ກຽມເປີດສາຍການບິນສາກົນວິງ-ວຽງຈັນໃນຕົ້ນປີ 2014

    ໃນວັນທີ 20 ທັນວານີ້, ຢູ່ໂຮງແຮມວຽງຈັນພາຊາ ນະຄອນຫລວງວຽງຈັນ ໄດ້ມີ ກອງປະຊຸມສະເໜີກ່ຽວກັບການກະ ກຽມເປີດສາຍການບິນສາກົນຈາກເມືອງວິງ ແຂວງເຫງະອານ ສສ ຫວຽດນາມ ແລະ ນະຄອນຫລວງວຽງຈັນຂອງລາວ ໂດຍ ມີ ທ່ານນາງ ເລ ກິນ ແອ່ງ ຮອງຜູ້ອຳນວຍການບໍລິສັດສາຍການ ບິນ ສສ ຫວຽດນາມ, ທ່ານ ຫງວຽນ ແມ່ງ ເກືອງ ຮອງຫົວ ໜ້າພະແນກວັດທະນະທຳ, ກິລາ ແລະ ທ່ອງ ທ່ຽວແຂວງເຫງະ ອານ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.

      ທ່ານນາງ ເລ ກິນ ແອ່ງ ໃຫ້ຮູ້ວ່າ: ສາຍການບິນສາກົນວິງ- ວຽງຈັນ ທີ່ຕິດພັນກັບ ການທ່ອງທ່ຽວແມ່ນຈະໄດ້ເລີ່ມບິນໃນ ວັນທີ 12 ມັງກອນ 2014 ເປັນຕົ້ນໄປ ເຊິ່ງຈະບິນ 4 ຖ່ຽວບິນຕໍ່ອາທິດຄືວັນຈັນ, ພຸດ,

ສຸກ ແລະ ວັນອາທິດ ໂດຍໃຊ້ເຄື່ອງ ບິນ ATR 72 ໃນລາຄາ 820 ພັນດົງ (ສະກຸນ ເງິນຫວຽດນາມ)  ເພື່ອພັດທະນາການ ຮ່ວມມືໃນຂົງເຂດການທ່ອງທ່ຽວ ແລະ ຄວາມຮຽກຮ້ອງ ຕ້ອງການໄປມາຫາສູ່ລະຫວ່າງ ພາກກາງຂອງ ສສ ຫວຽດນາມ ກັບປະເທດເພື່ອນບ້ານ ກໍຄື ສປປ ລາວ ແລະ ໄທ ນັບມື້ນັບເພີ່ມຂຶ້ນ, ແຕ່ລະປີມີນັກທ່ອງທ່ຽວຈຳນວນ 160-180 ພັນເທື່ອຄົນຕໍ່ປີທີ່ຜ່ານດ່ານຊາຍແດນຮ່ວມ ດ່ານນ້ຳກັ່ນ-ເຫງະອານ, ເກົ່າແຈ່ວ-ຮ່າຕິງ ແລະ ນາແມວ-ແທັງຮວາ ການ ໄປມາຕົ້ນຕໍແມ່ນນຳໃຊ້ພາຫະນະທາງບົກ (ລົດ) ແມ່ນໃຊ້ເວລາແກ່ ຍາວ ແລະ ພົບກັບຄວາມຫຍຸ້ງຍາກ. ສະນັ້ນ ຈຶ່ງຫັນມາໃຊ້ພາ ຫະນະທີ່ທັນສະໄໝ ແລະ ວ່ອງໄວ ກວ່າ. ຍ້ອນເຫັນໄດ້ຄວາມສຳຄັນ ຄືແນວນັ້ນ ລັດຖະບານຫວຽດນາມ ຈຶ່ງເຫັນດີ ແລະ ອະນຸຍາດ ໃຫ້ເປີດສາຍການບິນສາກົນ ວິງ-ວຽງຈັນ ເຊິ່ງຈະເປັນການ ຊຸກຍູ້ສົ່ງເສີມການຮ່ວມມືໃນຂົງເຂດການທ່ອງທ່ຽວຂອງ ລາວ, ໄທ ແລະ ພາກກາງຂອງຫວຽດ ນາມ ທັງເປັນເງື່ອນໄຂອັນສະດວກເພື່ອເປີດທາງໃຫ້ແກ່ທຸລະກິດການທ່ອງທ່ຽວໃນບັນດາແຂວງພາກກາງຂອງຫວຽດນາມ, ລາວ ແລະ ບັນດາແຂວງທາງພາກຕາເວັນອອກຂອງປະ ເທດໄທໃຫ້ໄດ້ມີການໄປມາຫາສູ່ສະດວກສະບາຍເພື່ອເປັນການ ຕອບສະໜອງການໄປມາໃຫ້ແກ່ປະຊາຊົນ, ນັກທ່ອງທ່ຽວທັງພາຍໃນ ແລະ ຕ່າງປະເທດນັບມືນັບເພີ່ມຂຶ້ນ.