ທະນາຄານແຫ່ງ ສປປ ລາວ ຄາດຄະເນວ່າ: ໃນສົກປີນີ້
ເສດ ຖະກິດຂອງໂລກຍັງມີການຜັນຜວນ, ລາຄານ້ຳມັນ, ຄຳ, ສະບຽງອາຫານ ລວມໄປເຖິງອັດຕາແລກປ່ຽນ
ອາດມີການເໜັງຕີງແຮງ. ສຳລັບທະນາຄານແຫ່ງ ສປປ ລາວ ຈະຄວບຄຸມບໍ່ໃຫ້ອັດຕາແລກປ່ຽນພາຍໃນປະເທດເໜັງຕີງແຮງ
ດ້ວຍການນຳໃຊ້ເຄື່ອງມືນະໂຍບາຍເງິນຕາໃຫ້ແທດເໝາະກັບສະພາບ ແລະ ວິທະຍາສາດຫລາຍຂຶ້ນ,
ປັບປຸງອັດຕາດອກເບ້ຍເງິນຝາກ ແລະ ເງິນກູ້, ຈຳກັດໜີ້ສິນຂອງລະບົບທະນາຄານໃຫ້ໜ້ອຍລົງ
ແລະ ສຳຄັນສືບຕໍ່ນຳໃຊ້ນະໂຍບາຍອັດຕາແລກປ່ຽນຕາມກົນໄກຕະ ຫລາດທີ່ມີການຄຸ້ມຄອງຂອງລັດ
ແນໃສ່ຮັກສາອັດຕາແລກປ່ຽນໃຫ້ມີຄວາມສະຫງົບ ເຮັດໃຫ້ຄວາມແຕກຕ່າງອັດຕາແລກ
ປ່ຽນທະນາຄານ ແລະ ຕະຫລາດກັບຄືນສູ່ສະພາບປົກກະຕິ ດ້ວຍການນຳໃຊ້ມາດຕະການແຊກແຊງເມື່ອມີຄວາມຈຳເປັນ.
ທະນາຄານແຫ່ງ ສປປ ລາວ ໃຫ້ຮູ້ວ່າ: ໃນສົກປີຜ່ານມາ,
ອັດ ຕາແລກປ່ຽນຂ້ອນຂ້າງເໜັງຕີງແຮງ, ເງິນກີບແຂງຄ່າສະເລ່ຍ 0,62% ທຽບກັບເງິນໂດລາສະ
ຫະລັດ ແລະ ແຂງຄ່າ 2,12% ທຽບກັບເງິນບາດໄທ, ສ່ວນອັດ ຕາແລກປ່ຽນແຕ່ເດືອນກໍລະກົດຫາເດືອນກັນຍາ
2013 ກໍມີສະພາບຄວາມແຕກຕ່າງອັດຕາແລກປ່ຽນທະນາຄານ ແລະ ຕະຫລາດຈາກ 0,07% ມາເປັນ
3,3% ສຳລັບເງິນກີບ ທຽບໃສ່ເງິນໂດລາສະຫະລັດ ແລະ ຈາກ 0,46% ມາເປັນ 4,2% ສຳລັບເງິນກີບທຽບໃສ່ເງິນບາດ.
ຈາກສະ ພາບດັ່ງກ່າວມີສາເຫດມາຈາກການປະຕິບັດມາດຕະການຄຸ້ມຄອງເງິນ ແລະ ຄວາມບໍ່ຄ່ອງຕົວຂອງເງິນຕາຕ່າງປະເທດ
ດ້ວຍການຢຸດຕິການປ່ອຍສິນເຊື່ອແກ່ໂຄງການກໍ່ສ້າງພື້ນຖານ ແລະ ຫ້າມທະນາຄານທຸລະກິດປ່ອຍເງິນກູ້ເປັນເງິນຕາຕ່າງປະເທດແກ່ໂຄງການທີ່ບໍ່ສ້າງລາຍຮັບເປັນເງິນຕາຕ່າງປະເທດ.
No comments:
Post a Comment