ກອງປະຊຸມຄະນະກຳມາທິການຮ່ວມມື ລາວ-ຫວຽດນາມ
ຄັ້ງທີ 36 ທີ່ສຳເລັດລົງເມື່ອບໍ່ດົນນີ້, ໃນກອບການຮ່ວມມືດ້ານການ ສຶກສາ
ແລະ ພັດທະນາຊັບ ພະຍາກອນມະນຸດທັງສອງຝ່າຍເຫັນພ້ອມກັນວ່າ: ຕ້ອງສືບຕໍ່ສົມທົບກັນຢ່າງແໜ້ນແຟ້ນໃນການຈັດ
ຕັ້ງຜັນຂະຫຍາຍໂຄງການຍົກສູງປະສິດທິພາບ ແລະ ປະສິດທິຜົນການຮ່ວມມືສອງຝ່າຍໃນຂົງເຂດການສຶກສາ
ແລະ ພັດທະນາຊັບພະຍາກອນມະນຸດ ແຕ່ໄລຍະປີ 2011-2020 ໃຫ້ມີປະສິດທິຜົນຢ່າງແທ້ຈິງ
ເຊິ່ງໃນນັ້ນ ສອງຝ່າຍໄດ້ເອົາໃຈໃສ່ປະຕິບັດມາດຕະການຍົກສູງຄຸນນະພາບການກໍ່ສ້າງພະນັກງານ,
ນັກສຶກສາຢ່າງເຂັ້ມງວດ, ຮັບປະກັນໃຫ້ໄດ້ມາດຕະ ຖານຄຸນນະພາບໃນຂອດການສອບເສັງຄັດເລືອກສົ່ງໄປຮຽນຂອງແຕ່ລະຝ່າຍ
ແລະ ໃຫ້ມີການຕິດຕາມກວດກາຄຸ້ມຄອງການປະຕິບັດກົດລະບຽບການຮຽນຢ່າງເຄັ່ງຄັດ
ໂດຍມອບໃຫ້ຂະແໜງການສຶກສາສອງຝ່າຍເປັນ
ເອກະພາບໃນການຄຸ້ມຄອງບຳລຸງສ້າງ
ທັງໄລຍະຍາວ ແລະ ການເຝິກອົບ ຮົມໄລຍະສັ້ນຂະແໜງວິຊາຕ່າງໆໃຫ້ລວມສູນຜ່ານປະຕູດຽວໃນທຸກແຫລ່ງທຶນ
ແນໃສ່ຮັບປະກັນຄຸນນະພາບ ແລະ ປະສິດທິຜົນການນຳໃຊ້ພາຍຫລັງສຳເລັດການສຶກສາ
ເຊິ່ງໃນໄລຍະຜ່ານມາການຮ່ວມມືໃນ ຂົງເຂດນີ້ ທັງສອງຝ່າຍເຫັນວ່າໄດ້ມີການເປີດກວ້າງຫລາຍບູລິມະສິດ
ແລະ ຫລາຍຮູບການເຮັດ ໃຫ້ມີການເພີ່ມຂຶ້ນດ້ານປະ ລິມານຂອງນັກສຶກສາໃນແຕ່ລະປີ, ແຕ່ເມື່ອທຽບກັບຄວາມຮຽກຮ້ອງຕ້ອງການຂອງການພັດທະ ນາໃນໄລຍະໃໝ່ເຫັນວ່າ
ວຽກ ງານດັ່ງກ່າວຍັງບໍ່ທັນໄດ້ຮັບການຈັດຕັ້ງປະຕິບັດຢ່າງທົ່ວເຖິງ ແລະ ຄົບຊຸດເທື່ອ, ຄຸນ
ນະພາບ ແລະ ໂຄງປະກອບຂະແໜງວິ ຊາຮຽນຍັງບໍ່ທັນສົມດູນ, ການສອບເສັງຄັດເລືອກສົ່ງໄປຮຽນຍັງບໍ່ທັນໄດ້ມາດຕະຖານທີ່ວາງ ອອກໂດຍສະເພາະການຄຸ້ມຄອງ
ການກໍ່ສ້າງນັກສຶກສາລາວທີ່ຮຽນຢູ່ຫວຽດນາມຍັງບໍ່ທັນລວມສູນຜ່ານປະຕູດຽວຈຶ່ງເຮັດໃຫ້ ມີບັນຫາຄົງຄ້າງຈຳນວນໜຶ່ງທີ່ຈະ
ຕ້ອງໄດ້ສືບຕໍ່ເອົາໃຈໃສ່ຢ່າງເຂັ້ມງວດ.
No comments:
Post a Comment