ໃນວັນທີ 16 ຕຸລານີ້, ຄະນະກຳມະການແຫ່ງຊາດ
ເພື່ອມໍລະດົກໂລກ ໄດ້ຈັດກອງປະຊຸມສະຫລຸບຕີລາຄາຄືນການ ຈັດຕັ້ງປະຕິບັດວຽກງານໃນໄລຍະຜ່ານມາ
ແລະ ວາງທິດທາງແຜນການເຄື່ອນໄຫວວຽກງານໃນຕໍ່ໜ້າ, ພ້ອມນີ້ໄດ້ມີການປຶກ ສາຫາລື
ເພື່ອກະກຽມການສະເຫລີມສະຫລອງເມືອງຫລວງພະບາງ ທີ່ໄດ້ຈັດເຂົ້າເປັນເມືອງມໍລະດົກໂລກ
ຄົບຮອບ 20 ປີ ໃນປີ 2015 ໂດຍການເປັນປະທານຂອງ ທ່ານອາຊາງ ລາວລີ ຮອງນາຍົກລັດຖະມົນຕີ,
ຜູ້ຊີ້ນຳວຽກງານວັດທະນະທຳ-ສັງຄົມ ປະທານຄະນະກຳມະການແຫ່ງຊາດເພື່ອມໍລະດົກໂລກ.
ທ່ານ ສຈ.ດຣ ບໍ່ແສງຄຳ ວົງດາລາ ລັດຖະມົນຕີວ່າການກະຊວງຖະແຫລງຂ່າວ,
ວັດທະນະທຳ ແລະ ທ່ອງທ່ຽວ, ຮອງປະທານຄະນະກຳມະການແຫ່ງຊາດ ເພື່ອມໍລະດົກໂລກ ໄດ້ລາຍງານຕໍ່ທີ່ປະຊຸມກ່ຽວກັບສະພາບການຈັດຕັ້ງປະຕິບັດວຽກງານໃນໄລຍະຜ່ານມາແລະວາງທິດທາງແຜນການເຄື່ອນໄຫວວຽກງານໃນຕໍ່ໜ້າລວມທັງຂັ້ນຕອນຕ່າງໆ
ເພື່ອກະກຽມການສະເຫລີມສະຫລອງເມືອງຫລວງພະບາງທີ່ໄດ້ຈັດເຂົ້າເປັນເມືອງມໍລະດົກໂລກຄົບຮອບ
20 ປີ.
ໂອກາດນີ້ປະທານຄະນະກຳມະການແຫ່ງຊາດ ເພື່ອມໍລະດົກໂລກ
ໄດ້ສະແດງຄວາມຊົມເຊີຍຜົນສຳເລັດການເຄື່ອນໄຫວວຽກງານຜ່ານມາ, ພ້ອມທັງໃຫ້ທິດຊີ້ນຳແກ່ຄະນະປະທານຄະນະກຳມະການແຫ່ງຊາດເພື່ອມໍລະດົກໂລກ
ໃຫ້ເຊີດຊູຄວາມຮັບຜິດຊອບປະຕິບັດໜ້າທີ່ຕາມພາລະບົດບາດຂອງໃຫ້ດີກວ່າເກົ່າ.
No comments:
Post a Comment