ຫລາຍພາກສ່ວນເຂົ້າອວຍພອນຄະນະນຳກະຊວງປ້ອງກັນປະເທດໃນໂອກາດວັນສ້າງຕັ້ງກອງທັບ

         ໃນວັນທີ 17 ມັງກອນນີ້, ຄະນະນຳກະຊວງປ້ອງກັນປະເທດນຳໂດຍ ສະຫາຍພົນໂທ ດວງໃຈ ພິຈິດ ກຳ ມະການກົມການເມືອງສູນກາງພັກ, ຮອງ ນາຍົກລັດຖະມົນຕີ, ລັດຖະມົນຕີວ່າການກະຊວງປ້ອງກັນປະເທດໄດ້ ຕ້ອນຮັບ ການເຂົ້າອວຍພອນຈາກບັນດາກະຊວງ, ອົງການຈັດຕັ້ງ, ບໍລິສັດ ແລະ ລັດວິສາ ຫະກິດຕ່າງໃນໂອກາດວັນ ສ້າງຕັ້ງກອງທັບປະຊາຊົນລາວຄົບຮອບ 65 ປີ  ( 20/ 01/1949-20/01/2014).

         ສຳລັບພາກສ່ວນທີ່ເຂົ້າອວຍພອນປະກອບມີ:ຄະນະໂຄສະນາອົບຮົມສູນກາງພັກ, ຫ້ອງວ່າການລັດຖະ ບານ, ສະພາແຫ່ງຊາດ, ອົງການກວດສອບແຫ່ງລັດ, ສະຖາບັນການເມືອງ ແລະ ການປົກຄອງແຫ່ງຊາດ, ອົງ ການ ໄອຍະ

ການປະຊາຊົນສູງສຸດ, ຫ້ອງວ່າການປົກຄອງນະຄອນຫລວງວຽງຈັນ, 3 ອົງການຈັດຕັ້ງມະຫາຊົນ, ສະຫະ ພັນນັກຮົບ ເກົ່າແຫ່ງຊາດລາວ, ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ກະຊວງການຕ່າງປະເທດ ແລະ ຄະນະພົວ ພັນຕ່າງປະເທດສູນກາງພັກ, ກະຊວງປ້ອງກັນຄວາມສະຫງົບ, ກະຊວງອຸດສາຫະກຳ ແລະ ການ ຄ້າ, ກະຊວງພະລັງງານ ແລະ ບໍ່ແຮ່, ກະຊວງກະສິກຳ ແລະ ປ່າໄມ້, ກະຊວງວິທະຍາສາດ ແລະ ເຕັກໂນໂລຊີ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ກະຊວງໄປສະນີໂທລະຄົມມະນາຄົມ ແລະ ການສຶ່ສານ ແລະ ກະຊວງອື່ນໆ. ພ້ອມນີ້ ຍັງມີບັນດາກຸ່ມ ບໍລິສັດຂະແໜງພະ ລັງງານ-ບໍ່ແຮ່, ທະນາຄານແຫ່ງ ສປປ ລາວ, ສະ ມາຄົມທູດທະຫານປະຈຳລາວ ແລະ ພາກສ່ວນອື່ນໆ.

     ໃນໂອກາດນີ້, ບັນດາຄະນະນຳແຕ່ລະພາກສ່ວນຕ່າງກໍໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານທີ່ກອງທັບ ປະຊາຊົນລາວຍາດມາໄດ້ໃນຕະຫລອດໄລຍະ 65 ປີຜ່ານມາ ເຊິ່ງເຮັດໃຫ້ກອງທັບປະຊາຊົນລາວກາຍເປັນກອງ ທັບທີ່ມີຄວາມເຂັ້ມແຂງໜັກແໜ້ນ ແລະ ມີຄວາມທັນສະໄໝຂຶ້ນເລື້ອຍໆ ແລະ ໃນໂອກາດຄົບຮອບ 65 ປີ ແຫ່ງ ການວັນສ້າງຕັ້ງກອງທັບປະຊາຊົນລາວຂໍອວຍພອນໄຊໃຫ້ຄະນະພັກ, ຄະນະນຳກະຊວງປ້ອງການປະເທດຈົ່ງມີສຸ ຂະພາບເຂັ້ມແຂງ, ສືບຕໍ່ຊີນຳ-ນຳພາ ແລະ ສ້າງກອງທັບປະຊາຊົນລາວໃຫ້ນັບມື້ກ້າວຂຶ້ນຢ່າງສະຫວ່າງສະໄຫວ ແລະ ເຂັ້ມແຂງຍິ່ງໆຂຶ້ນ, ນຳພາຖັນແຖວກຳລັງປະກອບອາວຸດໃຫ້ກາຍເປັນກຳລັງທີ່ມີແບບແຜນທັນສະໄໝ.