາງ ແລະ ຂະໜາດນ້ອຍ
(SME) ໃຫ້ແຂງແຮງກວ່າເກົ່າ. ພ້ອມກັນ ນັ້ນ ກໍຊຸກຍູ້ບັນດາໂຄງການຂະ ໜາດໃຫຍ່ດ້ານໄຟຟ້າ
ແລະ ບໍ່ແຮ່ ທີ່ໄດ້ອະນຸມັດໄປແລ້ວໃຫ້ສາມາດດຳເນີນການຜະລິດຕາມແຜນ ການທີ່ກຳນົດໄວ້.
5. ເພີ່ມທະວີຄວາມສາມາດໃນການປະຕິບັດແຜນງົບປະມານແຫ່ງລັດ
ໂດຍການຄຸ້ມຄອງຂະແໜງພາສີ, ອາກອນ ແລະ ຂະແໜງເກັບລາຍຮັບອື່ນໆໃຫ້ແໜ້ນ, ປັບປຸງລະບົບກົນໄກການຈັດເກັບລາຍຮັບດ້ວຍພາຫະນະທີ່ທັນສະໄໝ
ເພື່ອເກັບລາຍຮັບໃຫ້ຄົບ ຖ້ວນ; ຮັກສາອັດຕາການຂາດດຸນງົບປະມານໃຫ້ຢູ່ໃນຂອບເຂດທີ່ກຳນົດໄວ້
3-5%; ປະຕິບັດແຜນລາຍຈ່າຍງົບປະມານຕາມການຮັບຮອງຂອງສະພາແຫ່ງຊາດຢ່າງຮັດກຸມ.
ແກ້ໄຂບັນຫາຊັກຊ້າດ້ານການເບີກຈ່າຍເງິນເດືອນ ແລະ ລະ ບອບອຸດໜູນຕ່າງໆ,
ແກ້ໄຂໜີ້ສິນໃຫ້ຫລຸດຜ່ອນລົງ ຕິດພັນກັບການເພີ່ມຄວາມເຂັ້ມງວດດ້ານວິໄນແຜນການ
ແລະ ການເງິນ; ປະຕິບັດໃຫ້ເປັນຈິງນະໂຍ ບາຍປະຢັດແຫ່ງຊາດ ແລະ ສ້າງການສະສົມໃຫ້ໄດ້ເປັນກ້າວໆ.
6. ສືບຕໍ່ເພີ່ມທະວີບົດບາດຂອງລັດໃນການຄຸ້ມຄອງດັດສົມຕະ
ຫລາດ ແລະ ລາຄາ, ຄວບຄຸມອັດ ຕາເງິນເຟີ້, ຮັກສາສະຖຽນລະພາບດ້ານອັດຕາແລກປ່ຽນ,
ຄຸ້ມຄອງປະລິມານເງິນໃນຂອດຈໍລະຈອນ (M2), ປະສານສົມທົບໃຫ້ກົມກຽວນະໂຍບາຍ ແລະ
ມາດຕະການທາງດ້ານການເງິນ-ເງິນ ຕາ ແລະ ການຄ້າ ເພື່ອຮັບປະກັນສະຖຽນລະພາບດ້ານລາຄາ
ແລະ ຄ່າເງິນແຫ່ງຊາດ; ຄຸ້ມຄອງທະນາຄານຕ່າງປະເທດ ແລະ ລະບົບທະນາຄານຂອງລັດໃຫ້ໜັກແໜ້ນ
- ປະກອບສ່ວນໃນການປະຕິບັດນະໂຍບາຍສົ່ງເສີມການຜະລິດເປັນສິນຄ້າ ຕິດພັນກັບການແກ້ໄຂຄວາມທຸກຍາກ
ແລະ ສ້າງການເຕີບໃຫຍ່ທີ່ມີຄຸນນະພາບ.
7. ຂຸດຄົ້ນ ແລະ ເສີມຂະ ຫຍາຍທ່າໄດ້ປຽບດ້ານຕ່າງໆຂອງປະເທດເຮົາເຂົ້າໃນການເຊື່ອມໂຍງເສດຖະກິດກັບພາກ
ພື້ນ ແລະ ສາກົນ ໂດຍສະເພາະການເປັນປະຊາຄົມອາຊຽນດ້ານເສດຖະກິດ ໃນປີ 2015;
ປັບປຸງ ແລະ ສ້າງຄວາມເຂັ້ມແຂງໃຫ້ແກ່ພາກລັດ ແລະ ພາກທຸລະກິດ ຕິດພັນກັບການແກ້ໄຂລະບອບ-ລະ
ບຽບການ ລວມທັງການປະກາດໃຊ້ກົດໝາຍ ກໍຄືນິຕິກຳຕ່າງໆ ເພື່ອຍົກສູງຄວາມສາມາດແຂ່ງ
ຂັນ ແລະ ສ້າງພູມຄຸ້ມກັນໃຫ້ແກ່ຫົວໜ່ວຍວິສາຫະກິດຂອງລັດ ແລະ ເອກະຊົນ.
8. ເພີ່ມທະວີຄວາມເຂັ້ມງວດ ແລະ ຄວາມສັກສິດໃນການຄຸ້ມຄອງນຳໃຊ້ຊັບພະຍາກອນທຳມະຊາດໃຫ້ໄປຕາມທິດທີ່ຍືນຍົງ,
ຮັກສາສິ່ງແວດລ້ອມ ແລະ ເພີ່ມເນື້ອທີ່ສີຂຽວໃຫ້ໄດ້ຕາມຄາດ ໝາຍໃນປີ 2015.
No comments:
Post a Comment