ໂຮມຊຸມນຸມສະຫລອງວັນສ້າງຕັ້ງກອງທັບປະຊາຊົນລາວຄົບ ຮອບ 65 ປີ

      ໃນຕອນເຊົ້າວັນທີ 20 ມັງກອນນີ້, ໄດ້ມີພິທີໂຮມຊຸມນຸມເພື່ອລະນຶກ ແລະ ສະເຫລີມສະຫລອງວັນສ້າງຕັ້ງ ກອງທັບປະຊາຊົນລາວຄົບຮອບ 65 ປີ (20/ 01/1949-20/01/2014) ຢູ່ຫໍປະຊຸມແຫ່ງຊາດ, ນະຄອນຫລວງ​ວຽງຈັນ ໂດ ຍການໃຫ້ກຽດເຂົ້າຮ່ວມ ແລະ ກ່າວສູນທອນພົດຂອງສະຫາຍ ຈູມມາລີ ໄຊຍະ ສອນ ເລຂາທິການ ໃຫຍ່ຄະນະບໍລິຫານງານສູນກາງພັກ, ປະທານປະເທດແຫ່ງ ສປປ ລາວ, ມີບັນດາກຳມະການກົມການເມືອງສູນ ກາງພັກ, ກຳມະການສູນກາງ ພັກ, ຫົວໜ້າຄະນະອົງການຈັດຕັ້ງຂອງພັກ, ອົງການຈັດຕັ້ງມະຫາຊົນ, ລັດຖະມົນ ຕີວ່າການ, ວິລະຊົນແຫ່ງຊາດ, ນັກຮົບ ແຂ່ງຂັນ, ພະນັກງານນັກຮົບປະຕິວັດອາວຸໂສຕະຫລອດຮອດພະນັກງານ-ສະມາຊິກພັກ, ກຳລັງປະກອບອາວຸດ ແລະ ຊາວ ນະຄອນ ຫລວງວຽງຈັນເຂົ້າຮ່ວມເປັນຈຳນວນຫລວງຫລາຍ.

     ໃນໂອກາດນີ້, ສະຫາຍເລຂາທິການໃຫຍ່ ຈູມມາລີ ໄຊຍະສອນ ໄດ້ກ່າວສູນທອນພົດໂດຍໄດ້ຍົກໃຫ້ເຫັນບາງ ເນື້ອໃນສຳ ຄັນວ່າ: ຕະຫລອດໄລຍະ 65 ປີ ຜ່ານມາ, ໄດ້ສະແດງໃຫ້ເຫັນແຈ້ງວ່າ: ກອງທັບປະຊາຊົນລາວໄດ້ເຕີບ ໃຫຍ່ ແລະ ເຂັ້ມ ແຂງຂຶ້ນດ້ວຍການສູ້ຮົບ ແລະ ສູ້ຮົບມີໄຊໃນແປວໄຟຂອງສົງ ຄາມອັນດຸເດືອດຂ້ຽວຂາດທີ່ສຸດ, ໄຊຊະທັງນ້ອຍ ແລະ ໃຫຍ່ ໃນແຕ່ລະບັ້ນຮົບນັ້ນໄດ້ຕີບໍ່ແມ່ນ ງ່າຍດາຍ, ທຸກໄຊຊະນະລ້ວນແຕ່ແລກມາດ້ວຍເລືອດ ແລະ ນ້ຳຕາຂອງພະນັກງານ-ນັກຮົບ ທີ່ໄດ້ຮັບບາດເຈັບ ແລະ ເສຍສະຫລະຊີວິດ, ທຸກໄຊຊະນະລ້ວນແຕ່ໄດ້ມາ ຍ້ອນການນຳພາ, ຊີ້ນຳ-ບັນຊາທີ່ແທດເຖິງ, ເດັດ ຂາດ ແລະ ຮອບດ້ານຂອງພັກເຮົາ. ໃນຊຸມປີແຫ່ງການປ່ຽນແປງ ໃໝ່ ແລະ ເປີດກວ້າງກັບການຮ່ວມມືກັບຕ່າງປະເທດກອງ ທັບເຮົາກໍໄດ້ກໍໄດ້ຮັບການພັດທະນາໄປຕາມທິດມີແບບ ແຜນ ແລະ ທັນສະໄໝເປັນກ້າວໆ, ເວົ້າລວມແລ້ວ, ກອງທັບປະຊາ ຊົນລາວຍາມໃດກໍເປັນແກ່ນສານໃຫ້ແກ່ວຽກ ງານປ້ອງກັນຊາດ-ປ້ອງກັນຄວາມສະຫງົບຮອບດ້ານ, ເປັນກຳລັງທີ່ມີຄວາມຈົງ ຮັກພັກດີ ແລະ ຊື່ສັດບໍລິສຸດຕໍ່ພັກ-ຕໍ່ປະເທດຊາດ ແລະ ຕໍ່ປະຊາຊົນ. ຍ້ອນແນວນັ້ນພັກ- ລັດ ແລະ ທົ່ວປວງຊົນລາວ ຈຶ່ງ ໃຫ້ຄວາມເຊື່ອໝັ້ນ, ໄວ້ ວາງໃຈ ແລະ ໃຫ້ການສະໜັບສະໜູນຊ່ວຍເຫລືອອຸ້ມຊູກອງທັບຕະຫລອດມາ. ຜ່ານໄລຍະປະຫວັດສາດ 65 ປີ ແຫ່ງການຕໍ່ສູ້ມີໄຊ ແລະ ເຕີບໃຫຍ່ເຂັ້ມແຂງໃນ ແປວໄຟຂອງສົງຄາມປະຊາຊົນ ເພື່ອຕໍ່ສູ້ກູ້ ຊາດ ແລະ ພາລະກິດ ປົກປັກຮັກສາ ແລະ ພັດທະນາປະເທດຊາດກອງທັບເຮົາໄດ້ສ້າງຜົນງານອັນຍິ່ງໃຫຍ່ ແລະ ສ້າງວິລະກຳອັນເອກອ້າງ ທະນົງໃຈຫລາຍປະການ, ພັກ-ລັດ ແລະ ທົ່ວປວງຊົນລາວເຊື່ອໝັ້ນຢ່າງໜັກແໜ້ນວ່າ: “ກອງທັບຈະສືບຕໍ່ເສີມຂະ ຫຍາຍມູນເຊື້ອ ແລະ ທາດແທ້ອັນດີງາມຂອງຕົນ, ປະຕິບັດໜ້າທີ່ຮັບໃຊ້ພັກ, ຮັບໃຊ້ຊາດດ້ວຍຄວາມຈົງຮັກພັກດີ ແລະ ຮັບໃຊ້ປະຊາຊົນດ້ວຍຄວາມບໍລິສຸດໃຈ” ແລະ ອື່ນໆ.

      ໃນໂອກາດດຽວກັນນີ້, ສະຫາຍ ພົນໂທ ດວງໃຈ ພິຈິດ ກຳມະການກົມການເມືອງສູນກາງພັກ, ຮອງນາຍົກ ລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດໄດ້ກ່າວທົບທວນຄືນ 65 ປີ ແຫ່ງການກຳເນີດ ແລະ ເຕີບໃຫຍ່ຂະຫຍາຍຕົວຂອງກຳລັງປະກອບອາວຸດພາຍໃຕ້ການນຳພາຂອງພັກປະຊາຊົນປະຕິວັດລາວຊຶ່ງເປັນປະ ຫວັດສາດແຫ່ງການທົດສອບອັນໃຫຍ່ຫລວງໃນການຕໍ່ສູ້ອັນຍືດເຍື້ອຍາວນານເພື່ອຍາດເອົາຄວາມເປັນເອກະລາດ ແຫ່ງຊາດໃນຕະຫລອດໄລຍະທາງອັນລະອິດລະອ້ຽວ, ຫຍຸ້ງຍາກລຳບາກທີ່ສຸດນັ້ນກຳລັງປະກອບອາວຸດເຮົາໄດ້ປັບ ປຸງກໍ່ສ້າງກຳລັງຂອງຕົນໃຫ້ເຂັ້ມແຂງ ແລະ ທັນສະໃໝ່ໃນທຸກດ້ານ.