ຕ້ອງຮ່ວມກັນຕ້ານຢາເສບຕິດຢ່າງຈິງຈັງ

     ຢາເສບຕິດແມ່ນສານກະຕຸ້ນຫລືລະງັບລະບົບປະສາດທີ່ໄດ້ມາຈາກພືດທີ່ໃຫ້ສານເສບຕິດ ຫລື ຈາກການສັງ ເຄາະສານເຄມີ, ເມື່ອເສບແລ້ວຈະມີຜົນກະທົບຢ່າງຮຸນແຮງຕໍ່ຮ່າງກາຍ, ຈິດປະສາດ ແລະ ຈະມີຄວາມຕ້ອງການ ເສບເພີ່ມຂຶ້ນເລື້ອຍໆ ແລະ ເປັນສາເຫດຕົ້ນຕໍຂອງບັນຫາທີ່ພາໃຫ້ເກີດປາກົດການຫຍໍ້ທໍ້ໃນສັງຄົມ. ຕາມສະຖິຕິ ຈາກຄະນະກຳມະການແຫ່ງຊາດເພື່ອກວດກາ ແລະ ຄວບຄຸມຢາເສບຕິດ ແລະ ກົມຕຳຫລວດສະກັດກັ້ນ ແລະ ຕ້ານຢາເສບຕິດກົມໃຫຍ່ຕຳຫຼວດກະຊວງ ປກສ ໃຫ້ຮູ້ວ່າ: ໃນປີ 2013 ທົ່ວປະເທດມີເນື້ອທີ່ປູກຝິ່ນ 5 ພັນເຮັກ ຕາ, ສ່ວນຫລາຍແມ່ນຢູ່ເຂດພາກເໜືອ ແລະ ເຂດຫ່າງໄກສອກຫລີກ. ປັດຈຸບັນມີຜູ້ຕິດຝິ່ນ 13 ພັນຄົນ, ຜູ້ຕິດຢາ ບ້າ 65 ພັນຄົນ ໃນນີ້ພວມຮັບການບຳບັດຢູ່ສູນສົມສະຫງ່າ 2.880 ຄົນ, ຍິງ 158 ຄົນ.

         ປີ 2013 ເຈົ້າໜ້າທີ່ສາມາດ ມ້າງຄະດີຢາເສບຕິດທີ່ເກີດຂຶ້ນ ໃນທົ່ວປະເທດໄດ້ 1.319 ລາຍ, ກັກຜູ້ ຖືກຫາ 1.971 ຄົນ, ຍິງ 385 ຄົນ, ຕ່າງປະເທດ 40 ຄົນ, ຢຶດ ຢາເສບຕິດປະເພດເຮໂຣອິນ 165 ກິໂລ ກຣາມ ທຽບໃສ່ປີ 2012 ຫລຸດລົງ 19,66 ກິໂລກຣາມ; ຢາ ບ້າ 15.066.530 ເມັດ ນ້ຳໜັກ 1,5 ໂຕນ ທຽບໃສ່ປີ 2012 ເພີ່ມຂຶ້ນ 306,56 ກິໂລກຣາມ;

ກັນຊາແຫ້ງ 5.300 ກິໂລກຣາມ ທຽບໃສ່ປີ 2012 ເພີ່ມຂຶ້ນ 3.034 ກິໂລ ກຣາມ; ຝິ່ນ 89,24 ກິໂລກຣາມ ທຽບໃສ່ປີ 2012 ຫລຸດລົງ 110,15 ກິໂລກຣາມ. ນອກນັ້ນ ຍັງມີປາໄອສ໌ 26,49 ກິໂລກຣາມ, ໂຄເຄນ 10,5 ກິໂລກຣາມ, ແປ້ງ ທີ່ມີສານເສບຕິດ 122 ກິໂລ ກຣາມ, ເຄື່ອງອັດຢາບ້າ-ເຮໂຣ ອິນ, ຢຶດອາວຸດ 58 ກະບອກ, ລູກ ປືນ 2.170 ລູກ, ລົດໃຫຍ່ 72 ຄັນ, ເງິນກີບ 465 ລ້ານກີບ, ເງິນບາດ 36 ລ້ານ ບາດ, ເງິນໂດລາ 4 ລ້ານ ກວ່າໂດລາ, ເງິນດົງ 1 ຕື້ກວ່າ ດົງ, ເງິນຢວນ 5 ແສນຢວນ.

       ທ່ານ ພັນເອກ ຄຳພົນ ສີຫາ ປັນຍາຮອງຫົວໜ້າກົມໃຫຍ່ຕຳຫລວດກະຊວງ ປກສ ໃຫ້ທັດສະນະວ່າ: ຕາມການສະຫລຸບບັນດາລາຍຄະດີທີ່ເກີດຂຶ້ນກໍເຫັນໄດ້ວ່າ: ໃນຕໍ່ໜ້າບັນຫາຢາເສບຕິດມີທ່າອ່ຽງເພີ່ມຂຶ້ນ, ມີການ ຂະຫຍາຍຈາກຊົນນະບົດສູ່ຕົວເມືອງ ແລະ ຮຸນແຮງກວ່າເກົ່າ. ດັ່ງນັ້ນ ເພື່ອເປັນການສືບຕໍ່ປະຕິບັດຕາມແຜນຍຸດ ທະສາດສະກັດກັ້ນ-ຕ້ານຢາເສບຕິດຮອດປີ 2015 ຕາມການມອບໝາຍຂອງຂັ້ນເທິງຈຶ່ງຮຽກຮ້ອງໃຫ້ທຸກພາກ ສ່ວນ ໂດຍສະເພາະບັນດາກອງບັນຊາການ ປກສ ແຂວງທົ່ວປະເທດຈົ່ງເປັນເຈົ້າການແກ້ໄຂບັນຫາຢາເສບຕິດ ໃນເຂດຄວາມຮັບຜິດຊອບຂອງຕົນຢ່າງເດັດຂາດ.