ໃນວັນທີ 20 ພະຈິກນີ້, ຢູ່ໂຮງແຮມດອນຈັນພາເລດ,
ນະຄອນຫລວງວຽງ ຈັນ, ໄດ້ມີພິທີຖະແຫລງກ່ຽວ ກັບການລະດົມທຶນປະກອບສ່ວນງານກຸສົນອັງເຊີນ ພະບາງຂຶ້ນປະດິດສະຖານຢູ່ຫໍພະ ບາງຫລັງໃໝ່ໃນເມືອງ
ແລະ ແຂວງຫລວງ ພະບາງ, ໂດຍໃຫ້ກຽດຖະແຫລງ ຂອງທ່ານ ສົມສະຫວາດ ເລັ່ງສະຫວັດຮອງ ນາຍົກລັດຖະມົນຕີ ຜູ້ຊີ້ນຳວຽກເສດຖະກິດທັງເປັນປະທານຄະນະກຳມະການກະ ກຽມ ແລະ ຈັດພິທີ
ອັງເຊີນພະບາງ, ທ່ານ ດຣ. ຄຳແພງ ໄຊສົມແພງ ເຈົ້າແຂວງໆຫລວງພະບາງ, ຮອງປະທານຜູ້ປະຈຳການຄະນະກຳມະການກະກຽມ
ແລະ ຈັດພິທີອັງເຊີນພະບາງຂຶ້ນປະດິດສະຖານທີ່ຫໍພະ ບາງ ແລະ ທ່ານ ສາສະດາຈານ ດຣ
ບໍ່ແສງຄຳ ວົງດາລາ ລັດຖະມົນຕີວ່າ ການກະຊວງຖະແຫລ່ງຂ່າວ, ວັດທະນາທຳ ແລະ ທ່ອງທ່ຽວ ແລະ
ສື່ມວນຊົນເຂົ້າຮ່ວມຢ່າງຫລວງຫລາຍ.
ທ່ານ ຮອງນາຍົກລັດຖະມົນຕີ ສົມສະຫວາດ
ເລັ່ງສະຫວັດ ກ່າວວ່າ: ການຈັດພິທີອັງເຊີນພະບາງຂຶ້ນປະດິດສະຖານ ຢູ່ຫໍພະບາງຄັ້ງນີ້
ແມ່ນເພື່ອເປັນການອະນຸລັກ, ປົກປັກຮັກສາພະບາງເຊິ່ງແມ່ນພະພຸດທະຮູບຄູ່ເມືອງ ຂອງຊາວລາວທົວປະ
ເທດເປັນມໍລະດົກອັນລ້ຳຄ່າທາງດ້ານວັດທະນາທຳຂອງຊາດທີ່ມີຊື່ສຽງເວົ້າລວມ
ແລະ ຂອງແຂວງຫລວງພະບາງເວົ້າສະເພາະ ໃຫ້ຍືນຍົງຢູ່ກັບບ້ານເມືອງໄປຕະຫລອດຊົ່ວກາລະນານ.
ດັ່ງນັ້ນ ຈຶ່ງຂໍເຊີນມາຍັງບັນດາຄະນະພັກ, ອຳນາດການປົກຄອງທຸກຂັ້ນ,
ອົງການຈັດຕັ້ງສາກົນ, ນັກທຸລະກິດທັງພາຍໃນ ແລະ ຕ່າງປະເທດ,
ພໍ່ຄ້າຊາວຂາຍຕະຫລອດເຖິງພີ່ນ້ອງປະຊາຊົນບັນດາເຜົ່າໃນທົ່ວປະເທດ ແລະ ປະຊາຊົນລາວ
ທີ່ພວມດຳລົງຊີວິດຢູ່ຕ່າງປະເທດເຂົ້າຮ່ວມພິທີອາລາດທະນາອັງເຊີນພະບາງພະພຸດທະຮູບສັກສິດມິ່ງບ້ານຂວັນເມືອງຂອງຊາວລາວຂຶ້ນປະດິດສະຖານຢູ່ຫໍພະບາງຫລັງໃໝ່.
ພິທີດັ່ງກ່າວແມ່ນຈະໄດ້ຈັດຂຶ້ນແຕ່ວັນທີ 14-16 ທັນວາ 2013 ນີ້
ທີ່ເມືອງຫລວງພະບາງ ເມືອງມໍລະດົກ ໂລກ ແລະ ບໍລິເວນຫໍພິພິທະພັນແຫ່ງຊາດ
ແຂວງຫລວງພະບາງ. ສຳລັບຜູ້ທີ່ຕ້ອງການບໍລິຈາກສົມທົບທຶນສາມາດ ຕິດຕໍ່ໝາຍເລກໂທລະສັບ
020 55570734,02022350909,ເລກ ບັນຊີ 050110000097326001, 0501100100231143001.
No comments:
Post a Comment