ໃນວັນທີ 4 ພະຈິກນີ້, ທີ່ຫໍພິພິດທະພັນໄກສອນ
ພົມວິຫານ ນະຄອນຫລວງວຽງຈັນ, ໄດ້ຈັດພິທີມອບ-ຮັບ ຮູບຫລໍ່ບັນ ດາຜູ້ນຳຮຸ່ນທຳອິດການປະຕິວັດລາວຈຳ
ນວນ 7 ທ່ານຄື: ທ່ານ ໜູຮັກ ພູມສະຫວັນ, ທ່ານພູມີ ວົງວິຈິດ, ທ່ານພູນ ສີປະເສີດ,
ທ່ານ ສີສົມພອນ ລໍວັນໄຊ, ທ່ານ ສີທົນ ກົມມະດຳ, ທ່ານໄຟດ່າງ ລໍເບລຍຢາວ ແລະ
ທ່ານ ຕູ້ຢາ ໄຊຈູ ເຊິ່່ງຈະໄດ້ນຳໄປສະຖິດຢູ່ບ້ານເກີດເມືອງນອນຂອງແຕ່ລະທ່ານ,
ໂດຍເປັນກຽດເຂົ້າຮ່ວມຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ, ທ່ານ
ສຸກັນ ມະຫາລາດ ເຈົ້າຄອງນະຄອນຫລວງວຽງຈັນ ແລະ ຍັງມີທ່ານ ກວນ ຮວາ ປິງ ເອກອັກຄະລັດຖະທູດ
ສປ.ຈີນ ປະຈຳລາວ, ພ້ອມແຂກຖືກເຊີນ ແລະ ນັກສຶກສາປັນຍາຊົນເຂົ້າຮ່ວມ.
ທ່ານ ສຸວັນດີ ສີສະຫວັດ ຮອງຫົວໜ້າຫ້ອງວ່າການສູນກາງພັກຫົວໜ້າຄະນະຮັບຜິດຊອບຫໍພິພິດທະພັນ
ໄກສອນ ພົມ ວິຫານ ກ່າວວ່າ: ດ້ວຍຄວາມກະຕັນຍູຮູ້ບຸນຄຸນຕໍ່ຄຸນງາມຄວາມດີ ແລະ
ຜົນງານອັນໃຫຍ່ຫລວງຂອງບັນດາຜູ້ນຳຮຸ່ນທຳອິດ
ການປະຕິວັດລາວ ທີ່ໄດ້ອຸທິດຕະ
ຫລອດຊີວິດເພື່ອປະເທດຊາດ ແລະ ການປະຕິວັດລາວ. ສູນກາງພັກປະຊາຊົນປະຕິວັດລາວ
ແລະ ລັດຖະບານໄດ້ຕົກລົງຜະລິດຮູບຫລໍ່ຂອງບັນດາຜູ້ນຳທັງ 7 ທ່ານ ເຊິ່ງຫລໍ່ດ້ວຍທອງສຳລິດ,
ມູນຄ່າ 1,1 ລ້ານໂດລາສະຫະລັດ,ໂດຍງົບປະມານຂອງລັດຖະບານ ແລະ ດ້ວຍລາຄາພິເສດຈາກລັດ
ະບານຈີນ.ພາຍຫລັງສຳເລັດການມອບ-ຮັບຈະມີການຂະບວນແຫ່ຮູບຫລໍ່ຂອງທ່ານ ໜູຮັກ ພູມສະ
ຫວັນ ເພື່ອນຳໄປສະຖິດຢູູ່ບ້ານເກີດເມືອງນອນທີ່ແຂວງສະຫວັນນະເຂດ ແລະ ຮູບຫລໍ່ຂອງທ່ານສີທົນ
ກົມມະດຳ ໄປສະຖິດຢູ່ແຂວງຈຳປາສັກ ແລະ ອີກ 5 ທ່ານຈະສືບຕໍ່ນຳໄປສະຖິດຢູ່ບ້ານເກີດເມືອງນອນຂອງແຕ່ລະທ່ານຕາມລຳດັບ.
ທ່ານ ສຸວັນດີ ສີສະຫວັດ ກ່າວຕື່ມວ່າ:
ຮູບຫລໍ່ບັນດາຜູ້ນຳຮຸ່ນທຳອິດການປະຕິວັດລາວນີ້ ແມ່ນມີຄວາມປະເສີດລ້ຳຄ່າ
ແລະ ມີຄວາມໝາຍສຳຄັນທາງປະຫວັດສາດການເມືອງຂອງພັກ, ລັດຖະບານ ແລະ ປະຊາຊົນລາວບັນດາເຜົ່າ.ການນຳໄປສະ
ຖິດຢູ່ບ້ານເກີດເມືອງນອນຂອງແຕ່ລະທ່ານຈະກາຍເປັນບ່ອນສັກກາລະບູຊາເຄົາລົບນັບຖື,
ບ່ອນສຶກສາຄົ້ນຄວ້າຮ່ຳຮຽນເອົາແນວຄິດພາລະກິດອັນສູງສົ່ງ, ແບບຢ່າງຄຸນສົມບັດສິນທຳປະຕິວັດ,
ແບບແຜນດຳລົງຊີວິດ, ແບບແຜນວິທີເຮັດວຽກ,ລວມເຖິງແບບແຜນວິທີນຳພາວິທະຍາສາດ
ຂອງບັນດາທ່ານທັງໝົດ ເພື່ອມານຳໃຊ້ເຂົ້າໃນວຽກງານຕົວຈິງ, ພ້ອມນີ້ ຍັງຈະກາຍເປັນສະຖານທີ່ທ່ອງທ່ຽວ
ທາງປະຫວັດສາດທີ່ສຳຄັນອີກແຫ່ງໜຶ່ງຂອງແຕ່ລະແຂວງ ທີ່ເປັນບ້ານເກີດເມືອງນອນຂອງຜູ້ນຳຮຸ່ນທຳອິດຂອງການປະຕິວັດລາວ.
No comments:
Post a Comment