ສະພາຮັບຮອງການສ້າງແຂວງໄຊສົມບູນຂຶ້ນໃຫມ່

    ໃນ​ວັນ​ທີ 13 ທັນວາຜ່ານ ມານີ້, ຢູ່​ກອງ​ປະຊຸມ​ສະ​ໄໝສາ ມັນ​ເທື່ອ​ທີ 6 ສະພາ​ແຫ່ງ​ຊາດ​ຊຸດ​ທີ 7 ​ໄດ້​ມີ​ການຮັບຮອງ​ເບື້ອງ ຕົ້ນກ່ຽວກັບ​ການສະ​ເໜີສ້າງຕັ້ງ​ແຂວງ​ໄຊ​ສົມບູນ​ຂຶ້ນ​ໃໝ່ ທີ່​ປະ ກອບ​ດ້ວຍ 5 ​ເມືອງຄື: ​ເມືອງ​ອະນຸວົງ(​ໄຊ​ສົມບູນ​ເກົ່າ), ເມືອງ​ລ້ອງ​ແຈ້ງ, ເມືອງ​ຮົ່ມ, ເມືອງ ລ້ອງ​ຊານ ​ແລະ ​ເມືອງ​ພູນ.ມີ 96 ບ້ານ, ພົນລະ​ເມືອງ 81 ພັນກວ່າ​ຄົນ,​ ຍິງ 39 ພັນຄົນ ​ແລະ ມີ​ພື້ນທີ່​ປົກຄອງ​ປະມານ 8.500 ກວ່າ​ກິ​ໂລ​ຕາ​ແມັດ ທັງ​ນີ້​ເພື່ອ​ສ້າງ​ເງື່ອນ​ໄຂ​ສະດວກ​ໃຫ້​ແກ່​ການ ນຳພັກ-ລັດ​ໄດ້​ລົງ​ເຄື່ອນ​ໄຫວ​ຊີ້ ນຳ-ນຳພາ, ເຮັດ​ໃຫ້​ເຂດ​ດັ່ງ ກ່າວ​ໄດ້​ຮັບ​ການ​ພັດທະນາ​ໄວ​ຂຶ້ນ ​ແລະ ທົ່ວເຖິງ.

      ທ່ານ​ຄຳ​ມູນ ວິ​ພົງ​ໄຊ ລັດ ຖະມົນຕີ​ຊ່ວຍ​ວ່າການ​ກະຊວງ​ພາຍ​ໃນ​ຊີ້​ແຈງ​ວ່າ:ກ່ອນ​ປີ 1994 ​ເຂດ​ດັ່ງກ່າວ​ມີ​ຄວາມ​ທຸລະກັນ ດານ, ທຸກ​ຍາກ​ຫລ້າຫລັງ ​ແລະ ເສດຖະກິດ-ສັງຄົມ​ບໍ່​ໄດ້​ຮັບ​ການ​ພັດທະນາ​ເທົ່າ​ທີ່​ຄວນ ​ໂດຍ​ສະ​ເພາະ​ຖະໜົນຫົນທາງ​ອອກ​ສູ່​ບັນດາ​ເມືອງ ຮອດ​ລະດູຝົນ​ຖືກ​ຕັດຂາດ, ລະບົບ​ຊົນລະປະທານ,​ເນື້ອທີ່​ການ​ຜະລິດ​ມີ​ຈຳກັດ, ໄຟ ຟ້າ​ນ້ຳ​ປະປາ ​ແລະ ການ​ສື່ສານ ບໍ່ມີ, ໂຮງຮຽນ, ສຸກສາລາ​ບໍ່ ພຽງພໍ. ມາ​ເຖິງ​ກາງ​ປີ 1994 ເຂດ​ດັ່ງກ່າວ​ຈຶ່ງ​ໄດ້​ການ​ສ້າງຕັ້ງ​ເປັນ​ເຂດ​ພິ​ເສດ ​ໄຊ​ສົມບູນ​ທີ່​ປະ ກອບ​ດ້ວຍ​ເມືອງ​ໄຊສົມບູນ, ເມືອງ​ພູນ, ເມືອງ​ທ່າ​ໂທມ, ເມືອງ​ຮົ່ມ ​ແລະ ​ເມືອງ​ລ້ອງ​ຊານ. ຜ່ານມາ​​ໄລຍະໜຶ່ງເຫັນວ່າ​ເຂດ​ດັ່ງກ່າວ​ໄດ້​ຮັບ​ການ​ພັດທະ ນາ​ດ້ານ​ເສດຖະກິ​ດ-ສັງຄົມຢ່າງ​ຕໍ່​ເນື່ອງ ​ແລະ ຖືກ​ທິດທາງ. ດັ່ງ ນັ້ນ, ລັດຖະບານ​ຈຶ່ງ​ມີ​ການ​ຊັບ ຊ້ອນ​ຄືນ​

ໃໝ່ດ້ວຍ​ການ​ມອບ-​ໂອນ​ບັນ​ເມືອງ​ໃຫ້​ແຂວງ​ໃກ້​ຄຽງ ​ແລະ ສິ້ນສຸດ​ການ​ເປັນ​ເຂດ​ພິ​ເສດ​ໃນ​ປີ 2006. ດ້ວຍ​ວັດຖຸ​ປະ ສົງ ​ແລະ ອຸດົມ​ການ​ຂອງ​ພັກ ເພື່ອ​ນຳພາ​ປວງ​ຊົນ​ລາວ​ທັງ​ຊາດ​ດຳ​ເນີນ​ພາລະກິດ​ປ່ຽນ​ແປງ​ໃໝ່, ສືບຕໍ່ນຳພາ​ປະ​ເທດ​ກ້າວ​ຂຶ້ນສູ່​ຄວາມ​ມັ່ງ​ຄັ່ງ​ເຂັ້ມ​ແຂງ, ປະຊາຊົນ​ມີ​ຄວາມ​ຮັ່ງມີ​ຜາ​ສຸກ, ສັງຄົມ​ມີ​ຄວາມ​ຈະ     ເລີ​ນສີວິ​ໄລ​ເປັນ​ກ້າວໆ ຈຶ່ງ​ມີ​ຄວາມ​ຈຳ​ເປັນ​ຕ້ອງ​ໄດ້​ຮັບ​ການ​ພັດທະນາ​ໃຫ້​ສອດຄ່ອງ.

     ແຂວງ​ໄຊ​ສົມບູນ,​ ນອນ​ຢູ່​ໃນ​ໃຈກາງ​ຂອງ​ປະ​ເທດ ທີ່​ມີ​ຄວາມ​ເໝາະສົມ​ແກ່​ການ​ປົກຄອງ, ມີ​ຄວາມໝາຍດ້ານ​ຍຸດ​ທະ​ສາດ ການ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະ​ຫງ​ົບສຸກ, ມີ​ຄວາມ​ອຸດົມສົມບູນ​ດ້ວຍ​ຊັບພະຍາກອນ​ທຳ​ມະ​ຊາດ, ມີ​ແຫ​ລ່ງທ່ອງ​ທ່ຽວ ທາງ​ປະຫວັດສາດ, ທຳ​ມະ​ຊາດ ແລະ ວັດທະນະທຳ, ປ່າ​ໄມ້​ຍັງ​ປົກ​ຫຸ້ມ​ເປັນ​ສ່ວນ​ໃຫຍ່, ອາກາດ​ເຢັນ​ສະບາຍ​ເໝາະກັບ​ການ​ລ້ຽງ ສັດ​ໃຫຍ່ ​ແລະ ສ້າງ​ເປັນ​ເຂດ​ທ່ອງ​ທ່ຽວ​ໃຈກາງ​ທີ່​ມີ​ນະຄອນ ຫລວງ​ວຽງຈັນ-ບໍລິ​ຄຳ​ໄຊ-ຊຽງ ຂວາງ-ຫລວງ​ພະ​ບາງ ​ແລະ ແຂວງ​ວຽງຈັນ​ຕັ້ງຢູ່​ອ້ອມ​ຮອບ. ສຳລັບ​ເມືອງ​ອະນຸວົງ​ມີ 19 ບ້ານ, 2.998 ຄອບຄົວ, ພົນລະ​ເມືອງ 22.024 ຄົນ, ເມືອງ​ລ້ອງ​ແຈ້ງ 13 ບ້ານ, ມີ 1.370 ຄອບ ຄົວ, ພົນລະ​ເມືອງ 8.224 ຄົນ,​ເມືອງ​ທ່າ​ໂທມ 25 ບ້ານ, ມີ 2.893 ຄອບຄົວ, ພົນລະ​ເມືອງ 17.575 ຄົນ, ​ເມືອງ​ຮົ່ມ 13 ບ້ານ, ມີ 1.417 ຄອບຄົວ, ພົນລະ​ເມືອງ 10.521 ​ແລະ ​ເມືອງ​ລ້ອງ​ຊານ 21 ບ້ານ, ມີ 3.387 ຄອບຄົວ, ພົນລະ​ເມືອງ 23.457 ຄົນ.