ຫ້ອງວ່າການສູນກາງພັກ ຈັດກອງປະຊຸມເຊື່ອມຊຶມມະຕິ
ກອງປະຊຸມສູນກາງພັກ ຄັ້ງທີ 7 ສະໄໝທີ 9 ແລະ ສະ ຫລຸບຜົນງານປະຈຳປີ 2013 ໃນວັນທີ 30 ທັນວານີ້, ທີ່ຫ້ອງວ່າການສູນກາງ
ພັກ(ຫລັກ6) ພາຍໃຕ້ການເປັນ ປະທານຂອງ ສະຫາຍ ດຣ. ບຸນປອນ ບຸດຕະນະວົງ ກຳມະການກົມການເມືອງສູນກາງພັກ,
ຄະນະເລຂາທິການສູນ ກາງພັກ, ເລຂາຄະ ນະພັກ, ຫົວໜ້າຫ້ອງວ່າການສູນກາງພັກ. ເພື່ອໃຫ້ສະມາຊິກພັກ- ພະນັກງານເຂົ້າໃຈເຖິງຜົນສຳເລັດ
ແລະ ສິ່ງທ້າທາຍ ໃນ ການຈັດຕັ້ງປະຕິບັດແນວທາງ ຂອງພັກ-ລັດຖະບານ ກໍຄືແຜນພັດທະນາເສດຖະກິດ-ສັງຄົມ
5 ປີ ຄັ້ງທີ VII, ພ້ອມ ກັນນີ້, ກໍເພື່ອເປັນການກວດກາຕີລາຄາຄືນການຈັດຕັ້ງປະຕິບັດວຽກງານຂອງ
ຫ້ອງ ວ່າການສູນກາງພັກໃນການ ເປັນເສນາທິການ, ການປະສານງານ ແລະ ການບໍລິການ ຮັບໃຊ້ການນຳ ໃນຮອບ
1 ປີຜ່ານມາ ແລະ ວາງທິດທາງແຜນການ ປີ 2014, ທັງເປັນ ການສະຫລຸບການເປີດບັ້ນດຳເນີນຊີວິດການເມືອງປະຈຳປີ,
ສຳຫລວດກວດກາ, ຕີລາຄາ ແລະ ແບ່ງປະເພດສະມາຊິກພັກ-ພະ ນັກງານ, ຄັດເລືອກຕົວເດັ່ນ ແລະ ຍ້ອງຍໍ.
ໃນໂອກາດນີ້, ສະຫາຍ ດຣ. ບຸນປອນ ບຸດຕະນະວົງ
ໄດ້ໂອ້ລົມຕໍ່ກອງປະຊຸມ ໂດຍເນັ້ນໃຫ້ພະນັກງານຫ້ອງວ່າການ ສູນກາງພັກສືບຕໍ່ເສີມຂະຫຍາຍມູນເຊື້ອຄວາມສາມັກຄີ,
ຄວາມຊື່ສັດບໍລິສຸດ, ຄວາມຈົງຮັກພັກດີຊ່ວຍເຫລືອເກື້ອກຸນເຊິ່ງ ກັນ ແລະ ກັນ, ປົກປັກຮັກສາຜົນສຳເລັດໃນໄລຍະຜ່ານມາ,
ສືບຕໍ່ຜັນຂະຫຍາຍມະຕິກອງປະຊຸມວຽກງານຫ້ອງວ່າການທົ່ວ ປະເທດຄັ້ງທີ 6, ປະຕິບັດແຜນການສ້າງໜ່ວຍພັກແຂງຮູ້ນຳພາຮອບດ້ານ,
ປະຕິບັດເນື້ອໃນຂໍ້ແຂ່ງຂັນຮັກຊາດ ແລະ ພັດ ທະນາໃຫ້ປະກົດຜົນເປັນຈິງ ແລະ ສືບຕໍ່ປັບປຸງກົງຈັກການຈັດຕັ້ງຫົ່ວຫ້ອງວ່າການສູນກາງພັກເພື່ອປະຕິບັດໜ້າທີ່ການເມືອງ
ຂອງແຕ່ລະກົມໃຫ້ມີຄວາມໜັກແໜ້ນເຂັ້ມແຂງ ແລະ ທັນສະໄໝເທື່ອລະກ້າວ.
ໄປພ້ອມໆກັນນີ້ ກໍຕ້ອງຍົກສູງປະສິດທິພາບຂອງວຽກງານໃນການເປັນເສນາທິການ,
ການປະສານງານ ແລະ ບໍລິການ ຮັບໃຊ້ການນຳໃຫ້ມີການຫັນປ່ຽນໃໝ່ດ້ວຍຈິດໃຈບຸກທະລຸທັງ 4 ດ້ານ,
ຍູ້ວຽກງານຂະບວນການຕ່າງໆໃຫ້ມີການເຄື່ອນໄຫວ ຢ່າງແຂງແຮງດ້ວຍບັນຍາກາດຟົດຟື້ນກວ່າເກົ່າ,
ມີເນື້ອໃນອຸດົມສົມບູນບົນຈິດໃຈຂໍ້ແຂ່ງຂັນຂອງແຕ່ລະກົມທີ່ໄດ້ກຳນົດອອກ ໃຫ້ປະສົບຜົນເປັນຈິງ
ແລະ ເອົາໃຈໃສ່ຕໍ່ອົງການຈັດຕັ້ງມະຫາຊົນໃນການເຂົ້າຮ່ວມວຽກງານຕິດຕາມກວດກາໃຫ້ເປັນປົກກະ
ຕິຕໍ່ເນື່ອງເຮັດໃຫ້ຄາດໝາຍສູ້ຊົນແຕ່ລະດ້ານໃນ ປີ 2014 ບັນລຸຜົນສຳເລັດຢ່າງຈົບງາມ.
No comments:
Post a Comment