ຊຸດຝຶກອົບຮົມໃຫ້ສື່ມວນຊົນລາວ ພາຍໃຕ້ຫົວຂໍ້: ” ທັກສະໃນການເກັບກຳ ແລະ ແກ້ໄຂຂໍ້ມູນຂ່າວສານໃນບັນດາເຫດການໃຫຍ່
”, ໄດ້ສຳເລັດລົງ, ພາຍຫຼັງດຳເນີນ ໄປເປັນເວລາ 5 ວັນ, ແຕ່ວັນທີ 23-27 ທັນວາ
2013, ເພື່ອ ແນ່ໃສ່ການພັດທະນາບຸກຄະລະກອນສື່ມວນຊົນລາວໃຫ້ມີຄວາມກ້າວໜ້າ
ແລະ ນຳໃຊ້ຫຼັກການຂອງສື່ມວນຊົນໃຫ້ຖືກຕ້ອງການ, ມີທັກສະໃນການເກັບກຳຂໍ້ມູນສານໃຫ້ວ່ອງໄວ, ທັນກັບສະຖາ ນະການ ແລະ ສະເໜີຂ່າວໃຫ້ຖືກຕ້ອງຕາມຄວາມຈິງເຊິ່ງພິທີປິດຊຸດອົບຮົມດັ່ງກ່າວ ມີຂຶ້ນຢູ່ສະຖາບັນສື່ມວນຊົນ ແລະ ວັດທະນະທຳ, ນະຄອນຫຼວງວຽງຈັນ,
ໂດຍການເຂົ້າຮ່ວມຂອງທ່ານ ສະຫວັນຄອນ ຣາຊະມົນຕຼີ ລັດຖະມົນຕີຊ່ວຍວ່າການກະຊວງຖະແຫຼງຂ່າວ,
ວັດທະນາທຳ ແລະ ທ່ອງທ່ຽວ, ທ່ານ ໂດ ກຸຍ ດ່ວານ ລັດຖະມົນຕີຊ່ວຍວ່າການກະຊວງຖະແຫຼງຂ່າວ
ແລະ ສື່ສານ ສ.ສ ຫວຽດນາມ ແລະ ພ້ອມດ້ວຍຄູອາຈານ ແລະ ນັກສຳມະນາເຂົ້າຮ່ວມ 31 ຄົນ (ຍິງ 11 ຄົນ).
ທ່ານ ສະຫວັນຄອນ ຣາຊະມົນຕຼີ ກ່າວວ່າ:
ຂໍສະແດງຄວາມປິຕິຍິນດີຕໍ່ຜົນສຳເລັດຂອງການເຝິກອົບຮົມທີ່ຈັດຂຶ້ນຢູ່ນະຄອນຫຼວງວຽງຈັນ,
ຂໍສະແດງຄວາມຮູ້ບຸນຄຸນ ແລະ ຂໍຂອບໃຈມາຍັງ ທ່ານ ໂດ ກຸຍ ດ່ວານ ເຊິ່ງເປັນຜູ້ຊີ້ນຳນຳພາເຂົ້າຮ່ວມໂດຍກົງ
ແລະ ທ່ານ ອາຈານທັງໝົດທີ່ໄດ້ຖ່າຍຖອດຄວາມຮູ້ໃຫ້ສື່ມວນຊົນລາວ ແລະ ຫວັງວ່າຈະສືບຕໍ່ແບ່ງປັນຄວາມຮູ້,
ວິຊາໃຫ້ແກ່ສື່ມວນຊົນລາວໃນໂອກາດຕໍ່ໜ້າ.
ການຝືກອົບຮົມໃນຄັ້ງນີ້ ແມ່ນໄດ້ຮັບການຊ່ວຍເຫຼືອສະໜັບສະໜູນຈາກລັດຖະບານຫວຽດນາມ
ໂດຍສະເພາະແມ່ນກະຊວງຖະແຫຼງຂ່າວ ແລະ ສື່ສານແຫ່ງ ສ.ສ ຫວຽດນາມ, ການຊ່ວຍເຫຼືອດັ່ງກ່າວແມ່ນການຕອບສະໜອງຕາມຈິດໃຈການນຳຂັ້ນສູງຂອງສອງພັກສອງລັດຂອງປະຊາຊົນລາວ-ຫວຽດນາມ
ຂອງພວກເຮົາ.
No comments:
Post a Comment