ໃນໜຶ່ງປີຜ່ານມາ ມີສະພາບຫຍໍ້ທໍ້ສັງຄົມເກີດຂຶ້ນ
ຫລາຍ ແລະ ມື້ນີ້ໜັງສືພິມ ລາວພັດທະນາ ໄດ້ສະຫລຸບ 10 ເຫດການຄາດຕະກຳທີ່ເກີດຂຶ້ນໃນ
1 ປີຜ່ານມາຄື:
1. ໃນເວລາປະມານ 16 ໂມງ ຂອງວັນທີ 29 ມັງກອນ
2013 ໄດ້ເກີດເຫດຄາດຕະກຳ ຢູ່ເຮືອນພັກແຫ່ງໜຶ່ງ ເຊິ່ງຕັ້ງຢູ່ບ້ານດອນກອຍ
ເມືອງສີສັດຕະນາກ ນະຄອນຫລວງວຽງຈັນ, ຜູ້ເສຍຊີວິດເປັນຜູ້ຍິງອາຍຸ 26 ປີ ສັນຊາດລາວ
ອາຊີບສາວບໍລິການຮ້ານກິນດື່ມ, ຄົນຮ້າຍໄດ້ບີບຄໍ ແລະ ເອົາຜ້າອັດປາກ ແລະ
ດັງ ຈຶ່ງເຮັດໃຫ້ເສຍຊີວິດ (ສ່ວນຄົນຮ້າຍຍັງຈັບບໍ່ໄດ້).
2. ໃນເວລາປະມານ 18 ໂມງ ຂອງວັນທີ 11 ເມສາ
2013 ໄດ້ເກີດເຫດຄາດຕະກຳປຸ້ນຊັບຂຶ້ນ ຢູ່ເສັ້ນທາງບ້ານໜອງໜ້ຽວຫາບ້ານໂພນສົມບູນ
ເມືອງສີໂຄດ ນະຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ 24 ປີ ສັນ ຊາດລາວ
ອາຊີບກຳມະກອນສ້ອມແປງ ປັດຈຸບັນຢູ່ບ້ານພະຂາວ ເມືອງໄຊທານີ ນະຄອນ ຫລວງວຽງຈັນ
ເຊິ່ງຖືກຍິງດ້ວຍອາວຸດປືນເຂົ້າທີ່ກາງຫລັງ ມີບາດແຜໜຶ່ງຮ່ອງຮອຍ ແລະ ຊອດໜ້າເອິກ
ເສຍຊີວິດຄາດທີ່. ໃນຂະນະທີ່ພວມສ້ອມແປງລົດຈົກດິນຢູ່ແຄມທາງ ຈຶ່ງມີຄົນຮ້າຍສອງຄົນຂີ່ລົດຈັກຊ້ອນກັນມາເຫັນຜູ້ເສຍຊີວິດມີສາຍຄໍຄຳຈຶ່ງຍິງປຸ້ນເອົາ.
ຜ່ານການສືບສວນ- ສອບສວນເກັບກຳຂໍ້ມູນຂອງເຈົ້າ ໜ້າທີ່ຈຶ່ງສາມາດຈັບຕົວຄົນຮ້າຍຜູ້ກໍ່ການກະທຳຜິດໄດ້ໜຶ່ງຄົນ.
3. ໃນເວລາປະມານ 24 ໂມງ ຂອງວັນທີ 12 ເມສາ
2013 ໄດ້ເກີດເຫດຄາດຕະກຳປຸ້ນຊັບຂຶ້ນ ຢູ່ບ້ານສາລາຄຳ ເມືອງຫາດຊາຍຟອງ ນະຄອນຫລວງວຽງຈັນ,
ຜູ້ເສຍຊີວິດເປັນຜູ້ຊາຍອາຍຸ 41 ປີ ສັນຊາດລາວ ອາຊີບກຳມະກອນ ຢູ່ບ້ານສາລາຄຳ
ເມືອງຫາດຊາຍຟອງ ນະຄອນຫລວງວຽງຈັນ ຖືກແທງດ້ວຍມີດປາຍແຫລມມີຄົມ 11 ບາດແຜ ຍ້ອນໄປຊ່ວຍຫລານສາວທີ່ຖືກຄົນຮ້າຍດຶງກະເປົາຈົນຖືກຄົນຮ້າຍໃຊ້ມີດແທງຈົນເສຍຊີວິດ
(ຄົນຮ້າຍຍັງຈັບບໍ່ໄດ້).
4. ໃນເວລາປະມານ 17 ໂມງ ຂອງວັນທີ 2 ມິຖຸນາ
2013 ໄດ້ເກີດມີເຫດການຄາດຕະກຳເກີດຂຶ້ນ ຢູ່ເສັ້ນທາງຫລັງຕະຫລາດທົ່ງຂັນຄຳ
ບ້ານທົ່ງຂັນຄຳ ເມືອງຈັນທະບູລີ ນະຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ
30 ປີ ສັນຊາດລາວ ອາຊີບຫວ່າງງານ ຢູ່ບ້ານສີເມືອງ ເມືອງສີສັດ ຕະນາກ ນະຄອນຫລວງວຽງຈັນ
ຖືກຍິງດ້ວຍອາວຸດປືນຕາມລຳຕົວ 5 ນັດ ແລະ ເຈົ້າໜ້າທີ່ກວດ ຄົ້ນໃນກະເປົາຮັດແອວຂອງຜູ້ຕາຍພົບປືນສັ້ນ
1 ກະບອກ ພ້ອມລູກປືນຈຳນວນໜຶ່ງ ແລະ ມີດປາຍແຫລມ 1 ເຫລັ້ມ ໂດຍຜູ້ເສຍຊີວິດມີປະຫວັດເປັນນັກເລງອັນຕະພານປຸ້ນຈີ້ຊີງຊັບ,
ເສບຢາເສບຕິດ ແລະ ຄ້າຢາເສບຕິດ. ຕໍ່ເຫດ ການທີ່ເກີດແມ່ນເກີດຈາກການຂັດແຍ່ງຜົນປະໂຫຍດທີ່ຜິດກົດ
ໝາຍກັບກຸ່ມແກ໋ງຂອງພວກເຂົາເອງ (ຄົນຮ້າຍຍັງຈັບບໍ່ທັນໄດ້).
5. ໃນເວລາປະມານ 4-5 ໂມງ ຂອງວັນທີ 20 ກໍລະກົດ
2013 ໄດ້ເກີດມີເຫດຄາດຕະກຳຂຶ້ນ ຢູ່ບ້ານຫ້ວຍຫົງ ເມືອງຈັນທະບູລີ ນະ ຄອນຫລວງວຽງຈັນ,
ສະຖານທີ່ເກີດເຫດເປັນເຮືອນວິນລາຊັ້ນ ດຽວ ມີຄົນເສຍຊີວິດ 2 ຄົນ ເປັນຜູ້ຊາຍອາຍຸ
45 ປີ ສັນຊາດລາວ ອາຊີບນັກທຸລະກິດ ແລະ ຜູ້ຍິງອາຍຸ 18 ປີຢູ່ບ້ານຫ້ວຍຫົງ ເມືອງ
ຈັນທະບູລີ ນະຄອນຫລວງວຽງຈັນ ທັງສອງຖືກຍິງດ້ວຍອາວຸດປືນຢູ່ຂະໝັບຫົວເບື້ອງຂວາຊອດທະລຸຂະໝັບຫົວເບື້ອງຊ້າຍ
ເສຍຊີວິດຄາທີ່ ເຫດການດັ່ງກ່າວທີ່ເກີດຂຶ້ນເປັນການຂ້າຕົວຕາຍ, ຜູ້ຊາຍເຊິ່ງເປັນຜູ້ໃຊ້ອາວຸດປືນຍິງຜູ້ຍິງໃນຂະນະນອນຫລັບຢູ່
ຈາກນັ້ນກໍໃຊ້ປືນບອກດຽວກັນຍິ່ງຕົນເອງຕາຍຕາມ.ສາເຫດແມ່ນຍ້ອນ ບັນຫາທຸລະກິດສ່ວນຕົວ
ແລະ ຄອບຄົວ.
6. ໃນເວລາປະມານ 2 ໂມງ ຂອງວັນທີ 5 ຕຸລາ
2013 ໄດ້ເກີດເຫດໄວລຸ້ນໃຊ້ອາວຸດປືນຍິງກັນຕາຍ ຢູ່ເສັ້ນທາງໜອງດ້ວງ-ດົງນາໂຊກ
ເມືອງສີໂຄດຕະບອງ ນະຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ 16 ປີ ສັນ
ຊາດລາວ ອາຊີບນັກຮຽນ ບ້ານໜອງໜ້ຽວ ເມືອງສີໂຄດຕະບອງ ນະຄອນຫລວງວຽງຈັນ ຖືກຍິງດ້ວຍອາວຸດປືນຢູ່ບາໄລ່ເບື້ອງ
ຂວາ ເກີດຂຶ້ນຈາກກຸ່ມແກ໋ງໄວລຸ້ນນັກເລງອັນຕະພານຂັດແຍ່ງເລື່ອງຊູ້ສາວ ຈຶ່ງຍິງກັນເອງ
(ຄົນຮ້າຍຍັງຈັບບໍ່ທັນໄດ້).
7. ໃນເວລາ 1 ໂມງ ຂອງວັນທີ 19 ກັນຍາ 2013
ໄດ້ເກີດເຫດໄວລຸ້ນໃຊ້ອາວຸດປືນຍິງກັນຕາຍ ຢູ່ໜ້າຮ້ານຄາລາໂອເກະແຫ່ງໜຶ່ງ
ບ້ານພະຂາວ ເມືອງໄຊທານີ ນະ ຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ
38 ປີ ສັນຊາດລາວ ອາຊີບພະນັກງານປ້ອງກັນ ຢູ່ບ້ານຊ້າງຄູ ເມືອງໄຊທານີ ນະ ຄອນຫລວງວຽງຈັນ
ຖືກຍິງດ້ວຍອາວຸດປືນຈຳນວນ 2 ນັດ ຢູ່ເທິງຫົວນົມເບື້ອງຊ້າຍຊອດທະລຸກາງ ຫລັງ
ແລະ ອີກຈຸດໜຶ່ງຖືກຍິງເຂົ້າລຸ່ມດູກມີດເບື້ອງຂວາ ຍ້ອນມີກຸ່ມແກ໋ງໄວລຸ້ນນັກເລງອັນຕະ
ພານອາລະວາດຕີກັນ, ຜູ້ເສຍຊີ ວິດເປັນຜູ້ປ້ອງກັນສະຖານທີ່ດັ່ງ ກ່າວເຂົ້າໄປຫ້າມຈຶ່ງຖືກຍິງ.
8. ໃນເວລາປະມານ 19 ໂມງ ຂອງວັນທີ 2 ຕຸລາ
2013 ໄດ້ເກີດມີເຫດຄາດຕະກຳຂຶ້ນ ຢູ່ລຳນ້ຳ ຂອງ ເຂດບ້ານຫ້ວຍຫ້ອມ ເມືອງສີໂຄດຕະບອງ
ນະຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ 35 ປີ ສັນຊາດລາວ ອາຊີບກຳມະກອນ
ຢູ່ບ້ານຫ້ວຍຫ້ອມ ເມືອງສີໂຄດ ນະຄອນຫລວງວຽງຈັນ ຖືກຍິງດ້ວຍອາວຸດປືນບໍ່ຮູ້ຊະນິດ
2 ຈຸດ ຄືຢູ່ຫົວ ເຮັດໃຫ້ກະໂຫລກຫົວແຕກມຸ່ນ. ເຫດ ການດັ່ງກ່າວເກີດຂຶ້ນອາດເປັນການຂັດແຍ່ງທາງດ້ານການຄ້າ
ຂາຍສິ່ງຜິດກົດໝາຍ.
9. ໃນເວລາປະມານ 16 ໂມງ ຂອງວັນທີ 18 ພະຈິກ
2013 ໄດ້ເກີດເຫດຄາດຕະກຳຂຶ້ນຢູ່ເສັ້ນທາງບ້ານໜອງດາ ເມືອງສີໂຄດຕະບອງ ນະຄອນຫລວງວຽງຈັນ,
ຜູ້ເສຍຊີວິດເປັນຜູ້ຍິງ ອາຍຸ 25 ປີ ສັນຊາດລາວ ອາຊີບຄ້າຂາຍຢູ່ບ້ານໂພສີ ເມືອງສີໂຄດຕະບອງ
ນະຄອນຫລວງວຽງຈັນ ຍ້ອນຖືກແຟນຊາຍຂັບລົດໄລ່ຕຳ ແລະ ຢຽບເສຍຊີວິດຄາທີ່ຢູ່ເສັ້ນທາງດັ່ງ
ກ່າວຍ້ອນຂັດແຍ່ງຜົນປະໂຫຍດເປັນໜີ້ສິນກູ້ຢືມເງິນຮ່ວມກັນ ເຮັດໃຫ້ຝ່າຍຊາຍບໍ່ພໍໃຈຫລັງຈາກໄກ່ເກ່ຍກັນ.
10. ໃນເວລາປະມານ 5 ໂມງ ຂອງວັນທີ 20 ທັນວາ
2013 ໄດ້ເກີດມີເຫດການຄາດຕະກຳຂຶ້ນ ຢູ່ບ້ານໂພນຄໍ້
ເມືອງໄຊທານີ ນະ ຄອນຫລວງວຽງຈັນ, ຜູ້ເສຍຊີວິດເປັນຜູ້ຊາຍອາຍຸ 35 ປີ ສັນຊາດລາວ
ອາຊີບຫວ່າງງານ ຢູ່ບ້ານໂພນຄໍ້ ເມືອງໄຊທານີ ນະຄອນ ຫລວງວຽງຈັນ ຖືກແທງດ້ວຍມີດປາຍແຫລມມີຄົມຕາມຮ່າງ
ກາຍ 4 ບາດແຜ ແລະ ເສຍຊີວິດໃນໄລຍະນຳສົ່ງໂຮງໝໍ ຍ້ອນບັນຫາຊູ້ສາວ.
No comments:
Post a Comment