ຂະແໜງອຸດສາຫະກຳປຸງແຕ່ງມີໜໍ່ແໜງເຕີບໃຫຍ່ເທື່ອລະກ້າວ

    ກະຊວງອຸດສາຫະກຳ ແລະ ການຄ້າໃຫ້ຮູ້ເມື່ອບໍ່ດົນນີ້ວ່າ: ການຈັດຕັ້ງປະຕິບັດ ມະຕິ 9 ຂອງ ພັກໃນສອງປີເຄິ່ງຜ່ານມາແມ່ນມີຜົນສຳເລັດຫລາຍດ້ານໂດຍສະ ເພາະມູນຄ່າຜະລິດຕະພັນອຸດສາຫ ະກຳປຸງແຕ່ງສາມາດປະຕິບັດບັນລຸໄດ້ 9.146 ຕື້ກີບ ດ້ວຍອັດ ຕາຂະຫຍາຍຕົວສະເລ່ຍ 12%, ທຽບໃສ່ໄລຍະດຽວກັນຂອງ ກາງສະໄໝແຜນການ 5 ປີ ຄັ້ງທີ 6 ເພີ່ມຂຶ້ນ 15%,ແຕ່ທຽບໃສ່ 5 ປິ 2011​-2015 ແມ່ນສາມາດປະ ຕິບັດໄດ້ 57,4%. ອັນໄດ້ປະກອບ ສ່ວນຊຸກຍູ້ການເຕີບໂຕຂອງ ເສດຖະກິດແຫ່ງຊາດ, ສ້າງວຽກເຮັດງານທຳ, ລວມເຖິງການແກ້ໄຂຄວາມທຸກຍາກ ຂອງປະຊາຊົນ.

    ກະຊວງດັ່ງກ່າວໃຫ້ຮູ້ວ່າ: ໃນສອງປີເຄິ່ງຜ່ານມາ, ຈຳ ນວນໂຮງງານໄດ້ເພີ່ມຂຶ້ນຈາກ 35.946 ແຫ່ງໃນປີ 2010 ມາເປັນ 38.126 ແຫ່ງໃນປີ 2012, ໃນນັ້ນປະເພດກິດຈະການໂຮງງານທີ່ເດັ່ນກ່ວາໝູ່ແມ່ນໃນຂົງເຂດ ປຸງແຕ່ງກະ ສິກຳ ແລະ ປ່າໄມ້,

ໂດຍສະເພາະການປຸງແຕ່ງສະບຽງອາຫານ ແລະ ເຄື່ອງດື່ມ, ຕັດຫຍິບ, ປຸງແຕ່ງໄມ້, ນອກນັ້ນ ຍັງແມ່ນການຜະລິດວັດສະດຸກໍ່ ສ້າງ ແລະ ໂຮງງານປະກອນສິ້ນສ່ວນຕ່າງໆ. ໃນຂະນະທີ່ຈຳນວນແຮງງານອຸດສາຫະ ກຳປຸງແຕ່ງປີ 2012 ມີ 135.273 ຄົນ, ໃນນີ້ຂະແໜງຫັດຖະກຳມີປະ ມານ 15.898 ຄົນ. ສຳລັບມູນຄ່າການນຳ ເຂົ້າສິນຄ້າບັນລຸ 6.559 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງກາງສະໄໝແຜນການ 5 ປີ ຄັ້ງທີ 6 ແມ່ນເພີ່ມ ຂຶ້ນ 104% ຫລື ເທົ່າກັບ 3.347 ລ້ານໂດລາສະ ຫະລັດ. ສ່ວນມູນ ຄ່າການສົ່ງອອກສິນຄ້າບັນລຸໄດ້ 4.603 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງກາງສະໄໝ ແຜນການ 5 ປີ ຄັ້ງທີ 6 ແມ່ນເພີ່ມຂຶ້ນ 48% ຫລື ເທົ່າ ກັບ 1.492 ລ້ານໂດລາສະຫະລັດ.

    ຂະແໜງອຸດສາຫະກຳ ແລະ ການຄ້າໄດ້ເປັນເຈົ້າການປະກອບສ່ວນເຂົ້າໃນການຮັກສາສະຖຽນລະພາບຂອງ ເສດຖະກິດມະຫາພາກໂດຍສະເພາະແມ່ນການຄຸ້ມຄອງລາຄາສິນຄ້າທີ່ກະທົບໄວຕໍ່ການຜະລິດ ແລະ ຕໍ່ຊີວິດການ ເປັນຢູ່ຂອງປະຊາຊົນກໍຄືສັງຄົມ, ການດັດສົມຕອບສະໜອງຄວາມຕ້ອງການ, ການລົບລ້າງແກ້ໄຂຂັ້ນຂອດຕ່າງໆ ທີ່ເປັນອຸປະສັກຕໍ່ການຈໍລະຈອນສິນຄ້າ ແລະ ອື່ນໆ. ປັດຈຸບັນໄດ້ມີກົດໝາຍປົກປ້ອງຜູ້ຊົມໃຊ້ ແລະ ໄດ້ຈັດຕັ້ງອົງ ການປະຕິບັດວຽກ ງານປົກປ້ອງຜູ້ຊົມໃຊ້ 3 ຂັ້ນໃນ ຂະແໜງອຸດສາຫະກຳ ແລະ ການຄ້າ ແລະ ຂະແໜງອື່ນໆທີ່ ກ່ຽວຂ້ອງ, ລວມໄປເຖິງເຈົ້າໜ້າທີ່ໄດ້ເອົາໃຈໃສ່ເຄື່ອນໄຫວກວດກາການຄ້າໃນຂອບເຂດຮັບຜິດຊອບຂອງຕົນຊຶ່ງສາ ມາດກວດສອບ ແລະ ປະກອບສຳນວນຄະດີໄດ້ກວ່າ 1 ພັນເລື່ອງ, ເຮັດໃຫ້ການຄ້ານອກລະບົບຫລຸດໜ້ອຍລົງ. ສະ ເພາະຫົວໜ່ວຍວິສາຫະກິດທີ່ຂຶ້ນທະບຽນໃນຂະແໜງການຜະລິດ, ການຄ້າ ແລະ ການບໍລິການໃນທົ່ວປະເທດມີ ທັງໝົດ 88.845 ຫົວໜ່ວຍ, ມີທຶນຈົດທະບຽນ 242.650 ຕື້ກວ່າກີບ. ພ້ອມນັ້ນໄດ້ມີການກະກຽມຄວາມພ້ອມ ໃນເງື່ອນໄຂການເຊື່ອມໂຍງປະຊາຄົມເສດຖະກິດອາຊຽນໃນປີ 2015 ນຳດ້ວຍ.