ໃນວັນທີ 16 ຕຸລານີ້, ທ່ານ ລຳພູນ ພິມພະວົງ
ປະທານກຳ ມະ ການບໍລິຫານບໍລິສັດ ເປໂຕຣ ຫວຽດນາມອອຍລາວ ຈຳກັດ ພ້ອມຄະນະ ໄດ້ນຳເງິນຈຳນວນ
100 ລ້ານກີບ ມາມອບໃຫ້ທ່ານ ດຣ. ສິນລະວົງ ຄຸດໄພທູນ ລັດຖະມົນ ຕີຫົວໜ້າ ຫ້ອງວ່າການລັດຖະບານທັງເປັນຜູ້ຕາງໜ້າຄະນະກຳມະການປ້ອງກັນ
ແລະ ຄວບຄຸມໄພພິບັດແຫ່ງຊາດ ເພື່ອນຳໄປຊ່ວຍເຫລືອບັນເທົາທຸກໃຫ້ແກ່ປະຊາຊົນຜູ້ໄດ້ຮັບຜົນກະທົບຈາກໄພພິບັດນ້ຳຖ້ວມຢູ່ແຂວງພາກເໜືອ
ແລະ ບັນດາແຂວງພາກໃຕ້ ຂອງລາວ.
ໂອກາດນີ້,ທ່ານ ດຣ. ສິນລະວົງ ຄຸດໄພທູນ
ໄດ້ສະແດງຄວາມຂອບອົກຂອບໃຈຕໍ່ທ່ານ ລຳພູນ ພິມພະວົງ ກໍຄືບໍລິ ສັດເປໂຕຣຫວຽດນາມອອຍລາວຈຳກັດ
ທີ່ໄດ້ແບ່ງນ້ຳຈິດນ້ຳໃຈເປັນເງິນຈຳນວນດັ່ງກ່າວມາຊ່ວຍບັນເທົາທຸກປະຊາຊົນຜູ້ທີ່ໄດ້ຮັບຜົນກະທົບຈາກໄພນ້ຳຖ້ວມຢູ່ພາກເໜືອ
ແລະ ບັນດາແຂວງ ພາກໃຕ້ ຊຶ່ງເປັນການປະກອບສ່ວນສຳ ຄັນໃນການຟື້ນຟູຊີ
ວິດການຢູ່ຂອງປະຊາຊົນໃຫ້ດີຂຶ້ນ.
ພ້ອມນີ້ທ່ານ ຍັງໄດ້ຊີ້ໃຫ້ເຫັນວ່າ:ໄພນ້ຳຖ້ວມປີ ນີ້ສຳລັບພາກເໜືອເຖິງວ່າບໍ່ເປັນບໍລິເວນກວ້າງ,ແຕ່ສ້າງຄວາມ
ເສຍຫາຍຢ່າງໜັກໜ່ວງສົມຄວນ ທັງຊັບສິນ ແລະ ຊີວິດຂອງປະຊາ ຊົນ.ໃນຂະນະທີ່ທາງພາກໃຕ້
ກໍໄດ້ກວມເຖິງ 4 ແຂວງ:ສາລະວັນ, ເຊກອງ, ອັດຕະປື ແລະ ຈຳປາສັກ ອັນໄດ້ສ້າງຄວາມເສຍຫາຍໃນບໍລິເວນກວ້າງສົມຄວາມເປັນ
ຕົ້ນ: ເນື້ອທີ່ການຜະລິດ, ຖະໜົນຫົນທາງ ແລະ ອື່ນໆ. ປັດຈຸບັນ ປະຊາຊົນໄດ້ຮຽກຮ້ອງລັດຖະບານໃຫ້ສ້ອມແປງດ່ວນຊົນລ
ປະທານເພື່ອຟື້ນຟູການຜະລິດເຂົ້າ ແລະ ພືດ,ເສັ້ນ ທາງ-ຂົວ ໃຫ້ສາດມາດທຽວໄດ້ຊົ່ວຄາວ.
ຢ່າງໃດກໍຕາມການຕີລາຄາຜົນເສຍຫາຍໃນປີນີ້ເຖິງກວ່າ 800 ຕື້ກີບ ຊຶ່ງທາງລັດຖະບານໄດ້ເລັ່ງລະດົມທຶນ
ເພື່ອນຳໄປຊ່ວຍໃຫ້ທັນການ ແລະ ນັບແຕ່ ວັນທີ 10-16 ຕຸລານີ້, ມີ 13 ພາກສ່ວນທັງພາກລັດ
ແລະ ເອກະຊົນມາມອບເງິນຊ່ວຍ ເຫລືອເພື່ອບັນເທົາທຸກທັງໝົດ 2.074 ລ້ານກີບ.
No comments:
Post a Comment