ໃນວັນທີ 14 ທັນວານີ້, ໄດ້ຈັດໃຫ້ມີກິດຈະກຳແລ່ນເພື່ອສຸຂະພາບ ສະຫລອງ ວັນຄົບຮອບ 5 ປີ ການສ້າງຕັ້ງທະນາຄານຊາຄອມແບ໋ງຢູ່ລາວຂຶ້ນ ໂດຍເລີ່ມແຕ່ສຳ
ນັກງານໃຫຍ່ທະນາຄານດັ່ງ ກ່າວຢູ່ບ້ານຫາຍໂສກ ເມືອງຈັນທະບູລີ ຈົນໄປຮອດສີ່ແຍກທາດດຳ
ແລະ ກັບຄືນມາເຂົ້າເສັ້ນໄຊຢູ່ທະນາຄານດັ່ງກ່າວ ໂດຍມີນ້ອງນັກຮຽນລະດັບມັດ
ທະຍົມປາຍ 12 ແຫ່ງຢູ່ນະ ຄອນຫລວງວຽງຈັນເຂົ້າຮ່ວມເປັນຈຳນວນຫລາຍ ແລະ ຕົວແທນຈາກ
ມປ ທົ່ງປົ່ງ ທັງເພດຊາຍ ແລະ ຍິງ ສາມາດຄວ້າລາງ ວັນທີ 1, 2 ແລະ 3 ໃນການແຂ່ງຂັນຄັ້ງ
ນີ້ ໂດຍລາງວັນທີ 1 ແມ່ນໂທ ລະພາບ LCD ຊຳຊຸງ 32 ນິ້ວ, ລາງວັນທີ 2 ໂທລະ ສັບມືຖືຊຳຊຸງ
S3 ແລະ ລາງວັນທີ 3 ກ້ອງຖ່າຍ ຮູບດີຈີຕອນ ແລະ ນອກຈາກນີ້ ຍັງມີລາງວັນຊົມເຊີຍອື່ນໆ.
ທ່ານອຳນວຍການຊາຄອມແບ໋ງສາຂາລາວ ຟາມ ດຶກ
ຢຸຍ (PHAM DUC DUY) ກ່າວວ່າ: 22 ປີແຫ່ງການສ້າງຕັ້ງ ທະນາຄານຊາຄອມແບ໋ງໄດ້ກາຍເປັນເຄື່ອງໝາຍການຄ້າທີ່ມີຊື່ສຽງໃນຂົງເຂດການເງິນການທະນາ
ຄານຢູ່ ສສ ຫວຽດນາມ, ມີ
ໜ່ວຍບໍລິການຫລາຍກວ່າ 423 ແຫ່ງໃນບັນດາແຂວງຢູ່ ສສ ຫວຽດ
ນາມ, ສປປ ລາວ ແລະ ຣາຊະອານາຈັກກຳປູເຈຍ.
ສຳລັບທະນາຄານຊາຄອມແບ໋ງສາຂາ ສປປ ລາວສ້າງຕັ້ງຂຶ້ນໃນປີ
2008 ຕະຫລອດໄລຍະ 5 ປີຜ່ານມາ ເຫັນວ່າການດຳເນີນທຸລະກິດຂອງທະນາຄານມີບາດກ້າວເຕີບໃຫຍ່ຂະຫຍາຍຕົວໃນລະດັບທີ່ໜ້າພໍໃຈ
ແລະ ໄດ້ປະກອບສ່ວນເຂົ້າໃນການພັດ ທະນາເສດຖະກິດຂອງປະເທດນຳດ້ວຍ. ໄປຄຽງຄູ່ກັນນັ້ນທະ
ນາຄານຍັງໄດ້ປະກອບສ່ວນຊ່ວຍເຫລືອສັງຄົມຫລາຍຢ່າງ ເປັນຕົ້ນໄດ້ມອບຕັ່ງຫີນໃຫ້ສວນ
ສາທາລະນະຕ່າງໆ, ໂຮງໝໍ, ໂຮງຮຽນ, ວັດ ແລະ ມອບທຶນການສຶກສາໃຫ້ນັກຮຽນທຸກຍາກ, ຈັດກິດຈະກຳວັນເດັກ
ແລະ ວັນສຳຄັນອື່ນໆ ແລະ ໃນປີ 2013 ນີ້ ກໍໄດ້ປະກອບສ່ວນມອບເງິນຊ່ວຍເຫລືອບັນເທົາທຸກໄພພິບັດຕ່າງໆທີ່ເກີດຂຶ້ນຢູ່ແຂວງພາກເໜືອ
ແລະ ພາກໃຕ້ຂອງລາວ ລວມເຖິງການມອບເງິນຊ່ວຍເຫລືອໃຫ້ແກ່ສູນຄົນພິການທາງສາຍຕາຢູ່ນະຄອນຫລວງວຽງຈັນນຳດ້ວຍ.
ສຳລັບກິດຈະກຳແລ່ນເພື່ອສຸຂະພາບໃນຄັ້ງນີ້ແມ່ນປີທີ 3 ທີ່ທະນາຄານໄດ້ຈັດຂຶ້ນເປັນການສົ່ງເສີມສຸຂະພາບໃຫ້ໄວໜຸ່ມກໍຄືນ້ອງນັກຮຽນຕ່າງໆ
ແລະ ທັງເປັນການສະເຫລີມສະຫລອງການສ້າງຕັ້ງ ສາຂາທະນາຄານຢູ່ລາວນຳດ້ວຍ.
No comments:
Post a Comment