ທະນາຄານຮ່ວມພັດທະນາ ແລະ ບໍລິສັດອາລິອັນປະກັນໄພລາວເຊັນສັນຍາຮ່ວມທຸລະກິດ.

    ໃນວັນທີ 20 ທັນວານີ້, ຢູ່ສຳນັກງານໃຫຍ່ທະນາຄານ ຮ່ວມພັດທະນາ (JDB) ນະຄອນຫລວງວຽງຈັນ ໄດ້ມີພິທີເຊັນ ສັນຍາຮ່ວມທຸລະກິດລະຫວ່າງທະນາຄານ ຮ່ວມພັດທະນາ ແລະ ບໍລິສັດ ອາລິອັນ ປະກັນໄພລາວ ເຊິ່ງການຮ່ວມມືດັ່ງກ່າວ ແມ່ນການພັດທະນາການບໍລິການຂາຍປະກັນໄພຜ່ານທະນາຄານເຕັມຮູບແບບ, ພາຍຫລັງຄູ່ຮ່ວມທຸລະກິດທັງສອງເຫັນໄດ້ໂອກາດ ແລະ ຊ່ອງທາງການຂະຫຍາຍຕົວ ຂອງທຸລະກິດຕະຫລາດປະກັນໄພຢູ່ລາວ ນັບມື້ເພີ່ມຂຶ້ນຕາມສະພາບເສດຖະກິດຂອງ ປະເທດໂດຍທະນາຄານຮ່ວມພັດທະນາຈະເປັນຜູ້ນຳສະເໜີຂາຍປະກັນໄພຂອງບໍລິ ສັດອາລິອັນປະກັນໄພລາວໃຫ້ແກ່ລູກຄ້າ ຂອງທະນາຄານຕາມສຳນັກງານໃຫຍ່, ສາຂາ ແລະ ປ່ອງບໍລິການຕ່າງໆໃນທົ່ວປະເທດ ເປັນຕົ້ນປະກັນໄພບ່ອນຢູ່ອາໄສ, ປະກັນໄພທຸລະກິດຂະໜາດນ້ອຍທີ່ໃຫ້ການຄຸ້ມ

ຄອງຄວາມເສຍຫາຍທີ່ອາດຈະເກີດຈາກອັກຄີໄພ, ປະກັນໄພສຸຂະພາບ, ປະກັນອຸ ປະຕິເຫດແຮງງານ, ປະກັນອຸປະຕິເຫດ ທາງດ້ານຮ່າງກາຍ, ປະກັນໄພການເດີນທາງ ແລະ ປະກັນໄພອື່ນໆສຳລັບບັນດາໂຮງ ຈັກ, ໂຮງງານ, ຫົວໜ່ວຍທຸລະກິດ ແລະ ໂຄງການກໍ່ສ້າງຕ່າງໆເພື່ອນຳສະເໜີແກ່ລູກຄ້າສິນເຊື່ອທີ່ມີເຮືອນ ຫລື ອາຄານເປັນ ຫລັກຊັບຄ້ຳປະກັນ ແລະ ປະກັນໄພລົດສຳ ລັບລູກຄ້າສິນເຊື່ອເພື່ອຊື້ລົດເປັນຕົ້ນ.