ການປັບປຸງເສັ້ນທາງເລກ 9 ຄືບ ຫນ້າ 60%

       ທ່ານ ດຣ ບຸນຈັນ ສິນທະວົງ ລັດຖະມົນຕີຊ່ວຍວ່າການກະ ຊວງໂຍທາທິການ ແລະ ຂົນສົ່ງພ້ອມຄະນະໄດ້ເຄື່ອນໄຫວ ຕິດຕາມກວດກາຄວາມຄືບໜ້າໂຄງການປັບ ປຸງທາງເລກ 9 ແຂວງ ສະຫວັນນະເຂດ ໃນວັນທີ 13 ມັງກອນນີ້ ໂດຍມີທ່ານ ດຣ ແສງ ທອງ ວັງແກ້ວມະນີ ຫົວໜ້າພະແນກໂຍທາທິການ ແລະ ຂົນສົ່ງແຂວງ ແລະ ພາກສ່ວນກ່ຽວ ຂ້ອງໃຫ້ການຕ້ອນຮັບ.

        ໂຄງການປັບປຸງເສັ້ນທາງເສດຖະກິດເຊື່ອມຕໍ່ອະນຸພາກພື້ນຕາເວັນອອກ- ຕາເວັນຕົກຕອນລຸ່ມ ແມ່ນ້ຳຂອງຫລືເອີ້ນອີກ ຢ່າງໜຶ່ງວ່າໂຄງການປັບປຸງທາງເລກ 9 ແຂວງສະຫວັນນະເຂດທີ່ມີຄວາມຍາວ 56 ກມ, ໄດ້ ຮັບທຶນຊ່ວຍເຫລືອລ້າຈາກລັດ ຖະບານຍີ່ປຸ່ນໃນການກໍ່ສ້າງຈຳນວນ 28 ລ້ານກວ່າໂດລາສະ ຫະລັດໂດຍແມ່ນ

ບໍລິສັດໂອບາ ຢາຊິໂລດຈອຍເວັນເຈີ້ເປັນຜູ້ຮັບ ເໝົາກໍ່ສ້າງ, ການກໍ່ສ້າງແມ່ນ ໄດ້ແບ່ງອອກເປັນ 2 ຕອນທາງ ຄື: ນັບແຕ່ເມືອງ ອາດສະພັງ ທອງຫາເມືອງພະລານໄຊມີ ຄວາມ ຍາວ 47 ກມ ແລະ ຕອນທີ 2 ແມ່ນເລີ່ມແຕ່ເຊທ່າມວກຫາ ເມືອງພີນ ມີ ຄວາມຍາວ 11 ກມ. ໂຄງການປັບປຸງເສັ້ນທາງເລກ 9 ໄດ້ເລີ່ມລົງມືກໍ່ສ້າງມາແຕ່ເດືອນກັນຍາ 2012 ເປັນຕົ້ນມາພາຍຫລັງ ທີ່ໄດ້ເຊັນສັນຍາໂຄງການ ໃນວັນທີ 26 /04/2012 ຄາດວ່າ ຈະໃຫ້ສຳເລັດໃນເດືອນມີນາ 2015.

   ທ່ານ ດຣ ແສງທອງ ວັງແກ້ວ ມະນີ ໄດ້ໃຫ້ສຳພາດວ່າ: ມາ ຮອດປັດຈຸບັນການປັບປຸງກໍ່ສ້າງ ເສັ້ນທາງເລກ 9 ແມ່ນມີ ຄວາມຄືບໜ້າປະມານ 62% ຖ້າທຽບ ໃສ່ແຜນການເຫັນວ່າຍັງມີຄວາມຊັກຊ້າເລັກໜ້ອຍປະມານ 3% ເນື່ອງຈາກວ່າວັດສະ ດຸກໍ່ສ້າງໂດຍສະເພາະແມ່ນຫີນຫາຍາກບໍ່ພຽງພໍກັບຄວາມຕ້ອງການ ແລະ ການອອກແບບເບື້ອງຕົ້ນບາງບ່ອນຍັງບໍ່ແທດເໝາະ ເຮັດໃຫ້ຕ້ອງໄດ້ມີການປັບປຸງຄືນໃໝ່. ສະນັ້ນ ຈິ່ງເຮັດໃຫ້ບໍລິມາດວຽກເພີ່ມຂຶ້ນອີກແນວໃດກໍຕາມພວກເຮົາກໍຈະພະຍາຍາມ ສູ້ຊົນຈັດຕັ້ງປະຕິບັດໃຫ້ໂຄງການສຳເລັດຕາມແຜນການ ແລະ ມີມາດຕະຖານຢ່າງແທ້ຈິງ. 

         ເພື່ອຮັບປະກັນໃຫ້ການກໍ່ສ້າງປັບປຸງເສັ້ນທາງເລກ 9 ມີຄວາມສະດວກສະບາຍເປັນໄປຕາມແຜນການ, ທາງບໍລິສັດຜູ້ ຮັບເໝົາກໍ່ສ້າງຈິ່ງຂໍສະເໜີໃຫ້ຂັ້ນເທິງຊ່ວຍປຶກສາຫາລື ແລະ ຊຸກຍູ້ພາກສ່ວນທີ່ຮັບຜິດຊອບໃນການຄຸ້ມຄອງລົດບັນທຸກໜັກ ຜ່ານທາງເລກ 9 ໃຫ້ຢູ່ໃນຂອບເຂດມາດຕະຖານທີ່ໄດ້ກຳນົດເອົາໄວ້. ອີກດ້ານໜຶ່ງກໍເພື່ອເປັນການປົກປັກຮັກສາເສັ້ນທາງໃຫ້ ສາມາດນຳໃຊ້ໄດ້ຍາວນານພ້ອມທັງສະເໜີໃຫ້ພະແນກໂຍທາທິການ ແລະ ຂົນສົ່ງຊ່ວຍປັບປຸງຊີງຊັ່ງນ້ຳໜັກຢູ່ສະຖານີຕິດຕັ້ງ ຊັ່ງດົງເຫັນເພື່ອໃຫ້ມີຄວາມຊັດເຈນຕື່ມອີກ.

         ໂອກາດນີ້, ທ່ານລັດຖະມົນຕີຊ່ວຍວ່າການກະຊວງໂຍ ທາທິການ ແລະ ຂົນສົ່ງຍັງຕິດຕາມເບິ່ງການກໍ່ສ້າງຂົວອູ່ບ້ານ ດົງສະຫວັນ ເມືອງເຊໂປນ ມີຂະໜາດ 188 ແມັດx9 ແມັດ (ບວກ ທາງຍ່າງເບື້ອງລະ 1 ແມັດ ) ມີ ມູນຄ່າການກໍ່ສ້າງ 47 ຕື້ກີບ ໄດ້ເລີ່ມລົງມືຈັດຕັ້ງປະຕິບັດມາ ແຕ່ເດືອນ 4/2013 ຄາດຈະໃຫ້ ສຳເລັດໃນເດືອນເມສາປີ 2015 ນີ້ ໂດຍແມ່ນບໍລິສັດ ຄູນໄຊພັດທະນາກໍ່ສ້າງຈຳກັດ ເປັນຜູ້ຮັບ ເໝົາກໍ່ສ້າງຮອດດຽວນີ້, ສຳເລັດ ໄປແລ້ວ 22% ຂອງແຜນການ. ຕໍ່ດ້ວຍການ ຕິດຕາມເບິ່ງໂຄງການກໍ່ສ້າງທີ່ກຳລັງຈະລົງມືກໍ່ ສ້າງໃນມໍ່ໆນີ້ກໍຄືໂຄງການກໍ່ສ້າງປັບປຸງທາງ 1G ແລະ ໂຄງການກໍ່ສ້າງຂົວ ຕາດໄຮເມືອງພີນຕື່ມອີກເຊິ່ງແມ່ນງົບປະມານຂອງລັດຖະບານໂດຍບໍລິສັດລົງທຶນເປັນຜູ້ອອກທຶນກ່ອນໃນນີ້: ໂຄງການ ກໍ່ສ້າງທາງ 1 G ມີຄວາມຍາວ 54 ກມ, ມີມູນຄ່າ 406 ຕື້ກີບ ສ່ວນໂຄງການກໍ່ສ້າງຂົວຕາດໄຮ ມີມູນຄ່າໂຄງການຈຳນວນ 52 ຕື້ກວ່າກີບ.