ພິທີອຸທິດບຸນກຸສົນເຖິງດວງວິນຍານຜູ້ເຄາະຮ້າຍຈາກ
ອຸປະຕິເຫດເຮືອ ບິນ ATR ຖ້ຽວບິນ QV 301 ວຽງຈັນ-ປາກເຊ ຕົກລົງນ້ຳຂອງເຂດເມືອງປາກເຊ
ແຂວງຈຳປາສັກ ໄດ້ມີຂຶ້ນໃນຕອນເຊົ້າວັນທີ 16 ທັນວານີ້, ຢູ່ຫໍທຳມະສະພາວັດພະ
ທາດຫລວງວຽງຈັນ ໂດຍມີການນຳພັກ-ລັດ ແລະ ຍາດພີ່ນ້ອງຂອງຜູ້ເຄາະຮ້າຍ ແລະ
ຊາວພຸດທະສະນິກະຊົນເຂົ້າຮ່ວມ.
ພິທີສູດຄັ້ງນີ້ຈັດໂດຍອົງການພຸດທະສາສະໜາສຳພັນລາວ,
ທະນາຄານຮຸ້ນສ່ວນທຸລະກິດລົງທຶນ ແລະ ພັດທະນາຫວຽດນາມ (BIDV) ແລະ ບໍລິ ສັດຮ່ວມທຸລະກິດປະກັນໄພ
ລາວ-ຫວຽດ (LVI) ເຊິ່ງພາຍ ຫລັງເກີດອຸປະຕິເຫດສູນເສຍຄັ້ງຮ້າຍແຮງດັ່ງກ່າວ ເມື່ອກາງເດືອນຕຸລາ
2013 ຜ່ານມານີ້, ທະ ນາຄານ BIDV ໃນຖານະເປັນທະນາຄານແມ່ໃນການປະ ກອບທຶນຢູ່ບໍລິສັດ
LVI ໄດ້ຊີ້ນຳໃຫ້ບໍລິສັດປະກັນໄພດັ່ງກ່າວຮີບຮ້ອນໃນການພົວພັນປະສານສົມທົບກັບບັນດາບໍລິສັດປະ
ກັນໄພຕໍ່, ບໍລິສັດຕີລາຄາຜົນເສຍຫາຍ, ບໍລິສັດ
ການບິນລາວ ແລະ ພາກສ່ວນກ່ຽວຂ້ອງລວມເຖິງຄອບຄົວຍາດພີ່ນ້ອງຜູ້ເຄາະຮ້າຍເພື່ອປະຕິບັດຂັ້ນຕອນໃນການແກ້ໄຂທົດແທນຄືນຄວາມເສຍຫາຍຈາກການເກີດອຸປະຕິເຫດຄັ້ງນີ້ໃຫ້ສຳເລັດໂດຍໄວ
ເພື່ອເປັນການບັນເທົາທຸກຄວາມໂສກເສົ້າຂອງຄອບຄົວ ແລະ ຍາດພີ່ນ້ອງຂອງຜູ້ເສຍຊີວິດ
ແລະ ມາຮອດປັດຈຸບັນທຸກຂັ້ນ ຕອນໄດ້ມີການປະສານສົມທົບກັນເປັນທີ່ຮຽບຮ້ອຍແລ້ວ.
No comments:
Post a Comment