ອົງການໄອຍະການປະ ຊາຊົນສູງສຸດ, ໄດ້ຈັດຖະແຫລງກ່ຽວກັບການກະກຽມຈັດກອງປະຊຸມໄອຍະການປະຊາຊົນສູງສຸດທົ່ວປະເທດປະຈຳປີ
2012- 2013 ຂຶ້ນໃນວັນທີ 3 ມັງກອນນີ້ ຢູ່ອົງການດັ່ງກ່າວໃຫ້ກຽດຖະແຫລງໂດຍທ່ານ
ໄຊຊະນະ ໂຄດພູທອນ ຮອງຫົວໜ້າອົງການໄອຍະການປະຊາຊົນສູງສຸດ,
ມີບັນ ດາສື່ມວນຊົນເຂົ້າຮ່ວມ.
ທ່ານຮອງຫົວໜ້າອົງການໄອຍະການປະຊາຊົນສູງສຸດ
ກ່າວວ່າ: ກອງປະຊຸມອົງການໄອຍະການປະຊາຊົນສູງສຸດປະຈຳປີ 2012-2013 ຈະໄດ້ຈັດຂຶ້ນໃນແຕ່ວັນທີ
7-9 ມັງກອນນີ້ ຊຶ່ງຈະເນັ້ນໃສ່ດ້ານວິຊາການໂດຍເພາະແມ່ນບັນດາຂໍ້ກຳນົດກົດ
ໝາຍຕ່າງໆເຊັ່ນ: ກົດໝາຍແພ່ງ, ກົດ ໝາຍອາຍາ, ກົດໝາຍການຄ້າ ແລະ ກົດໝາຍອື່ນໆ ທີ່ຍັງເຫັນວ່າຜ່ານການຈັດຕັ້ງປະ
ຕິບັດໃນຂົງເຂດໄອຍະການບໍ່ທັນເປັນເອ ກະພາບກັນ ທັງນີ້ກໍເພື່ອພ້ອມກັນຄົ້ນຄ້ວາປະກອບຄຳຄິດຄຳເຫັນໃສ່ເນື້ອໃນບັນດາກົດໝາຍ ຕ່າງໆ
ເຮັດໃຫ້ກົດໝາຍເປັນເອກະພາບໃນການຈັດຕັ້ງປະຕິບັດ ຜ່ານມາເຫັນວ່າການຈັດຕັ້ງປະຕິບັດກົດ
ໝາຍຂອງເຈົ້າໜ້າທີ່ເຮັດວຽກສືບສວນ-ສອບສອນ ຍັງບໍ່ທັນເປັນເອກະພາບກັນ
ຊຶ່ງສ້າງຄວາມເຂົ້າໃຈຜິດແກ່ສັງຄົມຕໍ່ການຈັດຕັ້ງປະ ຕິບັດກົດໝາຍດັ່ງ ກ່າວ, ພ້ອມກັນ
ຄົ້ນຄ້ວາບັນຫາທີ່ຂາດຕົກບົກຜ່ອງໂດຍສະເພາະແມ່ນບັນຫາຂໍ້ຕົກລົງຂອງຄະນະປະຈຳສະພາແຫ່່ງຊາດ
ເລກທີ 0134/ຄປຈ, ລົງວັນທີ 04/12/ 2013 ວ່າດ້ວຍການຈັດຕັ້ງປະ ຕິບັດມາດຕາ 173 ຂອງກົດໝາຍອາຍາ,
ມະຕິຕົກລົງຂອງຄະນະປະຈຳສະພາແຫ່ງຊາດເລກທີ 39/ຄປຈ,ລົງວັນທີ 31/5/2013 ກ່ຽວກັບການຕີຄວາມກົດ
ໝາຍ, ຂໍ້ຕົກລົງຂອງຫົວໜ້າອົງການໄອຍະການປະຊາຊົນສູງສຸດເລກທີ 893/ອອປສ, ລົງວັນທີ
25/9/ 2013 ວ່າດ້ວຍພະນັກງານໄອຍະການປະຊາຊົນ ແລະ ຜູ້ຊ່ວຍ ພ້ອມນີ້ກອງປະຊຸມຍັງຈະໄດ້ຕີລາຄາການຈັດຕັ້ງປະຕິບັດວຽກງານໄອຍະການໃນຕະຫລອດໄລຍະ
1 ປີຜ່ານມາ, ສະຫລຸບຂະບວນການແຂ່ງຂັນຮັກຊາດ ແລະ ພັດທະນາຕາມຄຳຂວັນ 3 ມີ 4 ຮັບປະກັນ
ແລະ ມອບໃບຍ້ອງບໍໃຫ້ແກ່ກົມກອງ ແລະ ບຸກຄົນດີເດັ່ນຕື່ມອີກ.
No comments:
Post a Comment