ຜະລິດຕະພັນຂອງລາວ ທີ່ເຮັດໂດຍຝີມືຄົນລາວ
ເລີ່ມມີການເຕີບໃຫຍ່ຂະຫຍາຍຕົວແລະ ເພື່ອເປັນການຊຸກຍູ້ໃຫ້ ຄົນລາວ ຫັນມາຊົມໃຊ້ຜະລິດຕະພັນຂອງລາວເຮົາຫຼາຍຂື້ນ
ສະພາອຸດສາຫະກຳ ແລະ ການຄ້າ ຈະໄດ້ຈັດງານວາງສະແດງສິນ ຄ້າຜະລິດຕະພັນລາວ ຄັ້ງທີ
3 ຂື້ນ ເພື່ອສົ່ງເສີມການຜະລິດ ແລະ ຈຳ ໜ່າຍພາຍໃນເພື່ອກ້າວຂື້ນສູ່ລະດັບສາກົນ
ແລະ ຮັບ ປະກັນດ້ານຄຸນນະພາບ ຊຶ່ງ ທ່ານ
ດຣ ສະນັ່ນ ຈຸນລະມະ ນີ ແລະ ທ່ານ ດາວວອນ ພະຈັນທະວົງ ຮອງປະທານສະພາ ອຸດ
ສາຫະກຳແຫ່ງຊາດ ໄດ້ຖະແຫຼງ ຕໍ່ສື່ມວນຊົນ ໃນວັນທີ 25 ທັນວາ ນີ້ຢູ່ສະມາຄົມນັກຂ່າວແຫ່ງ
ສປປ ລາວ ວ່າ: ງານວາງສະແດງຜະລິດຕະພັນລາວ ຄັ້ງທີ 3 ແມ່ນຈະໄດ້ຈັດຂຶ້ນໃນວັນທີ
15 ມັງກອນ 2014 ທີ່ສູນການຄ້າລາວໄອເຕັກ ຊຶ່ງຈະມີສິນຄ້າຂອງລາວເຂົ້າຮ່ວມວາງສະແດງຫຼາຍກ່ວາ
10 ຂະແໜງການ ແລະ 300 ຫ້ອງວາງສະແດງ, ພ້ອມດຽວກັນກໍຍັງມີຜະລິດຕະ ພັນຈາກຕ່າງປະເທດຈຳນວນໜຶ່ງທີ່ສົນໃຈເຂົ້າຮ່ວມໃນງານດັ່ງກ່າວນີ້.
ທ່ານ ດາວວອນ ພະຈັນທະວົງ ກ່າວວ່າ:
ງານວາງສະແດງຜະລິດຕະພັນລາວ ຈັດຂື້ນເພື່ອເປັນການເຕົ້າໂຮມ ແລະ ລວມເອົາບັນດາຜູ້ຜະລິດສິນຄ້າ
ພາຍໃນປະເທດເອົາສິນຄ້າທີ່ໄດ້ ຮັບຄວາມນິຍົມຂອງສັງຄົມມາວາງສະແດງ ແນໃສ່ປຸກລະ ດົມການລົງທຶນຈາກພາຍໃນ
ແລະ ຕ່າງປະເທດ ທັງປະກອບສ່ວນສ້າງວຽກເຮັດງານທຳ, ແນວໃດກໍດີ ການຈັດງານດັ່ງກ່າວມີຄວາມແຕກຕ່າງຈາກທຸກຄັ້ງ
ທີ່ຜ່ານມາ ເນື່ອງຈາກວ່າຢູ່ໃນ ທ່າມກາງບັນຍາກາດການສະເຫຼີມສະຫຼອງວັນຊາດທີ 2 ທັນວາ
ຄົບຮອບ 38 ປີ ແລະ ສະເຫຼີມສະ ຫຼອງວັນສ້າງຕັ້ງກອງທັບປະຊາ ຊົນລາວ ຄົບຮອບ 65 ປີ, ຂະນະດຽວການວາງສະແດງກໍຍັງມີ
ສິນຄ້າກະສິກຳ ແລະ ອຸດສາຫະ ກຳ ທີ່ທັນສະໄໝຂອງລາວຫຼາຍ ປະເພດເຊັ່ນ: ເຄື່ອງນຸ່ງຫົ່ມ,ເຟີນີເຈີ
ແລະ ອື່ນໆ ທີ່ພວມໄດ້ຮັບຄວາມສົນໃຈຈາກສັງຄົມ ກໍຄື ຕະ ຫຼາດພາຍໃນ ແລະ ຕ່າງປະເທດ
ເພື່ອໃຫ້ຄົນລາວໄດ້ຮັບຮູ້ຜະລິດຕະພັນຂອງລາວ ພ້ອມທັງກຽມ ຄວາມພ້ອມເຂົ້າສູ່ການເຊື່ອມໂຍງປະຊາຄົມເສດຖະກິດອາ
ຊຽນ ໃນປີ 2015 ນຳອີກ.
No comments:
Post a Comment