ລາຄາສິນຄ້າບໍລິໂພກຊ່ວງປີໃໝ່ສາກົນຫຼຸດລົງທຽບໃສ່ປີຜ່ານມາ

          ຈາກການລົງຕິດຕາມລາ ຄາສິນຄ້າຂອງນັກຂ່າວຂອງ ພວກເຮົາໃນຊ່ວງປີໃໝ່ ສາກົນນີ້ ເຫັນວ່າ: ບັນຍາກາດການຊື້- ຂາຍສິນຄ້າຢູ່ຕາມຕະຫຼາດຕ່າງໆໃນນະຄອນ ຫຼວງວຽງຈັນ ເຊັ່ນ: ຕະຫຼາດທົ່ງຂັນຄຳ, ຕະຫຼາດຂົວດິນ, ຕະຫຼາດໂພນສະຫວ່າງ ແລະ ຕະຫຼາດອື່ນໆແມ່ນມີ ຄວາມຄຶກຄື້ນສົມຄວນ, ດ້ານລາ ຄາສິນຄ້າບາງຢ່າງມີການ ເໜັງ ຕີງເລັກນ້ອຍແຕ່ທຽບໃສ່ໄລຍະ ດຽວກັນຂອງປີຜ່ານມາແມ່ນຫຼຸດລົງເຊັ່ນ: ຊີ້ນ ງົວລາຄາຢູ່ທີ 70-75 ພັນກີບ/ກິໂລ, ສ່ວນປີຜ່ານມາ ແມ່ນລາຄາ 75-80 ພັນ ກີບ/ ກິໂລ, ຊີ້ນໝູ 30-37 ພັນກີບ/ ກິໂລ, ປີຜ່ານມາ 35-40 ພັນກີບ/ ກິໂລ, ປານິນ ກະຊັງ 16-18 ພັນ ກີບ/ກິໂລ, ປີຜ່ານ ມາ 18-22 ພັນ ກີບ/ກິໂລ, ເປັດໄກ່ 40-45 ພັນ ກີບ/ກິໂລ, ປີຜ່ານມາ 45-50 ພັນ

ກີບ/ກິໂລ, ສ່ວນລາຄາພືດຜັກ ແມ່ນຄົງ ຕົວຕາມປົກກະຕິ ເຊັ່ນ: ລາຄາຜັກຫອມປ້ອມ-ຫອມບົ່ວ 16-20 ພັນກີບ/ກິໂລ, ຜັກ ສະຫຼັດ 8-10 ພັນກີບ/ກິໂລ, ໜາກເຜັດ 30-35 ພັນກີບ/ກິໂລ ແລະ ໝາກ ນາວ 8-10 ພັນ ກີບ/ກິໂລ.

   ແມ່ຄ້າຊາວຂາຍ ແລະ ຜູ້ບໍລິໂພກຕ່າງໃຫ້ເຫດຜົນວ່າ: ປີໃໝ່ປີນີ້ລາຄາສິນຄ້າມີສະພາບຄ່ອງຕົວດີເນື່ອງຈາກວ່າຜູ້ຜະລິດສາ ມາດຕອບສະໜອງໃຫ້ພຽງພໍກັບຄວາມຕ້ອງການຂອງຕະຫຼາດ ແລະ ເຮັດໃຫ້ລາຄາບໍ່ມີການເໜັ່ງຕີງ, ສ່ວນປີຜ່ານມາແມ່ນ ສິນຄ້າບໍ່ພຽງພໍກັບຄວາມຕ້ອງການຂອງຕະຫຼາດຈຶ່ງເຮັດໃຫ້ລາຄາຖີບໂຕຂຶ້ນສູງ.