ປີ 2013 ຖືເປັນປີແຫ່ງການຈັດຕັ້ງປະຕິບັດແຜນພັດ
ທະນາເສດຖະກິດ-ສັງຄົມ 5 ປີ ຄັ້ງທີ VII (2011-2015) ເຄິ່ງ ສະໄໝຂອງລາວ. ໃນຂະນະດຽວກັນ
ກໍເປັນປີທີ່ມີບັນດາຜູ້ນຳຫລາຍປະເທດໄດ້ມາຢ້ຽມຢາມ ສປປ ລາວ ຄືແຕ່ລະຫວ່າງວັນທີ
25 ກຸມພາ ຫາ 1 ມີນາ 2013 ສະຫາຍ ເຮໂຣນີໂມ ເດ ຊູຊາ (Jeronimo de Sousa) ເລຂາທິການໃຫຍ່ພັກກອມມູນິດປອກຕຸຍການ
ໄດ້ເດີນທາງຢ້ຽມ ຢາມລາວ ເພື່ອເປັນການຮັດແໜ້ນຄວາມສາມັກຄີ ແລະ ເພີ່ມພູນຄູນສ້າງສາຍພົວພັນທີ່ມີມູນເຊື້ອຍາວນານລະຫວ່າງພັກປະ
ຊາຊົນປະຕິວັດລາວ ແລະ ພັກກອມມູນິດປອກຕຸຍການ.
ໃນວັນທີ 4 ເມສາ 2013 ຄະນະສະພາບໍລິຫານໃຫຍ່ຂອງທະນາ
ຄານໂລກ ໂດຍມີທ່ານ ໂອມາ ບູ ກາຣາ ເປັນຫົວໜ້າຄະນະ ໄດ້ມາຢ້ຽມຢາມລາວ ເພື່ອຮຽນຮູ້ກ່ຽວກັບການດຳເນີນງານຂອງກຸ່ມທະນາຄານໂລກໃນລາວ,
ພ້ອມທັງສືບຕໍ່ຊ່ວຍເຫລືອທາງດ້ານການພັດທະນາໃນ ສປປ ລາວ ແລະ ຮັດແໜ້ນສາຍພົວພັນລະ
ຫວ່າງທະນາຄານໂລກ ແລະ ສປປ ລາວ ຕື່ມອີກ.
ໃນວັນທີ 29 ເມສາ 2013 ທ່ານ ຊິກອາມັດ
ອາລ໌ ຟາຮັດ ອາລຊາບາ ອະດີດຮອງນາຍົກ ລັດຖະມົນຕີແຫ່ງປະເທດກູເວດ ໄດ້ເດີນທາງມາຢ້ຽມຢາມລາວ
ເພື່ອເປັນການປະກອບສ່ວນເຂົ້າໃນການເສີມຂະຫຍາຍສາຍພົວ ພັນ ແລະ ຮ່ວມມືລະ ຫວ່າງສອງປະເທດ
ລາວ-ກູເວດ ໃຫ້ນັບມື້ຂະ ຫຍາຍຕົວ ແລະ ມີໝາກຜົນຍິ່ງໆຂຶ້ນ. ພ້ອມນີ້ ທ່ານອະດີດຮອງນາຍົກລັດຖະ
ມົນຕີແຫ່ງປະເທດກູເວດ ຍັງຢືນຢັນທີ່ຈະສືບຕໍ່ໃຫ້ ການຮ່ວມມື ແລະ ຊ່ວຍເຫລືອ
ສປປ ລາວ ໃຫ້ບັນລຸຕາມເປົ້າໝາຍທີ່ວາງໄວ້.
ໃນວັນທີ 23 ມິຖຸນາ 2013, ສະຫາຍ ມີເກັນ
ດີອາສ-ກາເນັນ ແບກມູເດັສ ກຳມະການກົມການເມືອງສູນກາງພັກກອມມູນິດກູບາ, ຮອງປະທານສະພາແຫ່ງລັດ
ແລະ ສະພາລັດຖະມົນຕີຜູ້ທີໜຶ່ງ ແຫ່ງສາທາລະນະລັດກູບາ ໄດ້ເດີນທາງຢ້ຽມຢາມລາວເຊິ່ງເປັນ
ເຫດການສຳຄັນອັນໜຶ່ງແຫ່ງການພົວພັນຮ່ວມມືລະຫວ່າງ ສປປ ລາວ ແລະ ສ.ກູບາ ເຊິ່ງເປັນການປະກອບສ່ວນສຳຄັນໃນການຮັດແໜ້ນສາຍພົວພັນມິດຕະ
ພາບ, ຄວາມສາມັກຄີຖານອ້າຍນ້ອງແລະການຮ່ວມມືຮອບດ້ານ ລະຫວ່າງສອງປະເທດ ກໍຄືປະ
ຊາຊົນສອງຊາດ ລາວ-ກູບາ ທີ່ມີມາແຕ່ດົນນານນັ້ນໃຫ້ນັບມື້ໄດ້ຮັບການເພີ່ມພູນຄູນສ້າງ
ແລະ ພັດທະນາໄປສູ່ບາດກ້າວໃໝ່ ເພື່ອຜົນປະໂຫຍດລວມຂອງສອງປະເທດ.
ໃນວັນທີ 2-3 ສິງຫາ 2013 ທ່ານ ຫວ່າງອີ້
(Wang Yi) ລັດຖະ ມົນຕີວ່າການກະຊວງການຕ່າງ ປະເທດແຫ່ງ ສປ ຈີນ ໄດ້ເດີນ ທາງມາຢ້ຽມຢາມລາວ
ເຊິ່ງເປັນການປະກອບສ່ວນສຳຄັນເຂົ້າໃນການເພີ່ມທະວີຮັດແໜ້ນສາຍພົວ ພັນຮ່ວມມືລະຫວ່າງສອງຝ່າຍ
ລາວ-ຈີນ ບົນຈິດໃຈເປັນຄູ່ຮ່ວມມືຍຸດທະສາດຮອບດ້ານ,ການຮ່ວມ ມືດ້ານເສດຖະກິດ,ການຄ້າ,
ການ ລົງທຶນ, ການຮ່ວມມືໃນຂົງເຂດການສຶກສາ, ສາທາລະນະສຸກ, ວັດທະນະທຳ-ສັງຄົມ ແລະ
ຂະແໜງການອື່ນໆ.
ໃນວັນທີ 12 ສິງຫາ 2013 ພະ ນະທ່ານ ພົນໂທ
ເຊີ ເຈີຣີ ມາເຕ ປາເຣ ຜູ້ສຳເລັດລາຊະການແຫ່ງປະເທດນິວຊີແລນ ພ້ອມພັນລະຍາ
ແລະ ຄະນະ ໄດ້ເດີນທາງມາ ຢ້ຽມຢາມລາວ ເຊິ່ງຖືເປັນຂີດໝາຍອັນສຳຄັນທາງປະຫວັດ
ສາດຂອງການພົວພັນລະຫວ່າງສອງປະເທດ ລາວ-ນິວຊີແລນ ໂດຍສອງຝ່າຍໄດ້ສະແດງຄວາມເພິ່ງພໍໃຈຕໍ່ສາຍພົວພັນມິດຕະພາບ
ແລະການຮ່ວມມືຂອງສອງ ປະເທດມາເກືອບ 50 ປີ, ພ້ອມທັງມີຄວາມຍິນດີຈະສືບຕໍ່ຮັດແໜ້ນ
ແລະ ເສີມຂະຫຍາຍສາຍພົວພັນທີ່ເປັນມູນເຊື້ອອັນດີງາມແລ້ວນັ້ນໃຫ້ຈະເລີນງອກງາມຍິ່ງໆຂຶ້ນບົນຫລັກການຕ່າງຝ່າຍຕ່າງມີຜົນປະໂຫຍດ.
ນອກນັ້ນ ຍັງເຫັນດີໃນການຮ່ວມມືທາງດ້ານເສດຖະກິດ, ການພັດທະນາຊັບພະຍາກອນມະນຸດ,
ການສຶກສາ, ສາທາລະນະສຸກ, ກະສິກຳ, ການແລກປ່ຽນຂໍ້ມູນຂ່າວສານໃນຂອບສອງຝ່າຍກໍຄືຫລາຍຝ່າຍ.
ໃນວັນທີ 10 ກັນຍາ 2013 ທ່ານ ໄກຣາລາຊະນານາກຸສ
ມາວ ນາຍົກລັດຖະມົນຕີ ຕີມໍເລສເຕ ໄດ້ມາຢ້ຽມຢາມລາວ ເຊິ່ງຖືເປັນຂີດໝາຍໃໝ່ທີ່ສຳຄັນໃນປະ
ຫວັດສາດແຫ່ງການພົວພັນລະ ຫວ່າງ ສປປ ລາວ ແລະ ຕີມໍເລສເຕ, ສອງຝ່າຍໄດ້ຮ່ວມລົງນາມໃນສັນຍາວ່າດ້ວຍການຮ່ວມມືດ້ານເສດຖະກິດ,
ການຄ້າ ແລະເຕັກໂນໂລຊີ ລະຫວ່າງ ສປປ ລາວ ແລະ ສປ ຕີມໍເລສເຕ ເຊິ່ງເປັນສັນຍານພື້ນຖານ
ເພື່ອສ້າງເງື່ອນໄຂສະດວກໃຫ້ແກ່ສອງຝ່າຍໃນການຮ່ວມມືຕໍ່ໜ້າ.
ໃນວັນທີ 6-8 ຕຸລາ 2013 ສະ ຫາຍ ດາມດິນ ຊອກບາຕາ
(Damdin TSOGTBAATAR) ເລຂາທິການພັກປະຊາ ຊົນມົງໂກລີ ພ້ອມຄະນະໄດ້ຢ້ຽມຢາມລາວ.
ການຢ້ຽມຢາມຄັ້ງນີ້ແມ່ນເປັນການປະກອບສ່ວນອັນສຳຄັນເຂົ້າໃນການເພີ່ມທະ ວີສາຍພົວພັນມິດ
ຕະພາບທີ່ມີມູນເຊື້ອ ແລະ ການຮ່ວມມືອັນດີງາມລະຫວ່າງສອງພັກ, ສອງລັດ ແລະ
ປະຊາຊົນສອງຊາດ ລາວ-ມົງໂກລີ ໃຫ້ນັບມື້ໄດ້ຮັບການພັດທະນາດີຂຶ້ນເລື້ອຍໆ
ແລະ ໃນວັນທີ 17 ພະຈິກ 2013, ທ່ານ ຊິນໂຊ ອາເບະ ນາ ຍົກລັດຖະມົນຕີຍີ່ ປຸ່ນ ພ້ອມຄະ
ນະ ໄດ້ມາຢ້ຽມຢາມລາວ ແລະ ໄດ້ມີການພົບປະສອງຝ່າຍລະ ຫວ່າງນາຍົກລັດຖະມົນຕີ
ສປປ ລາວ ແລະ ນາຍົກລັດຖະມົນຕີ ຍີ່ປຸ່ນ ເຊິ່ງສອງຝ່າຍໄດ້ສະຫລຸບຕີລາຄາການຮ່ວມມືໃນຂອບສອງຝ່າຍ
ແລະ ຫລາຍຝ່າຍໃນໄລຍະຜ່ານມາ, ພ້ອມທັງປຶກສາຫາລືທິດທາງແຜນການຮ່ວມມືໃນຕໍ່
ໜ້າ. ພ້ອມນັ້ນ ນາຍົກລັດຖະມົນ ຕີທັງສອງປະເທດຍັງໄດ້ເປັນສັກ ຂີພະຍານໃນການລົງນາມບົດບັນທຶກການຮ່ວມມືວ່າດ້ວຍການຮ່ວມມືໃນຂົງເຂດການຮັກສາສຸຂະພາບ,
ຝ່າຍລາວປະກາດຍົກເວັ້ນວີຊາລັດຖະການໃຫ້ແກ່ຍີ່ປຸ່ນ ເພື່ອເຮັດໃຫ້ການໄປມາຫາສູ່ເຊິ່ງກັນ
ແລະ ກັນສະດວກຍິ່ງຂຶ້ນ.
No comments:
Post a Comment