ກອງປະຊຸມທົ່ວປະເທດ ເພື່ອປຸກລະດົມຂະບວນການແຂ່ງຂັນຮັກຊາດ
ແລະ ສ້າງບ້ານພັດທະນາ, ຊຸກຍູ້ວຽກງານ 3 ສ້າງໄດ້ປິດລົງດ້ວຍຜົນສຳເລັດອັນຈົບ ງາມ ໃນຕອນບ່າຍ
ຂອງວັນທີ 25 ທັນວາ 2013 ທີ່ຫໍ ປະຊຸມແຫ່ງຊາດ, ນະຄອນ ຫລວງວຽງຈັນ ພາຍຫລັງທີ່ໄດ້ດຳເນີນມາເປັນເວລາສອງວັນ
ໂດຍເປັນກຽດເຂົ້າຮ່ວມຂອງທ່ານ ຈູມມາລີ ໄຊຍະສອນ ເລຂາທິການໃຫຍ່ ຄະນະບໍລິຫານງານສູນກາງພັກ,
ປະທານປະເທດ ແຫ່ງ ສປປ ລາວ, ທ່ານ ບຸນຍັງ ວໍລະຈິດ ກຳມະການກົມການເມືອງສູນກາງພັກ,
ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ ທັງ ເປັນຫົວໜ້າຄະນະຊີ້ນຳວຽກງານ
3 ສ້າງຂັ້ນສູນກາງ, ມີບັນດາການນຳພັກ-ລັດ, ແຂກຖືກເຊີນຈາກສູນກາງ ແລະ ທ້ອງຖິ່ນເຂົ້າຮ່ວມຈຳນວນຫລາຍ.
ໃນໂອກາດນີ້, ຜູ້ແທນກອງປະຊຸມໄດ້ໃຫ້ກຽດຮັບຟັງການໂອ້ລົມຂອງສະຫາຍເລຂາທິການໃຫຍ່
ຄະນະບໍລິຫານງານ ສູນກາງພັກ ຈູມມາລີ ໄຊຍະສອນ ເຊິ່ງບາງຕອນສະຫາຍໄດ້ຮຽກຮ້ອງໃຫ້ທຸກພາກສ່ວນ,
ທຸກຂະແໜງການຕ້ອງອອກແຮງ ຕື່ມອີກ ໃນການຊຸກຍູ້ການພັດທະນາໃຫ້ດຳເນີນໄປຖືກທິດ, ທັງມີຄວາມຕໍ່ເນື່ອງໜັກແໜ້ນ
ແລະ ມີຜົນສຳເລັດໃຫຍ່ຫລວງ
ກວ່າເກົ່າ. ພ້ອມທັງໄດ້ສະເໜີໃຫ້ບັນດາກະຊວງ-ອົງການອ້ອມຂ້າງສູນກາງ,
ນະຄອນຫລວງ ແລະ ແຂວງ ລວມທັງເມືອງ ແລະ ບ້ານໃຫ້ກຳແໜ້ນ ແລະ ສຸມໃສ່ປະຕິບັດ 4 ວຽກງານ ສຳຄັນຄື:
ສຸມໃສ່ປັບປຸງລະບົບການເມືອງຢູ່ຮາກຖານບ້ານໃຫ້ ເຂັ້ມແຂງ ໂດຍຖືເອົາການປັບປຸງໜ່ວຍພັກ ແລະ
ອົງການປົກຄອງບ້ານໃຫ້ມີຄວາມເຂັ້ມແຂງ, ມີຄວາມສາມາດນຳພາປະຊາ ຊົນສ້າງບ້ານຂອງຕົນໃຫ້ເປັນບ້ານພັດທະນາ;
ສຸມໃສ່ນຳພາປະຊາຊົນຈັດຕັ້ງປະຕິບັດໂຄງການພັດທະນາຢູ່ບ້ານເພື່ອຂະຫຍາຍ ການຜະລິດເປັນສິນຄ້າ,
ສ້າງລາຍຮັບເຂົ້າຄອບຄົວໝາຍຄວາມວ່າ: ສຸມໃສ່ຊ່ວຍປະຊາຊົນເຮັດແຜນການແລ້ວກໍຊ່ວຍປະຊາ ຊົນໃນການຫາແຫລ່ງທຶນຮັບໃຊ້ການຜະລິດໂດຍການຈັດຕັ້ງເປັນກຸ່ມ,
ມີການເຝິກອົບຮົມຄວາມຮູ້ວິຊາການ, ມີການລົງຕິດ ຕາມຊ່ວຍເຫລືອແນະນຳເປັນປະຈຳເພື່ອໃຫ້ການປູກ,
ການລ້ຽງມີຄຸນນະພາບ ແລະ ມີສະມັດຖະພາບ; ມີການຕິດຕາມຊອກ ຮູ້ສະພາບການຊື້-ຂາຍຜົນຜະລິດ ແລະ
ຊ່ວຍເຂົາເຈົ້າໃຫ້ມີຜົນປະໂຫຍດອັນສົມຄວນ; ໃຫ້ສຸມໃສ່ນຳພາປະຊາຊົນແກ້ໄຂບັນ ຫາທ້າທາຍຈຳນວນໜຶ່ງເພື່ອບັນລຸເປົ້າໝາຍສະຫັດສະວັດດ້ານການພັດທະນາ
ໃນປີ 2015 ຊຶ່ງບັນຫາທ້າທາຍເຫລົ່ານັ້ນລວມ ມີການໄດ້ຮັບການສຶກສາບໍ່ທົ່ວເຖິງ ແລະ ມີລະດັບການສຶກສາຕ່ຳ,
ປະຊາຊົນມີອາຍຸບໍ່ຍືນ, ບັນຫາເດັກນ້ອຍເກີດໃໝ່ ແລະ ເດັກນ້ອຍອາຍຸແຕ່ 1-5 ປີ ຍັງເສຍຊີວິດຫລາຍ,
ບັນຫາການກິນທີ່ບໍ່ມີທາດບຳລຸງພຽງພໍ ແລະ ບັນຫາອື່ນໆອີກ ຈຳນວນໜຶ່ງ. ພ້ອມນີ້ໃນການສ້າງບ້ານພັດທະນາຕ້ອງສຸມໃສ່ສ້າງພະນັກງານກັບທີ່
ຫລື ພະນັກງານບ້ານໃຫ້ໄດ້ທັງຈຳນວນ ແລະ ຄຸນນະພາບ ເພາະວ່າພະນັກງານມີບົດບາດສຳຄັນໃນການຕັດສິນບັນຫາຕ່າງໆດັ່ງນັ້ນ
ຕ້ອງສ້າງພະນັກງານກັບທີ່ໃຫ້ໄດ້ ແລະ ຕ້ອງອົບຮົມ ເຂົາເຈົ້າໃຫ້ມີຄວາມສາມາດນຳພາ, ມີຄວາມສາມາດບໍລິຫານວຽກງານຕ່າງໆພາຍໃນບ້ານໄດ້ຢ່າງເປັນເຈົ້າການ.
ພ້ອມນີ້, ສະຫາຍເລຂາທິການ ໃຫຍ່ຄະນະບໍລິຫານງານສູນກາງພັກ
ຍັງໄດ້ຮຽກຮ້ອງໃຫ້ແຕ່ລະພາກສ່ວນ ໂດຍສະເພາະ ແມ່ນການນຳແຕ່ລະຂັ້ນໃຫ້ພ້ອມກັນສືບຕໍ່ສ້າງບາດກ້າວບຸກທະລຸ
ທັງ 4 ດ້ານ ໃຫ້ແຂງແຮງກວ່າເກົ່າ ໂດຍສະເພາະ ດ້ານກົນ ໄກ ແລະ ລະບຽບການບໍລິຫານຄຸ້ມຄອງຂອງລັດ
ທີ່ຍັງກົດໜ່ວງເຮັດໃຫ້ ການຜະລິດທຸລະກິດມີການຊິ້ນເປືອງ ແລະ ມີ ຄວາມຫຍຸ້ງຍາກ, ພາໃຫ້ເສຍເວລາ
ແລະ ພາໃຫ້ເສຍປຽບດ້ານການແຂ່ງຂັນຕ້ອງໄດ້ຮັບການແກ້ໄຂໃຫ້ຕົກໄປຄຽງຄູ່ກັບການ ສຸມໃສ່ບຸກທະລຸດ້ານການແກ້ໄຂຄວາມທຸກຍາກຂອງຄອບຄົວໃຫ້ໄດ້ຕາມຄາດໝາຍທີ່ວາງໄວ້ດ້ວຍຮູບການສືບຕໍ່ປັບປຸງຍົກ
ລະດັບ ແລະ ຂະຫຍາຍພື້ນຖານວັດຖຸເຕັກນິກກໍຄືໂຄ່ງລ່າງເສດຖະກິດ-ວັດທະນະທຳ- ສັງຄົມ ໄປສູ່ຊົນນະບົດໃຫ້ໄດ້ຢ່າງ
ກວາງຂວາງ ແລະ ເປັນປົກກະຕິຕໍ່ເນື່ອງ; ໃຫ້ແຕ່ລະພາກສ່ວນກວດກາຄືນບັນດາແຜນງານ- ໂຄງການຂອງຕົນທີ່ພົວພັນເຖິງ
ການພັດທະນາຊົນນະບົດ ກໍຄືວຽກ 3 ສ້າງ, ແລ້ວ ຮີບຮ້ອນປັບປຸງໃຫ້ຖືກທິດໂດຍການມອບສິດ, ມອບຄວາມຮັບຜິດຊອບ
ຈັດຕັ້ງປະຕິບັດ ແລະ ຄຸ້ມຄອງໂຄງການ, ງົບປະມານ ແລະ ພະນັກງານໃຫ້ແກ່ທ້ອງຖິ່ນຮັບຜິດຊອບທັງໝົດຢ່າງຂາດຕົວ;
ສຳ ລັບນະຄອນຫລວງ ແລະ ແຂວງຕ້ອງສ້າງບາດກ້າວບຸກທະລຸລົງສູ່ເມືອງ, ສູ່ບ້ານຢ່າງ ເຖິງຖອງ;
ໃຫ້ທຸກເມືອງ ແລະ ທຸກບ້ານ ທົ່ວປະເທດສືບຕໍ່ສ້າງຮາກຖານການເມືອງຕິດພັນກັບການພັດທະນາຊົນນະບົດຢ່າງຕັ້ງໜ້າ
ໂດຍສະເພາະ ເມືອງ ແລະ ບ້ານ ເປົ້າໝາຍ 3 ສ້າງ ນັ້ນ ໃຫ້ ປະຕິບັດບັນດາແຜນງານ ແລະ ໂຄງການທີ່ກຳນົດໄວ້ໃນແຜນພັດ
ທະນາ ແລະ ແຜນງົບປະມານ 2013-2014 ໃຫ້ສຳເລັດ; ໃຫ້ຕັ້ງ ໜ້າສົ່ງເສີມປັດໄຈໃໝ່, ໜໍ່ແໜງໃໝ່
ແລະ ບົດຮຽນທີ່ດີດ້ານການຜະລິດເປັນສິນຄ້າເພີ່ມ ຈຳນວນຄອບຄົວຕົວແບບໃຫ້ຫລາຍຂຶ້ນກວ່າເກົ່າຄຽງຄູ່ກັບການສົ່ງເສີມວິສາຫະກິດ,
ນັກທຸລະກິດ ແລະ ຜູ້ປະກອບການ ດ້ານການຜະລິດໃຫ້ມີສ່ວນຮ່ວມໃນການພັດທະນາຊົນນະບົດ-ແກ້ໄຂຄວາມທຸກ
ຍາກໃຫ້ນັບມື້ຫລາຍຂຶ້ນເພາະນັ້ນແມ່ນກຳ ລັງແຮງອັນສຳຄັນທີ່ຂາດບໍ່ໄດ້ໃນການພັທະນາຊົນນະບົດ
ແລະ ແກ້ໄຂຄວາມທຸກຍາກກໍຄືການພັດທະນາປະເທດຊາດ; ພ້ອມ ນີ້ຕ້ອງຊຸກຍູ້ ແລະ ສົ່ງ ເສີມວິຊາການເຂົ້າຮ່ວມໃນຂະບວນການແຂ່ງຂັນຮັກຊາດ
ແລະ ສ້າງບ້ານພັດທະນາຢ່າງມີຈຸດສຸມ, ມີປະສິດທິຜົນ ແລະ ສຸດທ້າຍສະຫາຍເລຂາທິການໃຫຍ່ ຄະນະບໍລິຫານງານສູນກາງພັກໄດ້
ເນັ້ນ ຕື່ມວ່າ: ການສ້າງປະເທດ ຊາດໃຫ້ຮັ່ງມີເຂັ້ມແຂງ ແລະ ເຮັດ ໃຫ້ປະຊາຊົນຮັ່ງມີຜາສຸກນັ້ນ
ແມ່ນຮຽກຮ້ອງໃຫ້ມີການປະ ກອບສ່ວນດ້ວຍທຶນຮອນ, ດ້ວຍເຫື່ອແຮງ, ດ້ວຍສະຕິປັນຍາຂອງໝົດທຸກຄົນແຕ່ພ້ອມກັນນັ້ນ
ກໍໃຫ້ເຂົ້າໃຈວ່າຄວາມມັ່ງຄັ່ງເຂັ້ມແຂງຂອງປະເທດຊາດ ຈະຊ່ວຍສ້າງຄວາມມັ່ງຄັ່ງໃຫ້ແກ່ທຸລະກິດ
ແລະສ້າງຄວາມຮັ່ງມີຜາສຸກແກ່ຄອບຄົວເຊັ່ນດຽວກັນ.
No comments:
Post a Comment