ກົມສົ່ງເສີມການລົງທຶນ ກະຊວງແຜນການ
ແລະ ການລົງທຶນ ໃຫ້ຮູ້ວ່າ: ໃນສົກປີ 2012- 2013 ສາມາດດຶງດູດການລົງທຶນທັງພາກເອກະຊົນ
ແລະ ຕ່າງປະເທດໄດ້ 52 ໂຄງການ, ມີມູນຄ່າການລົງທຶນ 3.048 ລ້ານ ໂດລາສະຫະລັດ
ເພີ່ມຂຶ້ນ 5,1% ເມື່ອທຽບໃສ່ສົກປີຜ່ານມາ ແລະ ຂະແໜງທີ່ມີການລົງທຶນຫລາຍກວ່າໝູ່ແມ່ນພະລັງງານໄຟຟ້າ
ມີມູນຄ່າ 1.656 ລ້ານໂດລາສະຫະລັດ, ໃນນັ້ນ ໂຄງການທີ່ພົ້ນເດັ່ນແມ່ນໂຄງການເຂື່ອນນ້ຳງຽບ
1 ມີມູນຄ່າ 868 ລ້ານໂດລາສະຫະ ລັດ, ຮອງລົງມາແມ່ນຂະແໜງບໍ່ແຮ່ມີ 37 ໂຄງການ
ມີມູນຄ່າ 1.099 ລ້ານໂດລາສະຫະລັດ ແລະ ຖັດມາແມ່ນຂະແໜງບໍລິການເຊັ່ນ: ໂຮງແຮມ,
ຮ້ານອາຫານ ມີມູນຄ່າ 190 ລ້ານໂດລາສະຫະລັດ ແລະ ຂະແໜງອື່ນໆມີ 12 ປະເທດເຂົ້າມາລົງ
ທຶນ, ໃນນັ້ນ ສປ ຈີນ ເປັນອັນດັບໜຶ່ງ ມູນຄ່າ 1.337 ລ້ານໂດລາສະຫະລັດ, ຈາກນັກ
ທຸລະກິດພາຍໃນ ມີມູນຄ່າ 530 ລ້ານໂດລາສະຫະລັດ, ໄທ 416 ລ້ານໂດລາສະຫະລັດ ແລະ
ປະເທດອື່ນໆ.
ກົມສົ່ງເສີມການລົງທຶນ ໃຫ້ຮູ້ວ່າ: ດ້ານດີທີ່ເຮັດໃຫ້ການລົງທຶນມີບັນຍາກາດຟົດຟື້ນນີ້
ແມ່ນພາຍ ຫລັງກົດໝາຍສົ່ງເສີມການລົງ ທຶນສະບັບປັບປຸງໃໝ່ ເຊິ່ງໄດ້ກຳ ນົດຊັດເຈນກ່ຽວກັບການແບ່ງໜ້າວຽກໃນການພິຈາລະນາອະ
ນຸມັດການລົງທຶນລະຫວ່າງຂະແໜງແຜນການ ແລະ ການລົງ ທຶນກັບຂະແໜງອຸດສາຫະກຳ ແລະ
ການຄ້າ ເຊິ່ງໄດ້ກຳນົດໃຫ້ຂະແໜງແຜນການ ແລະ ການລົງທຶນເປັນຜູ້ພິຈາລະນາອະນຸມັດໂຄງການລົງທຶນທີ່ຕິດພັນກັບສິດສຳປະທານຂອງລັດຖະບານ,
ສ່ວນໂຄງການລົງທຶນທົ່ວໄປແມ່ນມອບໃຫ້ຂະແໜງອຸດສາຫະກຳ ແລະ ການຄ້າພິຈາລະນາ,
ພ້ອມກັນນີ້ ກົມສົ່ງເສີມການລົງທຶນຍັງໄດ້ສ້າງກົນໄກວິທີການເຮັດວຽກໃຫ້ມີຄວາມສະດວກ
ແລະ ຄ່ອງຕົວຂຶ້ນກວ່າເກົ່າ ທີ່ເອີ້ນວ່າ: “ໜ່ວຍງານບໍລິການການລົງທຶນປະຕູດຽວ”
ເຊິ່ງປະກອບມີບັນດາຂະແໜງການທີ່ກ່ຽວຂ້ອງມາປະຈຳ ການຢູ່ໃນຈຸດດຽວ ເພື່ອຮັບໃຊ້ບໍລິການໃຫ້ແກ່ນັກລົງທຶນໃຫ້ມີຄວາມສະດວກ,
ວ່ອງໄວ ແລະ ປອດໃສ ທັງປະກັນໄດ້ຜົນປະໂຫຍດສ່ວນລວມຂອງຊາດ.ການ ບໍລິການລົງທຶນປະຕູດຽວຖືວ່າແມ່ນຜົນງານພົ້ນເດັ່ນ
ແລະ ເປັນບາດກ້າວສຳຄັນໃນການປັບປຸງກົນໄກການອະນຸຍາດລົງທຶນ ໂດຍສະເພາະການອອກໃບຕາດິນໃບດຽວແທນ
3 ໃບໃນແບບເມື່ອກ່ອນ ດ້ວຍການກຳນົດເລກປະຈຳຕົວວິສາຫະກິດ ແລະ ເລກປະຈຳຕົວຜູ້ເສຍອາ
ກອນໄວ້ໃນໃບດຽວ. ນອກຈາກນີ້ ຍັງໄດ້ສ້າງກົນໄກສົ່ງເສີມການລົງທຶນໃນຮູບແບບຕ່າງໆເຊັ່ນ:
ສ້າງເວັບໄຊ ເພື່ອໃຫ້ນັກລົງ ທຶນສາມາດຮັບຮູ້ ແລະ ເຂົ້າເຖິງຂໍ້ມູນຂ່າວສານໃນການລົງທຶນໄດ້ຢ່າງສະດວກ
ດ້ວຍການໂຄສະນາບັນດານະໂຍບາຍ, ລະ ບຽບກົດໝາຍ, ຂັ້ນຕອນການພິຈາລະນາອະນຸມັດການລົງທຶນໃຫ້ໄດ້ຮັບຊາບຜ່ານລະບົບອິນເຕີເນັດ
ເຊິ່ງນັກລົງທຶນບໍ່ວ່າຢູ່ປະເທດໃດກໍສາມາດເຂົ້າສຶກສາໄດ້ ໂດຍບໍ່ຈຳເປັນເດີນທາງມາ
ລາວ. ພ້ອມກັນນີ້ ກໍໄດ້ສ້າງບັນຊີວຽກການລົງທຶນ (Invest ment Calling List) ເພື່ອໃຫ້ນັກລົງທຶນໄດ້ສະດວກໃນການເລືອກໂຄງ
ການລົງທຶນວ່າປະເພດ ແລະ ຂະແໜງການລົງທຶນໃດທີ່ສົນໃຈຢາກລົງທຶນ.
ສະບາຍດີ. ກ່ອນອື່ນຂໍສະແດງຄວາມຂອບໃຈ ຕໍ່ອົງການຂ່າວ ໜັງສືພິມລາວພັດທະນາ.
ReplyDeleteແຕ່ຂ້າພະເຈົ້າ ບໍ່ເຂົ້າໃຈດີກ່ຽວກັບຫົວຂໍ້ຂ່າວເທີງນີ້ ກໍ່ເລີຍຢາກໜ້ອຍໜຶ່ງ.
ໃນຫົວຂໍ້ນັ້ນ ຂຽນວ່າ: "3ຕື້ລ້ານໂດລາ" ນັ້ນ ບໍ່ແມ່ນຂຽນຜິດບໍ່? ຖ້າຫາກແມ່ນ 3ຕື້ລ້ານແທ້ແລ້ວ ຕົວເລກການລົງທືນຂອງ ປະເທດເຮົານີ້ ຍັງຫຼາຍກວ່າ GDP ຂອງ ສະຫະລັດພຸ້ນໄດ໋!. ຄິດວ່າ ຕົວເລກດັ່ງກ່າວນີ້ ອາດຈະມີການຂຽນຜິດພາດ!
ເພາະໃນບົດຂ່າວ ແມ່ນ 3 ພັນກວ່າລ້ານ.
ໍໍຂອບໃຈທ່ານຫລາຍໆ ແມ່ນແລ້ວເຮົາຂຽນຜິດ ຕ້ອງຂໍອະໄພຫລາຍໆເດີ
ReplyDelete