ລົງໂທດກຸ່ມຄົນສ້າງຄວາມບໍ່ສະຫງົບຕໍ່ສັງຄົມ.

        ໃນທ້າຍອາທິດຜ່ານມານີ້ ສານປະຊາຊົນ ນະຄອນຫຼວງວຽງຈັນ ໄດ້ເປີດປະຊຸມສານເພື່ອຕັດສິນລົງໂທດຜູ້ ເຄື່ອນໄຫວ ສ້າງຄວາມບໍ່ສະຫງົບໃນສັງຄົມ ໂດຍສະເພາະແມ່ນຄ້າຂາຍຢາເສບຕິດ ແລະ ລັກຊັບພົນລະເມືອງ ຊຶ່ງ ມີຜູ້ຕ້ອງຫາ 4 ຄົນຄື: ທ້າວ ໂບ້ ອາຍຸ 27 ປີ ອາຊີບ ຫວ່າງງານ ຢູ່ບ້ານ ຊາຍຟອງໃຕ້ ເມືອງ ຫາດຊາຍຟອງ ນະ ຄອນຫຼວງວຽງຈັນຖືກກັກຕົວໃນວັ ນທີ 23 ພຶດສະພາ 2013 ໃນຂໍ້ຫາ ຄ້າ ຂາຍຢາເສບຕິດ ແລະ ລັກຊັບ ພົນລະ ເມືອງ , ທ້າວ ສົດໃສ ອາຍຸ 25 ປີ ອາຊີບ ຫວ່າງງານ ຢູ່ບ້ານທົ່ງພານທອງ ເມືອງສີສັດຕະນາກ ນະຄອນຫຼວງວຽງ ຈັນ ແລະ ນາງ ອຳໄພວັນ ອາຍຸ 22 ປີ ອາ ຊີບຫວ່າງ ງານ ຢູ່ບ້ານໂພນ ເຄັງ ເມືອງ ໄຊເສດຖາ ນະຄອນ ຫຼວງວຽງຈັນ ຖືກກັກຕົວໃນວັນ ທີ 19 ກັນຍາ 2012 ຜ່ານມາ ໃນຂໍ້ ຫາຄ້າຂາຍຢາເສບຕິດ ແລະ ທ້າວ ແສງສຸລີ ອາຍຸ 20 ປີ ອາ ຊີບກຳມະກອນ ຢູ່ບ້ານທົ່ງກາງ ເມືອງ ສີສັດຕະນາກນະຄອນ ຫຼວງວຽງຈັນຖືກກັກຕົວໃນວັນທີ 29 ມີນາ 2013 ໃນຂໍ້ຫາປຸ້ນຊັບພົນລະເມືອງ.

         ສານປະຊາຊົນ ນະຄອນຫຼວງວຽງຈັນໃຫ້ຮູ້ວ່າ:  ຈາກການເກັບກຳຂໍ້ມູນຫຼັກຖານ ແລະ ຜູ້ຕ້ອງຫາໃຫ້ການ ຮັບສາລ ະພາບວ່າ: ທ້າວ ໂບ້ໄດ້ມີການ ເຄື່ອນໄຫວຄ້າຂາຍຢາເສບຕິດ ໃນປີ 2011 ໂດຍໄດ້ຮັບຊື້ຢາຈາກປະຊາຊົນ ຢູ່ເຂດບ້ານ ແກ້ງ ປາຢ້າງ ເມືອງຫາດຊາຍຟອງ ແລ້ວນຳໄປຂາຍ ຄື ໃນວັນທີ 19 ພຶດສະພາ 2013 ຜູ້ກ່ຽວໄດ້ໄປລັກ ເອົາກະເປົາເງິນຂອງປະ

ຊາຊົນ ກ່ອນຈະຖືກເຈົ້າໜ້າທີ່ກັກຕົວ, ສ່ວນທ້າວ ແສງສຸລີ ໄດ້ຮັບ ສາລະພາບວ່າ: ຕົນເອງ ໄດ້ກໍ່ເຫດປູ້ນຊັບຂອງປະຊາຊົນ ຢູ່ທີ່ ຫໍພັກຂອງພະນັກງານໂຮງງານ ຜະລິດຢາ ເລກ 2 ໂດຍ ໃນວັນທີ 28 ມີນາ 2013, ກ່ອນຈະຖືກເຈົ້າ ໜ້າທີ່ຈັບຕົວມາ ດຳເນີນຄະດີ, ຂະນະທີ່ ທ້າວ ສົດໃສ ແລະ ນາງ ອຳໄພວັນ ໄດ້ຮັບສາລະ ພາບວ່າ: ໄດ້ມາກິນຢູ່ນຳກັນກັບ ທ້າວ ສົດ ໃສ ຢູ່ບ້ານທົ່ງພານທອງ ແລະ ຮ່ວມກັນຄ້າຂາຍຢາເສບຕິດ ແຕ່ປີ 2012 ກ່ອນຈະຖືກເຈົ້າໜ້າ ທີ່ຕິດຕາມ ແລະ ຈັບຕົວມາດຳ ເນີນຄະດີພ້ອມຢາບ້າ 20 ເມັດ.

         ຜ່ານການເກັບກຳຂໍ້ມູນ ຫຼັກຖານ ແລະ ເອກະສານຕ່າງໆ ທີ່ປະກອບໃນສຳນວນຄະດີ ແລະ ຄຳໃຫ້ການ ຂອງຜູ້ຕ້ອງຫາໃນທີ່ປະຊຸມສານປະຊາຊົນນະຄອນ ຫຼວງວຽງຈັນຈຶ່ງໄດ້ຕັດສິນລົງ ໂທດຜູ້ຕ້ອງຫາທັງ 4 ຄົນຄື: ທ້າວ ແສງສຸລີແມ່ນມີຄວາມຜິດໃນຂໍ້ ຫາປຸ້ນຊັບ ແລະ ຜ່ານມາເຄີຍກະ ທຳຜິດ  ແລະ ຖືກສານປະຊາຊົນ ເຂດ 3 ລົງໂທດໃນຂໍ້ຫາປິດບັງ ການກະທຳຜິດ, ຈຶ່ງໄດ້ເພີ່ມໂທດ ໂດຍຕັດອິດສະຫຼະພາບ 4 ປີ 3 ເດືອນປັບໃໝ 8 ແສນ ກີບ, ທ້າວ ສົດໃສ ມີຄວາມຜິດຂໍ້ຫາຄ້າ ຂາຍຢາເສບຕິດ ແລະ ເຄີຍຖືກ ປະຕິບັດອອກຈາກຢາເສບຕິດ ໃນປີ 2005 ກ່ອນຈະອອກມາ ແລະ  ສານເຫັນວ່າຜູ້ກ່ຽວມີ ພຶດຕິກຳບໍ່ປ່ຽນແປງທັງກັບກາຍມາເປັນຜູ້ຄ້າຂາຍຢາເສບຕິດ ສະນັ້ນ ຈຶ່ງລົງໂທດຕັດອິດສະຫຼະພາບ 5 ປີ 9 ເດືອນ ພ້ອມປັບໃໝເງິນ 10 ລ້ານກ່ວາກີບ, ນາງ ອຳໄພວັນ ຖືກຕັດ ອິດສະຫຼະພາບ 5 ປີ ພ້ອມ ປັບໃໝເງິນ 10 ລ້ານກີບ, ສ່ວນ ທ້າວ ໂບ້ ແມ່ນຕັດອິດສະຫຼະພາບ 5 ປີ ພ້ອມປັບໃໝ ເງິນ 10 ລ້ານ ກີບ.