ທ່ານ ຄຳຜົງ ສີວິໄລ ຮອງຫົວໜ້າດ່ານສາກົນຂົວມິດຕະພາບ
I ໃຫ້ຮູ້ວ່າ: ໃນສົກປີ 2013-2014 ໄດ້ຕັ້ງເປົ້າເກັບລາຍຮັບໃຫ້ໄດ້ 2.709
ຕື້ກວ່າກີບ ທຽບໃສ່ສົກປີຜ່ານມາເພີ່ມຂຶ້ນປະມານ 13% ຂອງແຜນການ ເຊິ່ງລາຍຮັບຕົ້ນຕໍມາຈາກການເກັບພາສີນຳເຂົ້ານ້ຳມັນເຊື້ອໄຟ,
ພາຫະນະ, ວັດສະດຸກໍ່ສ້າງ ແລະ ອື່ນໆ. ຂະນະທີ່ ການເກັບລາຍຮັບໃນໄຕມາດທຳອິດແຕ່ເດືອນຕຸລາຫາເດືອນທັນວາສົກປີ
2013-2014 ສາມາດເກັບລາຍຮັບໄດ້ແລ້ວ 546 ຕື້ ກວ່າກີບ ເທົ່າກັບ 20% ຂອງແຜນການປີ.
ໃນສົກປີ 2012-2013 ດ່ານສາກົນຂົວມິດຕະພາບ
I ສາມາດເກັບລາຍຮັບໄດ້ປະມານ 2.330 ຕື້ກວ່າກີບ ປະ ຕິບັດໄດ້ 99% ຂອງແຜນການປີ,
ແຕ່ໂຕເລກດັ່ງກ່າວເມື່ອທຽບໃສ່ສົກປີ 2011-2012 ແມ່ນປະຕິບັດໄດ້ 117% ໂດຍສາເຫດທີ່ເຮັດໃຫ້ການເກັບລາຍຮັບຢູ່ດ່ານດັ່ງກ່າວບໍ່ບັນລຸແຜນແມ່ນຍ້ອນມີການນະໂຍບາຍຍົກ
ເວັ້ນພາສີອາ
ກອນເປັນຈຳນວນຫລາຍເພື່ອມາຮັບໃຊ້ໂຄງການຂອງລັດ ເປັນຕົ້ນສິນຄ້າປະເພດເຫລັກ,
ຊີມັງ ມີມູນຄ່າການຍົກເວັ້ນເຖິງ 473 ລ້ານກວ່າໂດລາສະຫະລັດ ແລະ ນ້ຳມັນເຊື້ອໄຟມີມູນຄ່າການຍົກເວັ້ນພາສີອາກອນເຖິງ
46 ລ້ານກວ່າໂດລາສະຫະລັດ.
ແນວໃດກໍຕາມ, ທ່ານ ຄຳພົງ ກ່າວວ່າ: ການຕັ້ງເປົ້າໝາຍການເກັບລາຍຮັບຄືດັ່ງກ່າວອາດມີໂຕເລກສູງສົມ
ຄວນ, ແຕ່ຈະພະຍາຍາມຈັດຕັ້ງປະຕິບັດໃຫ້ບັນລຸແຜນ ໂດຍສະເພາະການປະຕິບັດມາດຕະການຕ່າງໆເຊັ່ນ:
ສຶກສາອົບຮົມດ້ານການເມືອງແນວຄິດພະນັກງານໃຫ້ມີຄຸນສົມບັດສິນທຳປະຕິວັດ, ມີຄວາມຮັບຜິດຊອບສູງຕໍ່ໜ້າທີ່ວຽກງານ,
ມີຄວາມປອດໃສ, ເຝິກອົບຮົມດ້ານລະບຽບກົດໝາຍກ່ຽວກັບການນຳເຂົ້າ-ສົ່ງອອກໃຫ້ມີຄວາມເຂົ້າໃຈສູງຕື່ມໃນການແຈ້ງມູນຄ່າໃຫ້ມີຄວາມຊັດເຈນຖືກຕ້ອງກັບຕົວຈິງ.
No comments:
Post a Comment