laophatthananewspaper: ເພີ່ມທະວີການປະສານງານລະຫວ່າງກຳມາທິການເສດຖະກິດແຜນການ

ກຳມາທິການເສດຖະກິດແຜນການ ແລະ ການເງິນຂອງສະພາແຫ່ງຊາດ ແລະ ອົງການກວດສອບແຫ່ງລັດ ໄດ້ຮ່ວມກັນຈັດຊຸດສຳມະນາກ່ຽວກັບວຽກງານກວດສອບ ແລະ ເຜີຍແຜ່ລະ ບຽບການປະສານງານຮ່ວມລະ ຫວ່າງສອງພາກສ່ວນດັ່ງກ່າວ ຂຶ້ນໃນວັນທີ 30 ມັງກອນນີ້, ທີ່ນະຄອນຫລວງວຽງຈັນ, ໂດຍການເປັນປະທານຂອງ ທ່ານ ດຣ ໄຊສົມພອນ ພົມວິຫານຮອງປະທານສະພາແຫ່ງຊາດ, ມີບັນດາສະມາຊິກສະພາແຫ່ງຊາດ ແລະ ພາກສ່ວນກ່ຽວຂ້ອງອ້ອມຂ້າງເຂ້ົາຮ່ວມ.

ຊຸດສຳມະນາຄັ້ງນີ້, ແມ່ນ ເປັນເທື່ອທຳອິດທີ່ໄດ້ນຳເອົາເນື້ອໃນລະອຽດມະຕິຕົກລົງຂອງຄະ ນະປະຈຳສະພາແຫ່ງຊາດວ່າດ້ວຍການປະສານງານລະ ຫວ່າງສອງພາກສ່ວນມາເຜີຍແຜ່ ແລະ ຄ້ົນຄວ້າພິຈາລະນາ ກ່ຽວກັບເນື້ອໃນບົດກວດສອບການສະຫລຸບຂາດຕົວການຈັດຕັ້ງປະ ຕິບັດແຜນງົບປະມານແຫ່ງລັດ ຊຶ່ງແມ່ນໜ້າທີ່ຂອງທັງສອງພາກ ສ່ວນໄດ້ພ້ອມກັນຈັດຕ້ັງປະ ຕິບັດໃຫ້ໄດ້ຮັບຜົນ. ພ້ອມນີ້ ຍັງໄດ້ຮັບຟັງການບັນຍາຍຂອງຊ່ຽວຊານກວດສອບສາກົນຂອງທະນາ ຄານພັດທະນາອາຊີກ່ຽວກັບວຽກງານການຄົ້ນຄວ້າພິຈາລະ ນາບົດກວດສອບຂອງອົງການກວດສອບແຫ່ງລັດ ຊຶ່ງໄດ້ນຳເອົາບົດຮຽນທາງທິດສະດີ ແລະ ບົດຮຽນສາກົນຈຳນວນໜຶ່ງມານຳສະເໜີເປັນຕົ້ນ: ພາລະບົດ ບາດ ແລະ ຄວາມຮັບຜິດຊອບຂອງອົງການກວດສອບແຫ່ງລັດ, ການຕິດຕາມກວດກາດ້ານງົບປະມານແຫ່ງລັດໂດຍສະພາແຫ່ງຊາດ ແລະ ບົດບາດຂອງອົງການກວດສອບ

ແຫ່ງລັດ, ການປະສານງານຢ່າງເປັນປົກກະຕິ ລະຫວ່າງກຳມາທິການເສດຖະ ກິດ-ແຜນການ ແລະ ການເງິນສະພາແຫ່ງຊາດ ແລະ ອົງ ການກວດສອບແຫ່ງລັດ, ການຄ້ົນ ຄວ້າ ແລະ ສ້າງຄວາມເຂົ້າໃຈກ່ຽວກັບບົດລາຍງານຜົນການ ກວດສອບ ແລະ ຂັ້ນຕອນການ ຈັດຕັ້ງປະຕິບັດລວມທັງການຕິດຕາມກວດກາການຈັດຕັ້ງປະ ຕິບັດມະຕິຂອງສະພາແຫ່ງຊາດ ເປັນເວລາສອງປີກວ່າມາແລ້ວ, ທີ່ກຳມາທິການເສດຖະກິດ-ແຜນ ການ ແລະ ການເງິນ ສະພາແຫ່ງຊາດ ໄດ້ເປັນເຈົ້າການຮ່ວມກັບ ອົງການກວດສອບແຫ່ງລັດ ແລະ ພາກສ່ວນກ່ຽວຂ້ອງໃນການ ຄ້ົນຄວ້າສ້າງລະບຽບການປະ ສານງານ ເພື່ອປຶກສາຫາລືແລກ ປ່ຽນຄວາມຄິດເຫັນກ່ຽວກັບວຽກງານການຈັດສັນງົບປະ ມານແຫ່ງລັດປະຈຳສົກປີ, ການ ຄົ້ນຄວ້າເພື່ອຮັບຮອງເອົາໂຄງ ການລົງທຶນຂະໜາດໃຫຍ່ຂອງລັດ, ວຽກງານການກວດສອບບົດສະຫລຸບຂາດຕົວການຈັດ ຕັ້ງປະຕິບັດງົບປະມານແຫ່ງລັດ ແລະ ການພິຈາລະນາຮັບຮອງບັນຫາສຳຄັນທາງດ້ານເສດຖະ ກິດ. ເຖິງວ່າກຳມາທິການເສດ ຖະກິດ-ແຜນການ ແລະ ການເງິນ ຂອງສະພາແຫ່ງຊາດ ແລະ ອົງການກວດສອບ ໄດ້ຮ່ວມກັນຄົ້ນຄວ້າພິຈາລະນາ ແລະ ກຳນົດມາດຕະການ ເພື່ອໃຫ້ໜ່ວຍງານງົບປະມານທີ່ຖືກກວດສອບ ແລະ ເຫັນວ່າມີການລະເມີດວິໄນການເງິນ ໃຫ້ມີການປັບປຸງແກ້ໄຂ ພ້ອມທັງຕິດຕາມຜົນການແກ້ໄຂຢ່າງເປັນລະບົບແລ້ວກໍຕາມ ແຕ່ການພົວພັນປະສານງານຍັງບໍ່ທັນເປັນຫລັກການ, ເປັນແບບແຜນ ແລະ ຂັ້ນຕອນລະອຽດເທົ່າທີ່ຄວນ. ສະນັ້ນຊຸດສຳມະນາ ຄັ້ງນີ້ ເປັນໂອກາດອັນດີ ທີ່ຈະຊ່ວຍໃຫ້ການພົວພັນປະສານງານກ່ຽວກັບການຕິດຕາມກວດ ກາຂອງສະ ພາແຫ່ງຊາດ ແລະ ອົງການກວດສອບແຫ່ງລັດ ໃຫ້ມີຄວາມສະດວກຄ່ອງຕົວ ແລະ ມີຄວາມເປັນເອກະພາບກັນຫລາຍຂຶ້ນ ກວ່າເກົ່າ ໂດຍສະເພາະແມ່ນການຮັບຟັງລາຍງານຈາກຫົວໜ່ວຍຖືກກວດສອບ ແລະ ການຕິດຕາມກວດກາຜົນການແກ້ໄຂ ຕາມຂໍ້ແນະນຳຂອງການກວດສອບ.