ໃນຕອນຄ່ຳວັນທີ 6 ພະຈິກນີ້, ທະນາຄານຮ່ວມພັດທະນາ
ໄດ້ຈັດພິທີເປີດ ໜ່ວຍບໍລິການສີໄຄ ເມືອງສີໂຄດ ຕະບອງ ນະຄອນຫລວງວຽງຈັນ ຢ່າງເປັນທາງ ການໂດຍການເຂົ້າຮ່ວມຂອງ
ທ່ານ ວິໄລວົງ ບຸດດາຄຳ ເລຂາຄະນະຊາວໜຸ່ມປະ ຊາຊົນປະຕິວັດ ລາວ, ທ່ານ ສອນໄຊ ສິດພະໄຊ ຮອງຜູ້ວ່າການທະນາຄານແຫ່ງ
ສປປ ລາວ, ທ່ານ ທອງຄູນ ແສງດາຣາ ເຈົ້າເມືອງສີໂຄດຕະບອງ, ມີຄະນະບໍລິຫານງານ ຂອງທະນາຄານ, ແຂກຖືກເຊີນ
ແລະ ລູກຄ້າ ເຂົ້າຮ່ວມຢ່າງຫລວງຫລາຍ.
ທ່ານ ທອງຈະເລີນ ເຄນມິງ ມົງຄົນ ຜູ້ອຳນວຍການໃຫຍ່ທະນາຄານຮ່ວມ ພັດທະນາກ່າວວ່າ: ພາຍຫລັງມີ ການມອບ-ຮັບທຸລະ ກິດເປັນຂອງເອກະຊົນລາວ 100% ຢ່າງເປັນທາງການ ເມື່ອ
ທ້າຍປີ 2012 ຜ່ານມາ ໄດ້ສ້າງ ເງື່ອນໄຂ ແລະ ທ່າແຮງໃໝ່ ເພື່ອ ສ້າງທະນາຄານໃຫ້ເຕີບໃຫຍ່ຂະ
ຫຍາຍຕົວກຽມພ້ອມເຂົ້າຕະ ຫລາດຫລັກຊັບ ແລະ ເຂົ້າສູ່ປະ ຊາຄົມເສດຖະກິດອາຊຽນ. ການ ເປີດໜ່ວຍບໍລິການ
ສີໄຄເທື່ອນີ້ ຈະຊ່ວຍໃຫ້ທະ ນາຄານ ສາມາດຕອບສະໜອງການບໍລິການດ້ານການເງິນໃຫ້ແກ່ລູກຄ້າໄດ້ກວ້າງຂວາງຂຶ້ນຕື່ມທັງເປັນການປະກອບສ່ວນໃນການ
ພັດທະນາເສດຖະກິດຂອງນະຄອນຫລວງກໍຄືຂອງຊາດ.
ທ່ານ ວິວັດ ກິດຕິພົງໂກສົນ ປະທານທີ່ປຶກສາເສດຖະກິດຂອງທະນາຄານຮ່ວມພັດທະນາກ່າວ
ວ່າ: ທະນາ ຄານຮ່ວມພັດທະນາສ້າງຂຶ້ນໃນປີ 1989 ພວກເຮົາມີເປົ້າໝາຍໃຫ້ທະນາຄານມີການບໍລິການທີ່ເປັນເລີດ
ແລະ ມີບົດ ບາດໃນພາກພື້ນອາຊຽນໂດຍ ເນັ້ນພັດທະນາຕົນເອງຄືສ້າງຄວາມສະດວກສະບາຍຂອງການບໍລິການທາງດ້ານການ
ເງິນ ຄົບວົງຈອນທັງພາຍໃນ ແລະ ຕ່າງປະເທດ, ຂະຫຍາຍໜ່ວຍບໍລິການ, ຕູ້ ATM ເພື່ອຕອບສະໜອງຄວາມຕ້ອງການຂອງລູກຄ້າ,
ພັດທະນາລະບົບເຕັກໂນໂລຊີຂອງທະນາຄານໃຫ້ມີຄວາມທັນສະໄໝ ແລະ ພັດທະນາບຸກ ຄະລາກອນໃຫ້ມີຄວາມຮູ້ຄວາມສາ
ມາດຮັບໃຊ້ການບໍລິການລູກຄ້າໄດ້ຢ່າງສະດວກສະບາຍວ່ອງໄວ ແລະ ມີມະນຸດສຳພັນດີ
ເພື່ອສ້າງຄວາມພໍໃຈຕໍ່ລູກຄ້າໃຫ້ດີກວ່າເກົ່າ.
No comments:
Post a Comment