ຈົ່ງເອົາໃຈໃສ່ຮັກສາສຸຂະພາບໃນໄລຍະລະດູໜາວ

    ປີນີ້ສະພາບດິນຟ້າອາກາດມີການປ່ຽນແປງຢ່າງໄວວາ, ໄພໜາວໄດ້ເລີ່ມເຂົ້າມາປົກຄຸມປະເທດເຮົາແຕ່ຫົວປີສົ່ງຜົນກະທົບ ບໍ່ໜ້ອຍຕໍ່ການດຳລົງຊີວິດຂອງປະຊາຊົນ, ໂດຍສະເພາະຜູ້ ຢູ່ເຂດຊົນນະບົດຫ່າງໄກຊອກຫຼີກທີ່ຍັງທຸກຍາກຂາດເຂີນ, ບາງ ບ່ອນເກີດມີການເຈັບເປັນຈາກພະຍາດຕ່າງໆທີມາກັບລະດູໜາວເປັນຕົ້ນ:ພະຍາດຫວັດ, ໄອ, ອັກເສບປອດ, ພະຍາດລະບົບ ທາງເດີນຫາຍໃຈ, ພະຍາດໄຂ້ອອກຕຸ່ມ ແລະ ປັດຈຸບັນມີການລະບາດຢູ່ຫຼາຍບ້ານເຂດຊານເມືອງ, ນະຄອນຫຼວງວຽງຈັນ ມາແລ້ວ, ດັ່ງນັ້ນທາງສາທາລະນະສຸກຈຶ່ງຮຽກຮອງໃຫ້ປະຊາຊົນມີສະຕິປ້ອງກັນຕົນເອງ ແລະ ປະຕິບັດຫຼັກສຸຂະອະນາໄມ ຢ່າງເຂັ້ມງວດເພື່ອສະກັດກັ້ນ ການລະບາດຂອງພະຍາດດັ່ງ ກ່າວບໍ່ໃຫ້ແຜ່ລາມອອກສູ່ວົງກວ້າງຄື: ຜູ້ເປັນຫວັດ, ເປັນໄອ ໃຫ້ອັດປາກເວລາຈາມ, ໄອ ແລະ ຕ້ອງທຳຄວາມສະອາດຮ່າງກາຍຕົນເອງຢ່າງເປັນປະຈຳ, ເມື່ອຮູ້ສຶກບໍ່ສະບາຍຄວນໄປພົບ ແພດໜໍ່ບໍ່ຄວນຊື້ຢາກິນເອງ ແລະ ນຸ່ງຮົ່ມໃຫ້ອົບອຸ່ນ.