ສາທາເຕືອນໃຫ້ລະວັງ 3 ພະຍາດທີ່ມັກເກີດໃນລະດູໜາວ

            ໃນໄລຍະກາງເດືອນມັງກອນ 2014 ນີ້ກະຊວງສາທາລະນະສຸກໄດ້ອອກແຈ້ງການເຕືອນໄປຍັງປະຊາຊົນ ບັນດາເຜົ່າໃນທົ່ວປະເທດໂດຍຜ່ານພະນະສາທາລະນະສຸກບັນດາແຂວງ ແລະ ນະຄອນຫຼວງວຽງຈັນ ໃຫ້ຮີບຮ້ອນ ແຈ້ງເຕືອນໄປຍັງຂະແໜງການຕ່າງໆລວມໄປເຖິງອຳນາດການປົກຄອງທຸກຂັ້ນໃຫ້ເອົາໃຈໃສ່ແນະນຳປະຊາຊົນທີ່ຢູ່ ໃນການຄຸ້ມຄອງຂອງຕົນໃຫ້ຮັບຮູ້ ແລະ ເພີ່ມສະຕິລະວັງໂຕໃນການຮັກ ສາສຸຂະພາບເພື່ອປ້ອງກັນ ແລະ ຕ້ານ 3 ພະຍາດທີ່ມັກເກີດຂື້ນໃນລະດູໜາວເຊັ່ນ:     ພະຍາດໄຂ້ຫວັດ,ອັກເສບລະບົບຫາຍໃຈ ແລະ ພະຍາດຖອກທ້ອງ ກະທັນຫັນທີ່ມັກເກີດຂື້ນໃນແຕ່ລະປີ, ເນື່ອງຈາກປັດຈຸບັນສະພາບການປ່ຽນແປງຕາມລະດູການຂອງດິນຟ້າອາກາດ ໄດ້ເລີ່ມເຢັນລົງຫຼັງຈາກໝົດລະດູຝົນ, ຊຶ່ງເປັນເງື່ອນໄຂເອື້ອອຳນວຍໃຫ້ແກ່ເຊື້ອຈະລະໂລກໄຂ້ຫວັດ ແລະ ຖອກ ທ້ອງກະທັນຫັນເພີ່ມຂຶ້ນ. ເພື່ອປ້ອງກັນ, ຄວບຄຸມ ແລະ ສະກັດກັ້ນພະຍາດດັ່ງກ່າວທາງກະຊວງທາລະນະສຸກຈຶ່ງ ໄດ້ອອກຄຳສັ່ງແນະນຳດັ່ງນີ້: ພະແນກສາທາລະນະສຸກນະຄອນຫຼວງ ແລະ ບັນດາແຂວງທົວປະເທດຕ້ອງເປັນເຈົ້າ ການລາຍງານສະພາບຂອງພະຍາດດັ່ງກ່າວໃຫ້ກະຊວງສາທາລະນະສຸກເປັນໄລຍະຖ້າພົບເຫັນ ແລະ ເພີ່ມການໂຄ

ສະນາໃຫ້ປະຊາຊົນເອົາໃຈໃສ່ໃນວຽກງານປ້ອງກັນ ແລະ ຄວບຄຸມພະຍາດ, ໃຫ້ເອົາໃຈໃສ່ແນະນຳຕິດຕາມກຸ່ມທີ່ ມີຄວາມສ່ຽງທີ່ຈະເປັນໄຂ້ຫວັດ ແລະ ຖອກທ້ອງເຊັ່ນແມ່ມານ, ເດັກນ້ອຍ ແລະ ຜູ້ສູງອາຍຸ ແລະ ຜູ້ທີ່ເປັນພະຍາດ ດັ່ງກ່າວໃຫ້ຮູ້ວິທີປ້ອງກັນດັ່ງຜູ້ທີ່ເປັນໄຂ້, ໄອ, ມີນ້ຳມູກ ແລະ ເຈັບຄໍ, ຄວນໃຊ້ຜ້າອັດປາກ, ດັງທຸກຄັ້ງທີມີການໄອ ຈາມເພື່ອຫລີກເວັ້ນບໍ່ໃຫ້ມີການແຜ່ເຊື້ອໄປສູ່ຜູ້ອື່ນ ແລະ ໝັ່ນລ້າງມືໃສ່ສະບູເປັນປະຈຳ, ຜູ້ທີ່ເປັນຖອກທ້ອງກະ ທັນຫັນກໍຄວນລ້າງມືເປັນປະຈຳ ແລະ ທຸກຄັ້ງທີ່ໃຊ້ວິດຖ່າຍ ແລະ ຫ້າມຖ່າຍຊະຊາຍ, ຄວນກິນອາຫານທີ່ສະ ອາດ, ສົດ, ດີທີ່ສຸດຕ້ອງການອາຫານອຸ່ນ, ພ້ອມນີ້ທຸກຄົນ ຕ້ອງໝັ່ນທຳຄວາມສະອາດຮ່າງກາຍ, ນຸ່ງຫົ່ມໃຫ້ອົບອຸ່ນ ຢູ່ສະເໝີ, ຖ້າຫາກມີຄົນໃນຄອບຄົວເປັນໄຂ້ໃຫ້ແນະນຳເຂົາເຈົ້າປະຕິບັດຫຼັກອະນາໄມ ແລະ ຖ້າຫາກອາການແກ່ ຍາວໃຫ້ໄປພົບແພດ, ໝໍ ແລະ ບັນດາໂຮງໝໍຕ່າງໆກໍຕ້ອງກຽມພ້ອມທາງດ້ານອະປະກອນ ແລະ ຢາເພື່ອໃຫ້ພຽງ ພໍຖ້າຫາກມີກໍລະນີລະບາດເກີດຂຶ້ນ.