ໃນລະຫວ່າງວັນທີ 25-30 ພະຈິກນີ້, ສະຖາບັນຝຣັ່ງປະຈຳລາວ
ຈະໄດ້ຈັດໃຫ້ມີກິດຈະກຳຫລາຍຢ່າງເຊັ່ນ: ການສະແດງຄອນເສີດຮ່ວມຈາກສິລະປິນ
ລາວ ແລະ ສິລະປິນຊື່ດັງປະເທດຝຣັ່ງ, ການເດີນແບບປະຍຸກແພ ໄໝລາວຈາກນັກອອກແບບທີ່ມີ
ປະສົບການ, ການແຂ່ງຂັນກິລາເປຕັງຊີງຂັນເອກອັກຄະລັດຖະ ທູດຝຣັ່ງປະຈຳລາວ, ງານບຸນມະໂຫລານຮູບເງົາລາວ- ຝຣັ່ງ
ແລະ ກິດຈະກຳດ້ານວັດທະນາທຳ ອື່ນໆທີ່ໜ້າສົນໃຈ.
ການຈັດສັບປະດາຝຣັ່ງ ຄັ້ງນີ້, ເພື່ອສ້າງຂະບວນການເຄື່ອນໄຫວດ້ານວັດທະນະທຳຂອງປະເທດຝຣັ່ງໃຫ້ມີຄວາມຟົດຟື້ນ
ຢູ່, ທັງເປັນການນຳສະເໜີຄວາມເປັນລາວ ແລະ ຄວາມຮັບຮູ້ກ່ຽວ ກັບປະເທດລາວ ໃນປະເທດຝຣັ່ງ.
ງານພົບປະທີ່ວຽງຈັນ ຫລື ເອີ້ນວ່າ (rendezvous Vientiane) ແມ່ນມີຄວາມໝາຍສຳຄັນທີ່ເວົ້າເຖິງແນວຄວາມຄິດສ້າງສັນ
ແລະ ການປະດິດສ້າງສິ່ງໃໝ່ໆ ອັນເປັນການສ້າງຄວາມດຶງດູດ ແລະ ເປີດກວ້າງໃຫ້ ສປປ
ລາວ ເຂົ້າສູ່ກະແສຫົວໜ່ວຍການຜະລິດທາງດ້ານວັດ ທະນະທຳຂອງຝຣັ່ງ.
ສຳລັບວັນທີ 26 ພະຈິກ 2013 ຈະມີຄອນເສີດດົນຕີ ແຈດສ໌ ຢູ່ຫໍວັດທະນະທຳແຫ່ງຊາດ ໂດຍມີທ່ານ ເອຣິກ ທູຟາສ ຜູ້ທີ່ສ້າງຜົນງານໄດ້ 15 ອາລະບັມ ແລະ ມີຍອດຂາຍ 500.000 ແຜ່ນ ອອກສະແດງຕາມງານດົນຕີແຈສ ຫລາຍແຫ່ງ, ເປັນຕົວແທນຂອງນັກດົນຕີຝຣັ່ງຮຸ່ນໃໝ່ ທີ່ສ້າງດົນຕີແບບເປັນເອກະລັກ ແລະ ເປັນທີ່ຍອມຮັບໃນລະດັບສາກົນ; ວັນທີ 27 ພະ ຈິກ 2013 ຈະມີຄອນເສີດແຈສ ຢູ່ຫໍວັດທະນະທຳແຫ່ງຊາດ ໂດຍມີ ມີນາ ອາໂກຊີ ພ້ອມກັບນັກດົນຕີ ເປຍໂນ ແລະ ນັກປະ ພັນ ທ່ານໂກຣັອງ ກູຊົງ ຈະນຳເອົາຄວາມຮູ້ສຶກໃນສຽງ ດົນຕີ ດ້ວຍສຽງທີ່ໜັກແໜ້ນ ແລະ ມີສະເໜ່ກັບຮູບແບບດົນຕີ ໂຊລ (Soul) ແລະ ຈັງຫວະດົນຕີ ບຣູ (Blues) ແລະ ງານເດີນແບບ ແລະ ວາງສະແດງເຄື່ອງປະດັບ ທີ່ເຮັດຈາກເຄື່ອງປັ້ນດິນເຜົາ ຈະມີຂຶ້ນໃນວັນທີ 28 ພະຈິກ 2013 ຢູ່ຫໍວັດທະນະທຳແຫ່ງຊາດ ໂດຍມີເຄື່ອງນຸ່ງຫົ່ມອັນເປັນທີ່ນິຍົມ, ເຄື່ອງປະດັບທີ່ເປັນເອກະລັກ ດ້ວຍການອອກແບບທີ່ງົດງາມຂອງຝຣັ່ງ-ລາວ. ສ່ວນວັນທີ 29 ພະຈິກ 2013 ເປັນຄ່ຳຄືນແຫ່ງສຽງດົນຕີ ປ໋ອບ ເອເລັກໂທຣ ແລະ ການສະແດງຈາກສິລະປິນ ລາຟາມ ແລະ ບັນດາສິລະປິນ ຮັບເຊີນທີ່ມີຊື່ສຽງຂອງລາວ.
No comments:
Post a Comment