ນຳສະເຫນີລົດໂຕໂຢຕາ ໂຄໂຣລາ ອາຕິສ ຮຸ້ນໃຫມ່

       ວັນທີ 14 ມັງກອນນີ້ບໍລິສັດ ມໍເຕີ ປະເທດໄທຈຳກັດໄດ້ຈັດພິທີນຳສະເຫນີລົດ ໂຕໂຍຕາໂຄໂຣລ່າ ອາຕິສ ຮຸ້ນໃໝ່ຂຶ້ນ, ຢູ່ຮ້ານອາຫານມິກນ້ຳພຸ, ບ້ານຊຽງຍືນ, ເມືອງ ຈັນທະບູລີ, ນະຄອນຫຼວງວຽງຈັນ, ໂດຍການເຂົ້າຮ່ວມຂອງທ່ານ ປະກອນ ວົງວິທະ ຍາພິຣົມ ທີ່ປຶກສາບໍລິຫານບໍລິສັດໂຕໂຍຕາ ມໍເຕີ ປະເທດໄທຈຳກັດ, ທ່ານ ກຳພົນ ເອກເມທີພັນ, ຜູ້ອຳນວຍການ ຝ່າຍປະກຕິບັດການ ສປປ ລາວ, ມີລູກຄ້າ ແລະ ແຂກເຂົ້າຮ່ວມເປັນຈຳນວນຫຼາຍ.

        ທ່ານ ຈັກກຣິນ ຊົນນະທີ ທອນ ຮອງຜູ້ອຳນວຍການຝ່າຍປະຕິບັດການ ສປປ ລາວ ບໍລິສັດ ໂຕໂຍຕ້າ ມໍເຕີ ປະເທດ ໄທຈຳກັດ ກ່າວວ່າ: ລົດໂຕໂຍຕ້າ ໂຄໂຣລາ ອາຕິສ ຮຸ້ນໃໝ່ທີ່ນຳມາເປີດໂຕໃນມື້ນີ້,

ໄດ້ມີພັດທະນາການໃນເລື່ອງຂອງຮູບແບບໃຫ້ເບິ່ງທັນສະໄໝຂຶ້ນ, ລວມເຖິງປະໂຫຍດໃຊ້ສອຍ ແລະ ສະມັດຕະພາບການຂັບ ຂີ່ທີ່ດີເລີດ, ຊຶ່ງການອອກແບບໄດ້ຖືກພັດທະນາຢ່າງດີ, ພາຍນອກເບິ່ງສວຍງາມ, ສ່ວນພາຍໃນຫ້ອງໂດຍສານໃຊ້ວັດສະດຸຕົບ ແຕ່ງຄຸນະພາບສູງ, ພ້ອມດ້ວຍອຸປະກອນອຳນວຍຄວາມສະດວກຄົບເຄື່ອງ, ນອກນັ້ນລະບົບຂັບເຄື່ອນຍັງຖືກອອກແບບມາ ຢ່າງມີປະສິດທິພາບດ້ວຍລະບົບເກຍອັດຕະໂນມັດ Sper CVT-I ເຮັດວຽກຮ່ວມກັບ Dual VVT-I  ເຮັດໃຫ້ມີສະມັດ ຕະພາບການຂັບຂີ່ສູງສຸດ ແລະ ມີຄວາມ ປອດໄພສູງ.