ຕົ້ນປີໃຫມ່ນະຄອນຫລວງວຽງຈັນມີຜູ້ເສຍຊີວິດແລ້ວ 13 ຄົນ ຍ້ອນອຸປະຕິເຫດ

         ເຈົ້າໜ້າທີ່ພະແນກຕຳຫຼວດ ຈະລາຈອນນະຄອນຫຼວງວຽງ ຈັນ ໃຫ້ຮູ້ວ່າ: ນັບແຕ່ ເຂົ້າສູ່ປີໃໝ່ 2014 ມານີ້ ຢູ່ນະ ຄອນຫຼວງວຽງ ຈັນມີອຸປະຕິເຫດເກີດຂຶ້ນ 50 ກ່ວາກໍລະນີ ສົ່ງຜົນໃຫ້ມີຜູ້ເສຍຊີວິດ 13 ຄົນ, ໂດຍທຽບໃສ່ໄລຍະດຽວກັນ ຂອງປີຜ່ານມາເຫັນວ່າ ມີຈຳນວນເພີ່ມຂື້ນ 7 ກໍລະນີ ແລະ ຜູ້ເສຍຊີວິດເພີ່ມຂື້ນ 3 ຄົນ, ຊຶ່ງຄິດສະເລ່ຍແລ້ວມື້ ໜຶ່ງຈະມີອຸປະ ຕິເຫດເກີດຂຶ້ນ 5 ກໍລະນີ ແລະ ມີຜູ້ເສຍຊີວິດ 1 ຄົນ, ຊຶ່ງສາເຫດສ່ວນ ໃຫຍ່ທີ່ພາໃຫ້ເກີດອຸປະຕິເຫດຍ້ອນການດື່ມສິ່ງມຶນ ເມົາ, ຂັບຂີ່ລົດໄວ, ລ້ຽວລົດບໍ່ຮັບປະກັນ ແລະ ການລະເມີດກົດລະບຽບຈະລາຈອນອື່ນໆ. ຕໍ່ສະພາບດັ່ງກ່າວທາງເຈົ້າໜ້າທີ່ ຫ້ອງຕຳ ຫຼວດນະຄອນຫຼວງວຽງຈັນ ກໍໄດ້ມີການຄົ້ນຄວ້າຮ່ວມ ກັບເຈົ້າໜ້າທີ່ຈະລາຈອນນະຄອນ ຫຼວງວຽງຈັນເພື່ອແກ້ໄຂບັນຫາດັ່ງກ່າວໂດຍໄດ້ເພີ່ມທະວີຢ່າງເຂັ້ມງວດໃນການອອກກວດ ກາຍວດຍານພາຫະນະຕາມສາຍທາງໃຫ້ເຂັ້ມງວດກວ່າເກົ່າ, ພ້ອມທັງເພີ່ມທະວີການໂຄສະນາເລື່ອງຂັບຂີ່ທີ່ປອດໄພຕາມທ້ອງ ຖະໜົນໃຫ້ນັກຮຽນ ແລະ ກຳມະກອນຕາມໂຮງຈັກໂຮງງານ ແລະ ຊຸມຊົນຕ່າງໆ, ເພາະວ່າສ່ວນໃຫຍ່ອຸປະຕິເຫດທີ່ເກີດ

ແມ່ນກຸ່ມດັ່ງກ່າວ, ຂະນະດຽວກັນກໍເພີ່ມມາດຕະການທາງດ້ານ ກົດໝາຍສຳລັບຜູ້ຝ່າຝືນເມົາແລ້ວຂັບ ແລະ ອື່ນໆເພື່ອເຮັດ ໃຫ້ສັງຄົມມີສະຕິຕື່ນຕົວ ແລະ ຮ່ວມກັນປ້ອງກັນສະກັດກັ້ນອຸ ປະຕິເຫດໃຫ້ຫຼຸດລົງເທື່ອລະກ້າວ.

         ເຈົ້າໜ້າທີ່ພະແນກຕຳຫຼວດຈະລາຈອນ ນະຄອນຫຼວງວຽງຈັນ ໃຫ້ຮູ້ວ່າ: ໃນປີຜ່ານມາ ຢູ່ນະຄອນຫຼວງວຽງຈັນ ມີອຸປະຕິເຫດເກີດຂຶ້ນ 2.368 ກໍລະນີ, ຊຶ່ງມີຜົນເສຍຫາຍຈາກການເກີດອຸປະຕິເຫດລົດເປ່ເພ 3.044 ຄັນ, ຄົນ ບາດ ເຈັບທັງໝົດ 2.368 ຄົນ ແລະ ເສຍຊີວິດ 202 ຄົນ, ທຽບ ໃສ່ໃນປີ 2012 ຈຳນວນຜູ້ເສຍຊີ ວິດຫຼຸດລົງ, ແຕ່ຕົວເລກການ ເກີດອຸປະຕິເຫດເພີ່ມຂື້ນຫຼາຍຢ່າງໜ້າເປັນຫ່ວງ.