ຫຼັງຈາກເປີດການຮຽນ-ການ ສອນສົກຮຽນໃຫມ່ (2013-
2014) ມາແຕ່ຕົ້ນເດືອນກັນ ຍາ ແລະ ມາຮອດປັດຈຸບັນກໍເປັນ ເວລາ 4 ເດືອນກວ່າແລ້ວ ແລະ ການສອບເສັງພາກຮຽນ ໜຶ່ງເພື່ອວັດແທກຄວາມຮູ້ທີ່ໄດ້ຮຽນມາ
ໃນໄລຍະຮຽນດັ່ງກ່າວ, ດັ່ງ ນັ້ນ ແຕ່ລະໂຮງຮຽນ ໃນນະຄອນຫຼວງວຽງຈັນກໍຄືຂອບເຂດທົ່ວປະເທດບໍ່ວ່າຈະເປັນໂຮງຮຽນລັດ,
ເອກະຊົນແມ່ນ ພວມສຸມໃສ່ທວນຄືນບົດຮຽນເພື່ອກຽມພ້ອມເຂົ້າສອບເສັງ.
ທ່ານ ຊົມພູ ແກ້ວປັບຍາ, ຫົວ ໜ້າພະແນກສຶກສາທິການ
ແລະ ກິລານະຄອນຫຼວງວຽງ ຈັນໃຫ້ຮູ້ວ່າ: ການສອບເສັງພາກ ຮຽນທີ 1 ສົກປີ 2013-2014 ແມ່ນຈະຈັດ
ຂຶ້ນໃນວັນທີ 20 - 24 ມັງກອນ ນີ້, ຊຶ່ງທາງພະແນກຂອງຕົນໄດ້ລົງປະເມີນຕິດຕາມການຮຽນການສອນຖືກ ຕາມລະບົບລະບຽບທີ່ກະຊວງວາງອອກ ແລະ ສຳລັບການສອບເສັງສົກຮຽນນີ້ແມ່ນເນັ້ນ
ວັດແທກຄຸນະພາບການຮຽນ, ການສອນ, ນັບແຕ່ຊັ້ນປະຖົມຮອດມັດທະຍົມຕ້ອງປະຕິບັດຄົບຕາມຫຼັກສູດທັງນີ້ກໍເພື່ອຍົກ
ສູງຄຸນະພາບຂອງການ ສຶກສາໃຫ້ດີຂື້ນກວ່າເກົ່າ ແລະຜ່ານມາທາງພະແນກສຶກສາກໍໄດ້ເປີດກອງປະຊຸມຮ່ວມກັບບັນດາຜູ້ອຳ
ນວຍການໂຮງຮຽນມັດທະຍົມ ຈຳນວນ 147 ແຫ່ງໃນນະຄອນຫຼວງວຽງຈັນ, ໂດຍໄດ້ວາງມາດຕະການໃນການສອບເສັງ
ເພື່ອເຮັດແນວໃດໃຫ້ນັກສອບເສັງ ແລະ ຄະນະກຳມະການປະຕິບັດໄດ້ຕາມລະບຽບຫຼັກການທີ່ກະຊວງວາງອອກ,
ເປັນຕົ້ນ ການຍາມຫ້ອງເສັງ, ການອອກຫົວບົດແມ່ນໃຫ້ຢູ່ໃນຂອບເຂດການຮຽນ-ການສອນບໍ່ໃຫ້ຍາກຫຼືງ່າຍເກີນໄປເພື່ອວັດແທກ
ໃຫ້ເຫັນເຖິງຄຸນນະພາບ ແລະ ຈຸດອອ່ນຂອງການຮຽນການສອນຜ່ານມາເພື່ອປັບປຸງ ແກ້ໄຂ.
ທ່ານ ຫົວໜ້າພະແນກສຶກສານະຄອນຫຼວງກ່າວວ່າ:
ສຳ ລັບການສອບເສັງພາກຮຽນ 1 ນີ້ທາງພະແນກໄດ້ມອບໃຫ້ ໂຮງຮຽນເປັນຜູ້ຈັດຕັ້ງປະຕິບັດ, ຊຶ່ງ
ທາງພະແນກສຶກສາຈະສົງວິຊາການໄປສົມທົບກັບສຶກສາເມືອງ ລົງກວດກາຕິດຕາມການ ຈັດຕັ້ງປະຕິບັດຂອງແຕ່ລະໂຮງຮຽນໃຫ້ຖືກຕາມລະບຽບຫຼັກການທີ່ກະຊວງວາງອອກ,
ເພື່ອໃຫ້ຮັບປະກັນນັບທັງດ້ານ ປະລິ ມານ ແລະ ຄຸນນະພາບມາຮອດມື້ນີ້ທຸກໆ ໂຮງຮຽນແມ່ນມີຄວາມພ້ອມ
ແລ້ວທີ່ຈະຈັດການສອບເສັງ ພາກຮຽນທີ 1 ແລະ ພ້ອມຕິດຕາມກວດກາເປັນຢ່າງດີ, ທ່ານ ຫົວໜ້າພະແນກສຶກສານະຄອນ
ຫຼວງໃຫ້ຮູ້ອີກວ່ານັບແຕ່ສົກຮຽນປີ 2011- 2012 ເປັນຕົ້ນມາຄຸນະພາບຂອງການຮຽນການສອນຂອງໂຮງຮຽນຕ່າງໆແມ່ນໄດ້ຮັບການພັດທະນາດີຂຶ້ນເລື້ອຍໆ,
ໂດຍສະເພາະ ແມ່ນໂຮງຮຽນທີ່ຢູ່ເຂດຊານເມືອງແມນມີຄຸນນະພາບດີຂຶ້ນເກືອບທຽບເທົ່າໃນເທສະບານ.
No comments:
Post a Comment