laophatthananewspaper: ສົກປີຜ່ານມາຂະແໜງພະລັງງານໄຟຟ້າມີຄວາມຄືບໜ້າຫລາຍດ້ານ

ໃນການຈັດຕັ້ງປະຕິບັດແຜນພັດທະນາເສດຖະກິດ- ສັງຄົມສົກປີ 2012- 2013 ເຖິງວ່າໄດ້ຮັບຜົນກະທົບທັງດ້ານບວກ ແລະ ດ້ານລົບຈາກສະພາບແວດລ້ອມພາຍໃນ ແລະ ສາກົນກໍຕາມ ແຕ່ຍ້ອນມີການຊີ້ນຳນຳພາຢ່າງໃກ້ຊິດຂອງສູນກາງພັກ ແລະ ລັດຖະບານ, ຄວາມເອົາໃຈໃສ່ບຸກບືນຂອງບັນດາຂະແໜງການ ແລະ ທ້ອງຖິ່ນ ລວມທັງການປະ ກອບສ່ວນຂອງປະຊາຊົນລາວບັນດາເຜົ່າ ກໍຄືການສະໜັບສະ ໜູນຈາກປະເທດເພື່ອນມິດ ແລະ ຄູ່ຮ່ວມພັດທະນາ ເຮັດໃຫ້ເສດ ຖະກິດສັງຄົມ ໃນສົກປີດັ່ງກ່າວໄດ້ຮັບຜົນສຳເລັດໃນຫລາຍຂະແໜງການ ຊຶ່ງໃນນັ້ນ ຂະແໜງພະລັງງານ ແລະ ບໍ່ແຮ່ ກໍໄດ້ຮັບ ການພັດທະນາ ແລະ ຈັດຕັ້ງປະ ຕິບັດຢ່າງມີຜົນສຳເລັດຫລາຍດ້ານ.

ຕາມຂໍ້ມູນໃນບົດສະຫລຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ສົກປີ 2012-2013 ຂອງກະຊວງແຜນ

ການ ແລະ ການລົງທຶນ ໄດ້ໃຫ້ຮູ້ວ່າ: ມາຮອດປັດຈຸບັນ ໃນທົ່ວປະເທດ ມີເຂື່ອນໄຟຟ້າ ທີ່ກຳລັງດຳເນີນການຜະລິດກະແສໄຟຟ້າທີ່ມີກຳລັງຕິດຕັ້ງ 1 MW ຂຶ້ນໄປ ລວມມີ 23 ແຫ່ງ, ໃນນັ້ນ ເຂື່ອນທີ່ບໍລິສັດໄຟຟ້າລາວຄຸ້ມຄອງມີ 10 ແຫ່ງ, ເອກະຊົນຄຸ້ມຄອງ 13 ແຫ່ງ, ທົ່ວປະເທດມີລະບົບສາຍສົ່ງໄຟຟ້າຍາວທັງໝົດ 43.860, 34 ກິໂລແມັດ ແລະ ໃນສົກປີ 2012-2013 ນີ້ ໄດ້ຂະຫຍາຍລະ ບົບສາຍສົ່ງໄດ້ 4.336, 54 ກິໂລ ແມັດ, ສາມາດສະໜອງໄຟຟ້າໃຫ້ປະຊາຊົນຊົມໃຊ້ໄດ້ 143 ເມືອງ 6.797 ບ້ານ ແລະ 926.341 ຄອບ ຄົວ ເທົ່າກັບ 85,84% ຂອງຈຳ ນວນຄອບຄົວໃນທົ່ວປະເທດ. ພ້ອມກັນນີ້, ໂຄງການເຂື່ອນໄຟຟ້າທີ່ກຳລັງກໍ່ສ້າງ ກໍມີຄວາມຄືບໜ້າດີເປັນຕົ້ນໂຄງການໄຟຟ້າພະລັງງານຄວາມຮ້ອນຫົງສາ ລິກໄນ ມີກຳລັງຕິດຕັ້ງ 1.878 MW ປະຕິບັດໄດ້ 61,90% ຄາດວ່າຈະສຳເລັດ ເພື່ອເປີດການນຳໃຊ້ພາຍໃນ ແລະ ສົ່ງອອກ ໃນປີ 2015; ໂຄງການເຂື່ອນໄຟຟ້ານ້ຳງຽບ 2 ມີກຳລັງຕິດຕັ້ງ 180 MW ປະຕິບັດໄດ້ 48,18% ຄາດວ່າຈະສຳເລັດ ໃນປີ 2015 ເພື່ອ ຊົມໃຊ້ພາຍໃນ; ໂຄງການເຂື່ອນໄຟຟ້າເຊຂະໝານ 1 ມີກຳລັງຕິດຕັ້ງ 322 MW ປະຕິບັດໄດ້ 16,20% ຄາດວ່າຈະໃຫ້ສຳເລັດໃນປີ 2016 ໂຄງການເຂື່ອນໄຟ ຟ້າໄຊຍະບູລີ ມີກຳລັງຕິດຕັ້ງ 1.260 MW ປະຕິບັດໄດ້ 10,77% ຄາດວ່າຈະໃຫ້ສຳເລັດໃນປີ 2019; ໂຄງການເຂື່ອນໄຟ ຟ້າເຊນ້ຳນ້ອຍ 1 ມີກຳລັງຕິດຕັ້ງ 14,8 MW ປະຕິບັດໄດ້ 99% ຄາດວ່າຈະໃຫ້ສຳເລັດໃນປີ 2014; ໂຄງການເຂື່ອນໄຟຟ້ານ້ຳງຽບ 3 A ມີກຳລັງຕິດຕັ້ງ 44 MW ປະຕິບັດໄດ້ 80% ຄາດວ່າຈະໃຫ້ສຳເລັດ ໃນປີ 2014; ໂຄງ ການເຂື່ອນໄຟຟ້ານ້ຳອູ 2 ມີກຳ ລັງຕິດຕັ້ງ 120 MW ປະຕິ 35%; ໂຄງການເຂື່ອນໄຟຟ້ານ້ຳອູ 5 ມີກຳລັງຕິດຕັ້ງ 240 MW ປະຕິ ພັດໄດ້ 28% ແລະ ເຂື່ອນໄຟຟ້ານ້ຳອູ 6 ມີກຳລັງຕິດຕັ້ງ 180 MW ປະຕິບັດໄດ້ 33%; ໂຄງ ການເຂື່ອນໄຟຟ້ານ້ຳກົງ 2 ມີກຳ ລັງຕິດຕັ້ງ 66 MW ປະຕິບັດໄດ້ 40% ຄາດວ່າຈະໃຫ້ສຳເລັດໃນປີ 2015.

ສຳລັບ ພະລັງງານໄຟຟ້າແສງຕາເວັນ ກໍມີການຂະຫຍາຍ ຕົວຢ່າງຕໍ່ເນື່ອງ ແລະ ໄດ້ຕິດຕັ້ງໃຫ້ເຂດຊົນນະບົດຫ່າງໄກສອກຫລີກໄດ້ 14.613 ຄົວເຮືອນ, ພະ ລັງງານໄຟຟ້າຈາກຊີວະມວນ ກໍມີທ່າຂະຫຍາຍຕົວ ແລະ ເກີດຂຶ້ນຫລາຍແຫ່ງເຊັ່ນ: ບໍລິສັດມິດລາວ ກໍໄດ້ສ້າງໂຮງໄຟຟ້າຊີວະມວນຈາກໃບອ້ອຍ ມິກຳລັງຕິດ ຕັ້ງ 3 MW, ບໍລິສັດຮວງແອງຢາລາຍ ສ້າງຕັ້ງໂຮງງານຊີວະມວນ ແລະ ເອຕາໂນນ ຢູ່ເມືອງພູວົງ ແຂວງອັດຕະປື ມີກຳລັງຕິດຕັ້ງ 30 MW ແລະ ກໍສ້າງໂຮງງານຜະລິດໄຟຟ້າຈາກເສດຂີ້ເຫຍື້ອ ຢູ່ນະຄອນຫລວງວຽງຈັນ ມີກຳລັງຕິດຕັ້ງ 5 MW. ສ່ວນພະລັງງານທົດແທນອື່ນໆ ກໍໄດ້ຮັບການພັດທະນາ ແລະ ມີການລົງທຶນຂອງພາກເອກະຊົນ ເຊັ່ນ: ໂຄງການສາທິດນ້ຳມັນກາຊວນຊີວະພາບ ຈາກໝາກເຍົາ, ຈາກນ້ຳ ມັນປາມ, ໝາກເກົາ ແລະ ຈາກພືດຄາເມລີນາ ແລະ ອື່ນໆ.